鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

2/25/2016

【親子行山】中區自然徑。零倦意行上山頂凌宵閣【簡易行山徑】

雖然維多利亞港不再水深廣闊,但維港兩岸的風景依然是世界知名的地標,這天由太平山望落去,天清氣朗,這才是值得留戀的風景;能看到這風景,完全是偶然遇上的驚喜,只因...只因纜車站實在太!多!人!

其實今次起碼已經係第四次來到纜車站一臉無奈,連龍尾都無辦法搵到,每次都係咁,確實排隊的人當中應該有99%都不是本地人 [要澄清是外國遊客比較多] 

滿心歡喜在停課的這天讓小朋友當一天McDull 「搭下飛機」,點知又...若是你遇到這情況,你會A) 走人 B)搵巴士 C)等的士 D)照排 ?? 我們用了幾秒鐘就決定了... E) 行上山! 因為往山上走的路正正就在纜車站旁邊,從WWF總部旁的纜車徑,初段沿著纜車路拾級而上 

我們走的中區自然徑,沿路上山也有不同的解說,值得跟小朋友一看 

2/24/2016

【親子好去處】野餐首選大草地!山頂花園給你不一樣的感覺

靚的地方無人嫌多,只係香港有好多靚ge地方無乜人知 [無可否認愛行山 / 航海的人是最幸福] 在太平山頂的這片草地,不算秘地,但山頂不是本地人常去的地方~比盡一年1,2次。我們在平日的下午前來,山頂廣場和凌宵閣人山人海,想排隊坐纜車返落去同樣要無比的耐性,但,偏偏往上走幾分鐘的 山頂花園,卻有著無比寧靜的環境,而且我們一致認為,這裡是暫時在本地遇過 「最外國風情」的地方,無誤,超舒服!

配合地段,公園的建築都來得很特別,有雕花石柱配圓形水池,又有迪欣湖style的涼亭,連廁所也美美的;遊樂場人不多,設施齊全,剛巧我們同玩的家庭都很有禮,一切來得太美好 

要到山頂花園不難,推BB車也可,在面向凌宵閣入口的左邊走,就會看到 柯士甸山道路牌,也有山頂花園的指示,向上直走就到了; 若然向凌宵閣右邊走,會到了獅子觀景亭,別去錯

走幾分鐘的斜路就到,不會喘氣,欣賞下豪宅,欣賞山下的風景,很快到 

步入花園,先看到廣闊的草地,跟旁邊的豪宅建築配襯起來,真係真係「好外國」重點是這裡沒有大媽、沒有鴨仔團,非常寧靜 

這裡是拍攝婚照的熱門地,這天因低溫而停課,早上在花園還有人見到鐘乳石咁粗的冰柱,下午約10度,暖得多了,但穿起婚紗的準新娘就比較慘豬了;這裡連廁所都做得像辦事處一樣,而且整潔度滿分,毫不失禮 

【零距離動物全接觸】蟒蛇!蜘蛛!蜥蜴!通通攬上身~香港的流動動物園 Jurassic Garage mobile zoo

這篇文章有大量四腳到八腳的爬爬,還是加上 【慎入】 比較好,免得超勁怕的朋友unfriend 我 XD 話說魚子醬家裡也曾經出現過長腳大蜘蛛,真係驚到手軟,比起見到強哥可怕得多,自此以後我們還是相信自己非住村屋的材料,還是放棄吧。 

這次Ludus Club 邀請香港的mobile zoo流動動物園 Jurassic Garage 來展示動物,由人見人愛的小白兔到榮恩最怕的大蜘蛛和大蛇都有,二話不說 即Join! 魚子醬你也太幸福了,從前大家遠走泰國旅行,也只為坐在白老虎前面和蟒蛇合照,現在搭程巴士,就見盡、摸盡所有一生人未必有機會再摸的動物。 這課除了小朋友深入對動物認識,齊齊學習動物的英文,若然硬著頭皮來的,還可訓練 克服自己

Ludus 給我們的第一印象,是家強調自主學習的新式幼稚園,但課餘時間所辦的課程,才是魚子媽鍾愛的部份,選的活動都是坊間少見,就如今次的Animal Farm,還有劍擊、小朋友cooking class等。

1,2,3,4,5,6,7,七個動物籠內,當然不止七隻動物,這天前前後後我們幾乎看了約十種動物,嘆為觀止,加加埋埋都有二三十隻,通通可以摸摸看!

