布吉之旅 2007 - Day 2

Day 2 - 26/6

今天是真正旅程的第一天~~~要好好享受~唔可以咁快比個d乜乜tour搞到自已早起又趕~

9點幾起身...身傍的懶人平時放假要訓14個鐘....今日當然唔願起身......

估唔到.......第一餐早餐就要自已食.......好孤獨啊 

特登坐個對正房ge位~玩偷窺!

早餐都好味ga~雖然熱盤都幾多(但我早餐係唔食熱盤!)..但係佢連麵包都有6,7種..又有生果/粟米片...呢d都係我favourite~~夠晒數~每日輪住ge donut同waffle都好好味!

死野訓醒偷睇到我...自已又走埋出黎..我都食完了...

係酒店周圍影下相~~~個泳池都好靚下~~d大象仲會定時噴水ga~~~

係lobby hea下~影下無聊相~~~~~

有一樣野我覺得好唔開心ge係.....係phuket見到ge貓貓狗狗...全部都好爛身爛世..

瘦到乜咁.......真正過得飽滿ge...真係5隻手指數得晒...

周圍行完..見到10:30酒店出jungceylon~咪等囉....點知係架大tuktuk

仲要上面全部鬼都係去beach~架車都唔係jungceylon做總站...

搞左一輪..好似係我痴佢地車...經過商場放低我咁.........

因為book左Let's Relax 11點...就慢慢搵....又話400m就到ge?點解咁遠ga...

好彩過左勁大個間spa之後就到...

話說終於搵到Let's Relax~諗住推門入去啦~~~~~

大比一句: 喂~你有錢咩~?!

(又唔記得唱錢.........成日都keep住唱$500,$1000....好快就無晒...)

見到對面有間唱錢屋仔...未開.........又要周圍繼續行...

最後搵到間唱得好低..得4.31...衰過機場......算...都要唱$1000...唔係點夠比錢做spa

入到去...覺得reception個肥婆好唔得....

淨係一輪咀講晒for乜skin..就扔低我自已選....

我見人地話第間spa會幫你試埋上身睇效果~~~~

我就做Full Spirit...大比就做Dream Package+ Oil Massage 1 hr

開頭可以一齊做Foot~好痕ar~~

雖然book couple rm~但我自已要上房做住Body Scrub先~幫我做Massage0個個好好人..沖完身著返條小褲子就開始了~~有d怕醜tim..hahaha

不過做scrub真係好舒服~~自已平時都好鍾意~

但有人幫你做晒全身~~呵呵~

大比做完shoulder & head~一入黎就係咁笑我..影左呢條死屍

推油--我至愛~~~~好好好舒服....真係訓著左啦今次...

做完之後飲埋杯薑茶同腰果餅....(好味ar!但落到地下都無人理我..都唔知點問話想買好..)

走lu...幫我做Massage 0個個仲送埋我出門~好好人~比左40b佢做tips~

呀~~點解對面間鋪個logo咁熟面口ge...

.

.

.

.

原來上年係izzue買ge tee....同佢有95%似囉........又發現抄襲情況...唉

繼續周圍行~經過大街小巷~終於出到beach road~

化灰我都認得佢!!煩到死~~成日Tonight..Tonight....9pm...9pm...Thai Boxing....

因為佢....接下來的4日都要忍受我耳邊不停有條茂利唸經!!不停Tonight...tonight...

原本諗住搵central架free shuttle bus~不過望黎望去都得20b的巴士...仲要無人搭ge//係patong灘行下啦~反正時間仲有~

經過M記...一定要食Taro Pie....每次黎泰國都食..唔知點解好味過hk咁多

仲見到................

Double BigMac!!!!!!!!

經歷無數sell你做tatoo同massage~見到好多人扎辮~~已經有d心郁~~~~~~~

行到savoey~都唔係辦法~想過Big C掃貨~就搵左架泊街邊ge tuktuk~企硬300B...

算...殺你.......係HK坐半個鐘taxi都唔止呢個價...

一入到BigC...個司機話等我..3個鐘都等..仲話回程先比錢....

我硬係覺得唔係咁好....都比左呢程錢佢先...之後就發生左一d唔開心ge野..(留意後面)

因為好肚餓..見到dount就衝左埋去~haha..呢度d donut唔似炸ge..似焗多d~~好味

入到BigC勁瘋狂..買埋晚餐先~~~

仲有好平ge'爸爸'...hoho 

無端端行行下...發覺個司機都入左黎..係我地身邊行過同我地say hi...

