荃灣 - 大阪王將 - 咩服務態度?!

荃灣吉之島四層之大，上一回跟大家介紹過西佑定食屋，毗鄰是大阪王將，以往在Food Court只有簡單幾味，但自從「入舖」後，餐牌大轉變，但上一次在銅鑼灣舊大丸 Jusco超市已經中過一次伏，這次又會是一次中伏嗎??

菜式選擇超多，從前主打的天津飯已經成了餐牌中一個普通的飯類選擇 

鍋物炸物飯麵都有，來一招「通殺」就是生存之道? 

向街的座位少人經過又開揚，這裡每張凳底都有一衣物籃，在香港食肆而言是超貼心安排 

點一個豬骨湯拉麵餐，沒有太大期望，顯然這樣是對的 

碗不是大，要這麼大隻匙幹麼!?!?!? 而且湯底不豬骨之餘也超超超牛油feel，鹹、油、膩足以形容這湯拉麵

跟餐的小食薯餅都只是一般貨色，沒有存在價值

相反自已點的櫻花蝦五穀炒飯至少粒粒分明不太油膩，中間有叉燒粒，不過作為晚餐份量都是偏少

跟餐的餃子除了元祖款式，這店也提供幾款變奏版可加錢轉，我們一個餐吃元祖，另一個加$6要了芝士粟米，插曲來了； 先上拉麵餐，我們無為意是那款餃子，照吃，無啥特別，之後上我的炒飯餐，waitress謂芝士餃要遲上；結果，結果最後來的芝士餃與另外一碟是一樣的!

咁即係2碟都係芝士啦，叫侍應回來，我咬開2隻給她比餃，佢ge反應竟然係「哈!由佢啦咁」跟住走開左!! 有無搞錯，你覺得我地賺左定咩? 問題係我地本來就係想食2款唔同，但佢竟然唔知去左邊，DLS；之後再叫人換先問廚房有無元祖多，咁就比左碟只係暖ge元祖餃我地。如果唔係BB訓緊覺，我發火都似!!

餃子除了醋汁，印象中還有麵豉和柚子汁，但吃起來又很wasabi，點都好，對我來說都是gimmick，點回原來的醋汁可以了

以前Times 地庫的美食廣場，雖然大阪王將細細間但卻好好味，自從Food Court執左，銅鑼灣Jusco超市的大店已經覺得好失色，今次再在Jusco版圖擴充依然失真，還我大阪王將Please~!!

淨係一句「哈!由佢啦」已經足以令我Black-list佢，大家引以為鑒

地址: 荃灣大河道88號灣景廣場購物中心AEON店地下G03鋪

電話: 2498 0778

**如想得到更多實時飲食旅遊資訊，不妨LIKE一下我的Facebook Page =]