香港不允許買賣刺蝟 Hedgehog,但若然在領有牌照下從外國引入,又或者繁殖後,朋友間的送贈是可行的,我們也有幾個朋友養刺蝟;第一次將這麼大的捧上手,可以感受到牠的溫暖,又,其實牠的刺沒想像中可怕,牠們害羞得總是捲起來,哈!但正面也太可愛了吧


我們這天碰上的是黑黑的Sonic 與白化的Sophie,Sonic經常外出,所以同小朋友一早是好朋友,活躍得多,把牠們的肚腩一反,拿起來真的超!級!可!愛! 

2/22/2016

【如何介定親子餐廳?】赤橋拉麵 - 小朋友一見愛上的正宗拉麵小店。繪本。壁畫。新奇飲料

其實一間親子餐廳應如何介定呢?有人認為有兒童餐就係親子餐廳~~well~~魚子媽頂多認為是Kids-Friendly,可以量度的條件包括 1) 有無highchair? 2)有無kids menu? 3)有無樓梯級同餐廳通道方便BB車? 等等。但魚子媽經常強調,在魚子醬身上學到的,不比他少,其一是由小朋友的眼睛看世界,就在年假的天,魚子醬一家到了一家 食物其實不Kids-Friendly 但小朋友會一見鍾情,印象深刻的Kids-Lovin'餐廳,在此跟大家介紹一下

除了上圖看到店內有特別的日本直送飲品,店內還有其他更可愛的位置啊 =P 先來看Menu,就簡簡單單有三個湯底,全是豬骨作主軸,再配上魚湯、蝦湯或黑蒜油,從而達到不同的鮮味層次,每款都可以選沾麵 / 湯拉麵,並且價錢已包含了糖心蛋、海苔及叉燒,如有需要加額外追加。 

有幾趣~請比趣~第一個位,係部份座位是用汽水箱加上木板鑲實的啊!不是新鮮事卻真心有懷舊風味,好像場景從漫畫跳出來一樣! [抱歉懶懶的無拿走袋子] 

其次是一個小小的柜台,起初還以為可供小朋友玩Pretending,但實際看來比較像是貓貓的居所 XD Anyway~又是影相位之一,上面還有小朋友的繪本,到大人的書籍也有,等一碗拉麵、吃一碗拉麵的時間可能不長,但這些細微位卻做得很窩心

店小小,只有約15座位,但卻因著一室可愛的手繪壁畫,幼稚園的畫風,令小店頓時變得溫暖和可愛 

2/18/2016

[召喚Kitty Melody粉絲] HK3DM x Sanrio Characters 奇幻三部曲之首部曲中國神話

魚子媽對於要不停擺POSE影相這回事,在經歷過Pre-Wedding同Big Day之後都已經怕怕 XD 但這次在 香港3D奇幻世界 有跟Sanrio Characters 聯乘的項目,深知小朋友應該會喜歡,就拉著朋友到HK3DM體驗一下,就答應了在傳媒試玩日跟朋友試玩,但那天人實在太多,影唔到太多靚相,但也概括跟大家介紹一下

魚子醬是第一次來尖東的HK3DM,比起其他3d館,地點真的佔優,就在尖東噴水池範圍 

入口處見有Locker ,當天未有用到,不知收費如何,另外場內入閘後也有地圖指南,加上每個場景旁都有示範作,大家可參考動作來拍出生動照片


唔知點解一見到呢個場景,就不其然在腦海中loop住許冠傑首 「米貴~有乜問題~~諗計~~咪懵懵閉~度掂~~~就要發威~d錢係會繼續黎~d錢係會繼續黎 」不過換上Hello Kitty造型超可愛~~~影出黎都幾靚的一個景 [但燈光還是需要改善]

2/15/2016

Treetop Cottage 樹屋田莊,永久Blacklisted 黑名單劣評之中的惡夢真相

對魚子媽來說,開電腦就是工作時間,所以年廿九收爐,今天初八啟市,抱歉讓大家久等,這個年假玩了超多野,沒想到開年第一篇,就係同人開年!先同大家交代聲,呢篇係劣評,亦知道人係好鍾意睇人 _ _ ,所以今次要keep住道怒火將這次包場活動的真相道出。 

