【挑戰自已】WWF 全球活動 地球一小時。跑出未來 6km慈善跑

自問體能OK，以前keep住一星期做3-5日劇烈運動，亦都一直有拉筋，魚子醬出現後就改為「靜態少少」ge活動，行山機會比較多，又或者平日係屋企扮牛扮飛機追逐已經好大運動量，但中學後就一直無跑步，甚至憎跑步；這次答應代表WeShare出戰6km，絕對有淆底。

但一向非常支持WWF的魚子醬一家，就用這次「地球一小時」的意義說服自已，而且有機會在西九海濱跑步，頂硬上啦喂! 最後能夠係完完完全無練過ge情況下憑自已跑完6km，已經超額完成啦!!!!!!