曼谷。慢慢谷~Day 1 (Part III) 完結一天

做完Foot Massage~輕飄飄ge團友1號-小比同腳痛痛但好爽ge團友2號

就決定直接過Central World Plaza行下街食埋晚飯~~~

Central World門前有四面佛同象神~

好多人拜緊~而我發覺就算其他人經過

三歲到八十歲都會合手點一點頭....

不過我遊客黎ga ja..咩都唔識......淨係識周圍影靚相..haha

見到佢地用玫瑰黎拜祭~放到整個水池邊也是~好靚

過少少見到好多後生仔力載歌載舞~叫晒咁~

應該有明星了吧~~~不過我又唔識佢...

仲見到有個由學生hold ge 地攤~~~d野真係好DIY feel~~

同埋超多學生行~~好逼好逼~~

原本好想慢慢慢慢睇~我諗會有好多收獲的~

但係留意相ge左上角~~當我地頭上仲係光ge時候~

個邊ge大大黑雲超高速過緊黎~

見到d學生檔主都開始即刻收野~

我都只求快d逼到出呢個小型flea market///

就係咁~睇左幾檔only...我諗之後個幾日都會有掛..

(點知返到黎check先知係每個Friday先有...唉呀呀~~~~)

Central World Plaza有7層~電梯又係何其複雜的說~

最憎最憎~~好似又一城咁~大到無野好行

同埋好好地一個大商場~唔同ge角落都會有function表演~

極之嘈吵的說!!!

最後又上左最高個層~~因為個度有個自稱全東南亞最大ge Supermarket

小比又點會放過呢個機會呢~~~放低Big C戰利品係counter慢慢行街~

不過黎到就覺得其實就好似HK Citysuper咁~集各國貨品~

當然都係貴過Big C啦~~~不過有一樣幾得意ge就係

小比可以係度搵到泰國有入貨而HK無ge其他國家野~

日本版零食尤是..hehehehe...

仲見到d唔知乜東東ge生果

係咪椰皇~!??但又唔似.....有樹枝ga wo....咩黎ga?~?

最後都無答案

行呀行~~~見到ZEN搞緊日本拉麵節~好多日本東仔檔咁~

一格一格要掀開少少布先入到個d~~~好似呀!!

不過硬係覺得係泰國唔多想睇日本野咁~所以遠觀就算了~

但點解泰國人好似超鍾意食sushi咁?~!超多日本餐廳~~

連小販都賣sushi~~pop過hk~~

諗緊食乜好~就見到Mango Tree新開ge Bistro店~~

又有好似幾舒服ge大sofa~~就入左黎~

食我地第2餐thai野

呢間新派泰菜~我諗係當地都算貴~

雖然我曾經講過~食泰菜愈地踎愈好食~唔會幫襯得個樣ge鋪~

不過人在異地~都係感覺上乾淨d好~~haha

先叫了木瓜沙律~小比永遠ge no.1頭號首選糧食

木瓜沙律細細球~生豆角~蝦仔~花生~番茄~

蝦仔都落得幾多~反而覺得令到整個沙律太''肉''

對小比來說沒有甚麼辣度可言~~~不過團友2號早已放棄~

專心吃她的炒雜菜~haha

泰國人好鍾意食粟米仔~~haha~好多粟米仔

仲有d鋸齒形ge唔知係咩呢~好爽口~

但又唔係薯仔~~應該係翠玉瓜之類ge東東~

我地2個出名係蔬菜怪~~係屋企開飯不嬲都一人一斤菜~

所以我地黎到之後都貫徹始終~會狂叫菜同魚食~

叫左條燒魚~~~但黎到點睇都覺得唔係燒

似蒸熟多d囉我覺得....不過有少少少少焦跡~

可能蒸完再燒2下掛.......都幾失望

對座的是個無飯落肚就唔會飽的人..所以就追加了個海鮮炒河粉with Basil

拿拿拿~~又有個d鋸齒東啦!不過都係唔知佢係乜~~~~

呢度全部野都好細份量~~~個粉少到嚇死人~好似Fine Dinning咁

而且效率極極極極極極慢!!!!慢到想鬧佢地~

黎Mango Tree~當然要特登留肚食芒果糯米飯~~

但當我叫的時候...竟然............賣晒.......

佢話得返d好生ge芒果~酸得濟唔可以賣~~~唉!!激死

經理就推薦呢個Taro Ball in Sweet Coconut milk~

見係芋圓~~就試下啦.......

頂...............個椰汁點解咸ga~?!~?!~

一人食左一啖就放棄左!!!

即刻叫經理黎~~~佢自已即刻拎走~試左啖

跟住就消失左15mins~~激死!

唔想再等~我呢餐飯食左2個鐘了...

叫埋單ge時候~~~經理就出返黎~

話可能每日試味調味ge人都唔同~~~

我信你先奇~~~!好彩最後佢都主動cancel~~

之但係埋單又15mins~

我叫埋單...收錢...同找錢ge人...都係唔同ge人~

但都搞左咁耐...其實泰國人係咪真係咁無效率

食到發癲ge一餐~~~~

仲搞到要快步走返過Supermarket拎返寄存左ge野

最後出商場出面搭巴士返酒店~~~~

唉呀~即刻影低酒店對面ge巴士站~

以後咩車經過酒店起碼都唔會搭錯車返黎~~

呢d就係今日ge戰利品~

野食遲d慢慢介紹~~

好搞野~~~~睇住now財經台~~~訓覺~~~

聽日係整個Trip ge主要戰場~~~JJ Market~翟道翟~~

DAY 1 完滿結束