初初諗住佢咁nice....之後大比話...佢驚我地走左去唔搭回程....黎睇實我地...

搞到我勁唔自然................

買完野..又要唱錢..hahaha~

一出門口......個司機企係度等我地....... 

洗唔洗........搞到我個商場都無乜行過.....就要跟佢走...咩事!

我話想過埋central...佢話車我去..不過要收錢...痴線~

反正我聽日都包車會去central....就同佢講go back hotel la......

勁激氣.....落到地下見到d民族袋..想睇下.....佢又行埋我身邊等我......

妖!唔睇啦~上車..................

唔知點解去程要30mins...回程只係15mins就ok...但都要300b~

賺死佢啦~~~~但係patong範圍一轉都150b啦..

佢為乜要等我3個鐘~!?大比話可能600b可能一日生意都無咁多~~我又唔信!

好唔開心~~~~~~~~~~~~~~~ 

返到deevana,,叫佢係路口停得啦..因為我想過對面買埋d小食做晚餐

好好味呀~~似係熱ge椰汁糕~3款我最鍾意食蔥呢款~~不過真係好熱ga..我一拎上手就試..連賣野個姐姐都叫我小心...但呢個係我壞習慣..無計...結果食食下隻手指插左入d糕到.....熱到又紅又腫..激死大比.

仲同呢個唔友善ge呀姨買左個豬手米...點解個陣睇唔到有cow問計ga~~~~唉呀!!!!!

滿心歡喜返酒店~~~係酒店門口....竟然有檔banana pancake wo~~

唔理啦~買埋先..hahahahaha

banana + chocolate~個哥哥仔仲勁慷慨...糖..煉奶..油..樣樣都好多..(肥死!)

勁豐富的晚餐

有自助salad(25b)..燒雞(72b)..豬手米(20b)..pancake(30b)..凍椰汁糕(25b)&'''熱椰汁糕'''(我假設ge) (15b)

不過BigC這隻72b的雞~~好咸&好鞋~食到口腔上面甩皮~

成日覺得d泰國人點解包親野都要用膠袋包到成個波咁...好搞笑~~~

Good View的Dinner~~~特登安排大比坐右邊~~睇bikini女~呵呵

做足防蚊措施~~~(防蚊mp3+蚊怕水+蚊貼)...之後發覺個mp3一d都唔work......

d蚊係就係唔針我地...但係不停係我地身邊飛...仲煩..

因為小比細食..好快就食完......呢個時候.......呵呵...

鎖住隻大食積係出面~~自已嘆冷氣~呵呵

 

之後.......自得其樂.....哈哈哈

玩到7點9....醒起8點司機黎接我地去Fantasea show~~~

但聽日出島wo~~~仲未買黑鬼油tim.....即刻出去搵下有無藥房先~~

好彩路口有間有~~即刻衝入去~答應了幫朋友買~~

一買就3枝~~個老闆好開心~可能佢成日都無做咁多生意~~

360@ ja~~超平~~~~~~

行返入酒店ge時侯已經見到Ice Family架車係度~~~

即刻放返3枝tan入房就上車了~~~~~

去holiday inn接多2隻鬼~就出發了~

唔知點解要接左我地先~~反方向~~~可能又係單程路問題~

經過一d黑過舊青山公路ge路....終於到達了~

見到好多中文...反而覺得好怪..........

老實講...我對個show一d期望都無..純粹陪大比這大細路見識下...

以前跟團去每一個地方...我都有睇呢d show...每次都訓著收場

(bkk...japan..上海.....太多了...)

又係民族舞...又係空中飛人..........已經訓左...

又凍.......好彩無乜人坐上層...我可以左挨又挨.....

睇完show~~~即刻認返部相機~費事一陣有排排~

之後好迷惘咁~因為唔知去zone1搭fantasea 公司的車~還是等Mr.Chai的車~

唔理了...過zone 1 la..反正唔洗錢.......(心諗....cher...Mr.Chai免transfer錢...都係一程only.....)

因為deevana係patong頭~第一站就係了~~呵呵~~

返到去就拿拿聲訓覺了....聽日出島~~~~~~

希望天氣好好好好啦~~~~~~~ 

-----Day 2 完畢------