樹屋田莊,呢個名真係聽左好耐,但就係無機會去,身邊不少朋友都談及過呢個地方,甚至上個月明報邀約介紹親子好去處,亦在考慮之列,乾脆請友好網站替我圓了這個夢。點知,原來呢個係惡夢

無可否認,玩樂的內容係坊間少有兼值得一玩,但在處理訂單及態度就非常有問題。先說人數問題,數月前最最最初留位的時候,ohmykids只訂120人,因對方回覆只能加、不能減人,ok fine~而網頁訂營須知亦列明接受200人以上的活動;而再次致電office 查詢時,職員A就聲稱600人無問題wo~~~我地都試過啊~~~唔會等好耐~~~~ ! 第三次打去,職員B表示,ummm~ 都係唔好咁多了~~300人都ok ga la~我地都經常處理幾百人的活動,ok ga ok ga~團隊裡沒有一人曾參加樹屋的活動,那就全心信任back office的承諾,所以最後招募了三百人,但結果到現場如何?
說回當天,前往樹屋就只有64k巴士或25k小巴,在 新塘 站下車就有指示,我們預料新年林村會水泄不通,也預多了時間,準時到達,路口就有職員指示,當時心情還好 「呀~都幾清晰,行入去都幾方便」 

當中最吸睛的絕對是大家久違的樹屋,另外也有簡單的木筏給大家體驗零安全裝備下渡河的緊張樂趣,加上池內有大量巨型錦鯉,又有不少青蛙,這個早上的心情還不錯。 

開始黎料啦,起初我們知道全園的遊戲有廿多樣,而office的職員都曾表示,如果你地人夠多,其實開晒都得ga!到後期就通知 [中間從來無同一個人負責case,拋來拋去,每次資訊不一] 因為當中有d遊戲係大人team building又或者手工藝、石燒等,一係精簡到八樣適合小朋友玩ge好嗎? 廿幾樣變八樣! 都已經忍你~其實當時已經同報名人士交代了會係開晒任玩,好明顯office / on-site 的每一個員工都手執一辭,資訊非常混亂!! 
結果?結果當日到達之時,見到原來吹到好大ge地方,比想像中細得多,而地圖上標示給我們的設施,只有六樣!!完全貨不對版,而最最最最最最過份ge係,ohmykids 從來同園方強調 「所有參加者都一定要玩到樹屋、橫水渡、泰山飛索!亦堅持自由揀,自由玩!」總之1000-1600呢段時間有運作就得! 

到農曆年前左右,由一位on-site 的中年女職員 麥小姐 接手,左一句 你地太多人,右一句 我地日日都接好多團體,唔係淨係照顧你地! 佢亦在場周圍同d家長吹水,話根本係ohmykids接得太多人,係ohmykids ge錯! [喂咁你地又接呢張單ga wo] 相信當日在場的家庭都會見過這一個聲大大命令人的呀嬸,佢話要分成六組briefing 會有教練帶住,結果分好6組後,佢出了個時間表,而group 1-6 係無一組玩得晒3樣野!大家都只視這個為建議玩樂時間表,但呀麥小姐就堅持一定一定一定要跟時間轉場,排唔到你就無得玩!!而當日所見,態度真係不可一世,周圍罵d家長,更年期搵人罵呀?!


每一個活動45分鐘,真心問,我如果排第一玩,咁接下來個40分鐘做咩好? 佢ge意思係~~無得排第樣wo!夠鐘先到你個組~結果魚子醬就係頭幾個玩第一轉樹屋,結果無聊的人都在細小的遊樂場和路邊的凳等著時間一分一秒過,真係笨到不得了!而從來訂場的時間都係deal 任揀任玩,而當日卻被勸每人只能玩一次!下!仲被呀嬸問「做乜你地唔整遊戲券?玩完蓋印,呢d野你地應該一早知」「做乜你地每組無leader?」 唔好意思,你係咪有病?從來concept是自由玩 free play,仲有,場地係你地ge,點解會知道要整遊戲券? 

