要數最浪漫、最迷人的大自然景色~~北極光可能是此刻最想遇見的~~天空之鏡也要機遇~~落雪? 丁點都不浪漫；日落每天都可以遇見，秋涼之時，更是美麗；魚子醬一家住在香港最西面的地方，龍鼓灘、下白泥、大澳的日落靚、但機場維修區的日落是至今看過最美的；天時、地利、人和，都係個句「睇天做人」
機場T2 SkyDeck展望台的日落很美，去年初都跟大家分享過 >>按這裡<< 要來機場維修區，唯一的公共交通工具就是 S52巴士，由逸東開出，如果大家搭A/E 機場巴士可以選擇在東涌消防局 原地等車；搭地鐵的話，巴士站就在東薈城噴水池對出，近7-11；一直搭到總站就ok！留意班次為每小時02,22,42分由逸東開出，時間唔好預咁MUN~走左一班可能就會錯過日落架啦！ 因為中間仲有幾個站，到總站的車程都要大約25分鐘
當日我地就因為錯過了一班車，上了1742開出的車，入到維修區已經1805，現在秋天的日落時間一般為1820 [緊記當天到天文台網頁/apps查看] 其實巴士沿路入黎，都會見住有海邊長堤，如果當日天氣好的話，應該都會見到唔少龍友；
落車後向車尾方向行，大約五分鐘就已經會到達長堤尾尾，雖然角度無咁靚，但如果純為影日落同合照下，方方便便都幾好
馬路行車不多，但一有就多數係旅遊巴/工程車，所以大家要小心，馬路的另一旁是草地，圍欄後面就是飛機停泊的維修區啦
