[親子好去處] 魚子醬玩樂手記 - 機場二號客運大樓 T2 航空探知館 + SkyDeck 展望台看飛機升降

離開迪欣湖後，我地就搭R8再轉A車入機場luuu~都係20min到就到啦~~~~

迪欣湖野餐遊記: http://www.megansoso.com/2014/04/blog-post_9.html

朋友常說魚子醬真好，可以周圍去，但同時說出這句話的很多都是全職媽媽，其實當得上全職媽媽，玩樂就應該不再局限於周末爸爸放假時，因為要體諒爸爸周末也要休息的，所以辛苦d都要 weekday多d帶佢周圍去，一來是人少d，玩得開心d，二來他多外出，就自然會乖乖遵守外出的規則。魚子媽經常掛在口邊的一句「玩樂是小朋友的工作，當了全職媽媽就只好每天帶著他上班」；只有懶散的上司媽媽，沒有不想玩的小朋友

因為離家也不遠的關係，我們閒時都會來機場逛，對很多人來說是「有咩好行~?!」其實T2那邊吃的逛的玩的也很多，而且走上SkyDeck又可看看機場全貌 

愛到機場，不是因為要扮有旅行去，而係呢度d路好闊，又無乜閒遊ge人，所以行得好舒服 

其中一間必到的是 DisneyLand Store，呢度ge衫成日都有promo ga!~ 不過自已不是粉絲，多數都係受人委托，哈哈，不過都行得幾開心 

今次同魚子醬的目的地~~~是這裡~! IMAX~?! 對，我地係入去戲院範圍~但看的不是電影，而係呢度ge 航空探知館 

可以話無野睇，又可以話好多野睇，總之小朋友可以通處走~有飛機睇~佢地就開心 

呢度介紹ge知識其實幾深入而全面，連engine、機翼、直升機原理都有講ga 

仲有舊式同新式的機艙可以親身體驗 XD  

Business Class的座位入座率看來爆燈，腳墊都爛了 ^_^;; 

有得揀。先至係老闆，魚子醬坐在商務客位幾開心 

係戲院同探知館ge最深處就係SkyDeck 機場展望台ge入口，以前來的時候有人守門口，今次無人守，但就有個牌寫住要去小賣部買飛~~我地真係行左去買~但事後發覺大家都自出自入，認真地做了一次傻仔~~不過同自已講對小朋友身教最重要~無人查飛都應該要買ge 

大約只有四五人在上面，今天的天氣非常好又有微風，好適合來這裡外攝 

魚子醬沒有大炮相機，但用手機也拍到不錯的照片 

望遠鏡是免費的，不似山頂那些要入錢先有得睇，不過魚子醬睇唔到，就唯有跑跑跳跳~haha~一樣咁開心  

仲以為只有天氣差/旺季先會咁多機降落，但原來平時都已經係一架降落，望返過右邊，又有機飛來，唔係偶然，而係non-stop 重複呢個pattern，可想而知香港機場真係超繁忙 

已經快六點了，玩了一整個下午，在展望台看日落認真不錯，是個靚靚景，坐在石台上，吃些茶點，小休一下，其實要帶住小朋友周圍去，都唔係咁辛苦ge~ 

看著魚子醬通處跑，雖然現在還是心急成日仆前跌倒，不過也是成長的一部份，在夕陽下看著他大個仔，是另一種美 

這個駕駛室也可以付鈔入內體驗的啊，也是探知館的地標也 

沿T2的商舖一直走，是時候往巴士站進發了，會合爸爸一起晚餐，今天玩得超累，一上車都未開車就昏迷了 

 看見爸爸後，魚子醬堅持要三人拖住行[當然媽媽是揹著他]，一整天無見，好掛住爸爸嗎??

Kids Meal 時間了 ^_^ 

可惜玩樂過後，在深夜開始就發高燒了~大約徘徊在101,102度，小朋友經常發生這情況，玩樂綜合症麼? 在家休養休養，下星期又再努力玩樂過! yeah 

希望我地ge迪欣湖+機場半日遊行程可以幫到大家計劃一下復活節ge好去處啦 ^_^