無可否認,on-site前線的年青教練們~態度係非常之好,亦好take care小朋友,係小朋友排隊ge時候仲會同一齊傾計,我地早同午玩唔同遊戲時撞到同一個instructor 哥哥,佢都認得我地話「細佬又見到你啦 ^o^ 好大膽喎你」

魚子醬完全係零恐懼的情況下輕鬆完成第一個爬樹屋任務

之後就只能在這個不大不小的遊樂場玩著等,玩ge小朋友當中仲有d係唔敢玩而要焗等下一part的小朋友

到第二part玩橫水渡,都一切平靜,但眼見排前方的有不少是上一輪的,換來呀嬸一句「拿你地第x組呀,依家1100-1145到你地玩樹屋,如果你地想排埋玩水呢個,到夠鐘我地準時cut樹屋你地就無得玩,你地自己決定啦」 well.....又竟然有唔少人真係離隊......你地排左45分鐘先決定唔玩呢個 @@ anyway 作為參加者,眼見最大的問題是,很多一家幾口,但又要分幾次玩,連2,3歲小朋友都放佢一個人玩一次 [繩都未識抆,根本係職員推]  全部為幅相,難怪進度緩慢;所以到魚子醬ge時候,我地係前後四個小朋友玩,家長無玩

係~大小同價,比左錢每人都有同等權利玩樂,不過有時呢d時候大家拍爛檔幫幫手,快玩快走仲開心

早上的心情其實ok的,因為無論樹屋定橫水渡的職員都好好人;全場就只有呀麥小姐呼呼喝喝,佢口頭禪就係「我唔理其他人講乜,總之我話唔得!我乜都唔知,有咩你地搵ohmykids!」識得魚子媽耐ge人知,其實我係一個粗人,係一個唔會屈服惡人,如果唔係咁多小朋友在場,我係會同佢開片,佢口口聲聲話timetable係ohmykids feedback返比佢ge,但真相絕對唔係咁,佢一直都係命令式話絕對要跟
 

園內有營火區又有巨型帳蓬,絕對是露營控的bling bling眼之選,但應該只有參加2日1夜先會有機會放火


場內另外都有唔同ge區域遊戲,是次不設開放,例如這羅馬古城,詳細玩樂組合,大家仲有興趣去的,歡迎自己去揀 

話說1145是園方所訂的午飯時間,係遊戲都截龍ge時候,大家都好肚餓ge時候,坐晒係休息處ge時候,飯盒係1215 左右先送到園方一直答應可安排專人派飯,結果?遲來的飯盒令情況混亂,人呢?得返我地囉。。魚子爸都衝左出去幫手,其實已經盡了最大努力控制場面,最後無出現 人地叫A餐,但檯面無晒A餐的情況。但另一樣最爆ge野係,除了炒粉麵餐,餐單上都有兒童餐同小食餐,分別有三文治、腸仔、雞翼等組合。送來ge時候,竟然唔係一份份餐,而係一大盤雞翼~一大盤腸仔 =.= 只能請參加者食完三文治,拎返個盒出黎裝雞翼.............早知係咁,就唔會同大會點呢2個餐!而麥小姐仲話「如果我知你地300人,我唔會比你地訂飯囉!自己帶野食啦!」問題係,張選擇豐富的餐單係你同事email叫大家揀架喎。。。

lunch hour搞到一頭煙,1230大家可能仲食緊野,但職員們就繼續1230開動下午遊戲環節,繼續每項遊戲45分鐘,真心按章工作呀下! 呀嬸又出聲「你地食得耐係你地ge事」 喂~係你地遲送飯喎!any肥,魚子醬一家係完全放棄了下午時間「被安排」的兩項活動,包括耕種清雜草體驗同印第安遊戲 [後者根本長期冷清] 話之你分咩組玩咩返戲,我要玩泰山,其實相信在場的所有參加者都係咁諗,大家都摵晒d分組貼紙照排 [無錯呀,呢樣先係我地想做ge野」

