鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

1/26/2013

雙非童係生力軍!? 港B奶粉配給!? 知唔知羞恥點寫?

前幾年,雙非孕婦無處不在,相信家住北區的人感覺更深入,不管是產前產後檢查、BB打針檢查等,身邊的位置總被同胞佔據,還不止,他們喜歡一人檢查、五人同行,除鞋晾腳上凳兼狂UN腳,大家都知政府設施多數是一排膠凳,你UN就成排震。香港媽媽可以做的多數是怒睥然後起身,而我多數會做的是先禮貌出聲叫佢地停,多數係姑娘叫我名前佢地都忍得到,至多見完姑娘自已坐去第度

說過健康院的景象,醫院產前產後房如何? 當時我入院待產時住了一晚才真正「入直路」,但該晚基本上無訓過,一來是陣痛加劇,二來是當晚有個雙非衝急症發生慘劇[詳見: http://megan-soso.blogspot.hk/2012/11/a7.html ] 以小博大真係唔得人可憐囉,入到黎都唔知係咪先第一次用超聲波照,就係咁,臨生得先胎死腹中,有人性地想就是可憐個B,衰d諗就係雙非對BB不負責任,結果成晚嚎哭,悽厲慘叫「比返個仔我~~~」大佬,係產前房聽到d咁ge野真係唔老黎~~~我的個案只是冰山一角,無數媽媽因為比雙非霸晒d床而要訓走廊,又或者休息時間狂大聲用鄉下話講電話,甚至住私院ge親友成家黎醫院當住酒店咁都聽唔少

龍年是生B高峰期,如果我地要訂私院床位,頂多懷孕12weeks就要撲位;自從零雙非又傳將可能無出世紙後,現在蛇B輕鬆得多,有準媽媽表示下個月生,依家都仲book到私院,可喜可賀,也有不少媽媽話醫院終於變返廣東話之地好多了!「零雙非」好似盡取民心了,那你就錯了,
教育局局長吳克儉日前電台節目上再次出賣港人,一句「雙非童在香港出世,係未來的生力軍」,叫香港人歡迎佢地;叫港童將就將就跨區返學!痴線~~你估依家係自願由香港仔返九龍塘名校咩,無端端要係上水搭車去大埔粉嶺返學,無端端用多成個鐘先入到學校好好玩呀? 仲覺得「借學額」無問題

「搶奶粉」,其實發生左好耐,但最近真係忍無可忍,差唔多間間萬寧每朝大家還在被窩時就有人排隊,試問一個正常要返工/要係屋企照顧BB的父母點會夠呢d人鬥!大陸人真係好可惡,但竟然有香港人為個幾十蚊出賣港B,連我唔洗買奶粉都好嬲;有一次在TASTE排隊比錢,聽到有個香港媽媽問有無邊隻邊隻奶粉,個收銀好悔氣咁數「A+12345都無,美素1234都無,牛欄1234」,最後加多句「問問問!」;去藥房講廣東話都係無得買,講國語就問你要幾多,這個乞奶粉情況真係好可憐,即使你想比多D錢都買唔到;政府一句「本地媽媽可以打電話直接訂購」,又知唔知實情係熱線長期無人聽,要留言,但留言信箱長期爆晒留唔到~?! 真係好多媽媽食到得返幾餐奶都撲唔到奶粉上網哭訴,真係心急架大佬。外人一句「轉奶粉啦」,你又知唔知轉奶粉唔可以話轉就轉,要慢慢溝,而且BB食咩奶粉要適應,有D真係會腸胃敏感/熱氣,而且一句「轉奶粉」係斬腳趾避沙蟲,少左港人買個隻奶粉,咪助紂更多貨比人搶走
                  

只怪奶粉廣告左一句We are Hong Kong Baby,右一句專為香港BB設計,結果大陸人就梗係發晒光,所有同香港有關ge野都要搶,連Jenny Bakery係淘寶都有價有市,最搞笑係營商的依然覺得「唔通有生意唔做咩!賺錢無上限」亦都因為咁,香港咪無晒小店囉!

前日開始,「奶粉配給」一詞竟然出現了,政府唔覺得羞恥架咩??老一輩只會想起3年零8個月ge時候的悲慘生活,「配給」自那時起已經成為一個低下的代名詞,既然奶粉是BB 6個月前的唯一食糧,但政府卻保障唔到香港BB有奶粉,同廠商開完會,係加推100萬罐,但加推出市面呀嘛,傻ge都諗到最後會點啦。如果真係要搞到憑出世紙到民政事務處買奶粉,應該係國際醜聞

好慶幸魚子醬全人奶,但我只會做好本份,唔會傳教咁話「人奶係最好,都唔明點解個個餵奶粉;始終每個人有不同的背景和理由,可能真係天生乳腺不發達,又可能工作時間唔允許,又可能BB/媽媽體質不宜,不在這詳述了。只係想講,政府一日唔做野,蝗禍都唔會停,無論係奶粉尿片曲奇金莎益力多等等等等等。大家知唔知大陸好多「港貨店」,真係招牌寫「港貨店」,裡面全部都係搶返黎ge野,自已Google下,真係睇到眼火爆

2 則留言:

  1. 中国人太厉害了!在一人一胎的制度下,单单吃奶的问题,就让其他国人吃不消了!如果是自由生产,这个世界,哪来这么多奶水去喂饱这些宝贝?

    回覆刪除
    回覆
    1. 正是,人口多卻往往對自己的產品不信任,總是要到處一掃清光,不僅是香港這個距離近的城市,連澳洲德國以致多國都被掃光,講到尾都是向錢看,任何賺錢的機會都不放過,討厭

      刪除

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...