前兩日爸爸OT，而魚子醬又嚷著要食「火車壽司」..結果在家出發前就用vcity apps先等位，但都有成70張檯要等，一心諗住個個都係用apps同步等幾間ge心態，應該會飛得好快，點知等等等等等等等，等到九點半都仲有30個籌，未免太強橫了吧..好彩同步等幾間的情況下，目利銀次終於有位，同魚子醬deal...都勉強叫食住日本野先啦 ^_^;;; 再等落去餓死了...
來過這裡幾次，午市晚市其實都滿座，除了塌塌米房間，酒桶形的廂座都非常有Privacy，就像這次坐在最尾尾，要走出走廊舉高手成分鐘先有人見到 [~哭~] 快快手點菜吧，明太子煎蛋卷 [$68] 少不了，除了爆餡的微辣明太子為淡淡的煎蛋提鮮之外，也因為煎蛋卷本身都做得非常滑嫩綿軟；而煙肉鵪春蛋卷 [$28] 一客三件，兩者在質感和味道上都互相補足，近年都很常見煙肉包車厘茄等組合。