當初同back office職員問完又問,問完再問,佢地都再三確認,每個遊戲唔會要等好耐ga,因為好多遊戲都幾個人合作嘛,結果? 結果咪排一頭半個鐘,其實排唔係問題,消防局開放日,打幾個蛇餅,大家一樣好好秩序,但只係承諾同現實是天堂與地獄 
係等待期間,見到朋友拎住張地圖玩Bingo,咁我又行埋去檯仔想拎,依家先第一次同呀嬸正面交鋒
「唔該仲有無bingo個d紙,想要一張」
「你第一組ga wo!依家第x組玩緊,無你份wo」 
「都係一張紙je,...」
「我話你無得玩就無得玩啦!」
「當初我地book ge時候係話全開放,點解依家會變成咁?周圍搵記號ge遊戲唔影響任何排隊」
「全開放唔等於全玩晒,正如你有得玩ge遊戲人地無得玩,我無得咁樣比你玩ga wo,個時間係你地ohmykids定ge,唔關我事,有咩你搵ohmykids ge人朱小姐」

sorrry我聽到呢句真係著左火,魚子媽唔係ohmykids ge人,但我知道ge比任何一個人多,第一,我好肯定知道時間表絕對係呀麥小姐你地d教練定ge~你唔好老屈我地第二,我地從來無話過每樣野只玩一次,我地強調鍾意玩乜就玩乜,你有人運作就得,呢個時候佢又爆佢口頭禪

「其他人講乜我唔理,總之你問返ohmykids ge人」

喂你會唔會搞錯左~~你地先係場地ge人~ohmykids只係聯絡人

最多人玩ge係個遊樂場同餵魚,真心唔應該係咁,比幾舊水入黎餵魚,你當我lulu呀

Fine~最後我摵左張貼紙,照排飛索,我亦知道好多人咁做,大家絕對應該咁做,亦贊成大家咁做,比左錢唔係唔玩下話!魚子醬一家排了近一小時,終於玩到飛索,而上到山係發生左一件唔小ge插曲~~~~話說職員叔叔認得前面有參加者玩過,就要求佢地落返山,原本好好先生ge爸爸都忍唔住發火,表明唔會落山,滑繩落山仲快過行樓梯啦,加上真係由隊尾排左成個鐘,點解唔可以玩第二次! 但係2個小女孩因為太驚,最後都跟左叔叔落山。爸爸呢個時候青根都現埋,係山上咆哮,我諗當時有半個場ge人都目擊事件,而排在後面的魚子媽,心裡真係暗唸「先生...我都贊同你....但...冷靜..冷靜」 好怕佢有進一步的行動...=.= 好彩最後都滑落山先繼續搵叔叔理論,繼續青根暴現...不過應該滑落去ge時候就咩情趣都無晒
Post from RICOH THETA. - Spherical Image - RICOH THETA
Post from RICOH THETA. - Spherical Image - RICOH THETA

內心好嬲,但同時又要勸自己enjoy遊戲,其實好似魚子媽都係第一次玩,對於好怕玩海盜船ge人黎講....真係有d怯,不過瀡落去真係幾秒ge時間,好快就可以腳踏平地,好好多。希望有機會 !係第二度! 玩過,最後,魚子醬亦已經提早係3點前就走左
Post from RICOH THETA. - Spherical Image - RICOH THETA
Post from RICOH THETA. - Spherical Image - RICOH THETA

有人問朋友,點解魚子媽會鬧ohmykids ge活動,乜魚子媽唔係ohmykids ge人咩?

第一,真係唔係,只是我們兩者的理念過份相同,所以走在一起,現在是好朋友關係;
第二,因為這玩學團有魚子醬掛名,同時地點係我揀的,因為我,先會有呢個活動;
第三,我唔係鬧ohmykids ge活動,亦無偏幫ohmykids 而說出片面之詞,我係鬧樹屋田莊,在場所有家長比足錢入場,不滿就要鬧

樹屋沒有導師位,沒有隨隊工作人員位,踏親入門口就要比錢,當日點名同派飯比大家的每一位職員,佢地乜都無玩過,但全部都要付費入場,而要重申一次,ohmykids從來由此至終,都係要求所有人玩到晒 飛索、樹屋、橫水渡,同時係鍾意排乜就排乜;300人係園方話ok無問題我地先加人的,原本最初只訂120人~分組係園方要求,時間表係園方強制建議的,係佢地做到要按章工作。最搞笑係~當我以為呢個麥小姐係樹屋主人或者old seafood,佢自爆佢只係做左8個月,哦。
Related Posts Plugin for WordPress, Blogger...