鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

12/16/2012

西環 - 詩餅坊 - 綠色粉筆陣

一個被我遺忘了的蛋糕,小比是在九月份生日的,但今年的九月份實在有點忙,所以一直忘記要跟大家分享這個超美味的抹茶蛋糕。


生日正日跟朋友到荃灣吃龍蝦,當server捧來蛋糕,我心諗倒是想「嘩! 咁粉筆ge~?!」,朋友們著我估是那裡的出品;他們一定覺得我這個終極抹茶迷無理由唔知,但事實那個月我真的連facebook都很少上,別講留意有啥新店,而且懷孕後期不宜多吃甜品,所以我係令佢地大跌眼鏡,哈哈。這個是堅尼地城「詩餅坊」的出品 [話時話我好似淨係去過坤記同源記]

12/15/2012

在T7產房的七小時 >_< !!! [下]


續上篇  在T7產房的七小時 >_< !!! [上]

老公入到黎,我應該已經披頭散髮,成身汗,兼無咩意識理佢,我一味撞同捲埋自已,d姑娘經過親都叫我訓返埋d,跌落床啦你! 7-10度呢十幾分鐘真係難捱,痛得好密
d人成日話,生仔好似好急屎想痾想痾,原來係真架!hahaha
我好急的時候姑娘chk就話開晒可以生啦!yeah~~
但因為我由頭到尾都無成個肚痛,我feel唔到幾時要用力,唯有起勢痾,係咪都痾長d先
又望住部機見到有peak,即係開始收縮先知自已應該痛緊,應該要用力
有幾個助產士係側邊都話我算大力,好快就痾到眼眉,但都要繼續靠自已,唔好比佢縮入去
係咁話依家咁低無得開刀架啦,你自已痾啦

到頭仔差唔多出黎,「盧覓雪」一野打左枝針落下面,仲一野剪開左
我用左我成世人都未用過咁高音同大聲鬧佢
「你!!!做乜拮我!!!!!!!!!!!!!!!!!!!」
頂,好很痛,d人又話生仔個陣好痛,剪左傷口都唔覺

在T7產房的七小時 >_< !!! [上]

< A7產前房的日與夜! >


話說每朝八點幾就係醫生巡房的時候,呀姐姐會叫所有去左廁所、去左散步、行左去傾計ge所有大肚婆快d上返床,唔準走圍走,趕鴨仔麼。醫生埋到黎,巡例問了幾個問題,我都係答佢5分鐘下腹就痛30sec,今次呢個係senior d ge醫生,無端端就話要伸手入去檢查.... 比佢「摷完........佢....

12/14/2012

尖沙咀 - T2 Teppanyaki & Tapas Bar - 值得一試的黑毛豬與自家農場白毛豬[下]

繼上篇 http://megan-soso.blogspot.hk/2012/12/t2-teppanyaki-tapas-bar.html 
接下來吃法式鐵板燒,何謂法式?? 齋聽都未必領略得到,原來是將法國菜的精緻融入日式鐵板燒當中,除了師傅在面前即席烹調以外,不像每每燒好就放上你碟享用,反而每次都將賣相擺得靚靚,配菜做到足才上桌,有誠意。

尖沙咀 - T2 Teppanyaki & Tapas Bar - 值得一試的黑毛豬與自家農場白毛豬[上]

上周受邀到諾士佛臺的 T2 Teppanyaki & Tapas Bar一試西班牙Tapas與法式鐵板燒這混血兒;不難理解,走進店內,你會看到兩三間獨立房間十數位置吃即席鐵板燒;另一邊廂靠窗的是吃Tapas的地方,午市透點陽光,是聊天的好地方;這店的概念正是這樣,就算你吃鐵板燒熱烘烘,飯後還是可以出來慢慢坐吃甜品。

先有Jamon Iberico黑毛豬伴無花果,36月的熟成,入口甘醇才透出咸鮮,同時因為其中一位老闆是西班牙人,他既有自已的農場,同時又在當地搭通天地線,入貨自然輕鬆一點,這一道Tapas只隻$208,相信你在Citysupers買一包火腿再買無花果必比這裡貴得多

12/06/2012

OK獨家發售 - Awfully Chocolate 曲奇與朱古力BAR

先聲明這並非植入式廣告,雖然與Awfully Chocolate的美女主理人是朋友,但在便利店看到這些產品前是全不知情也沒有溝通過,純粹巧合,哈哈! Just Kidding,真的吸引,入正題!

話說是因為到茶餐廳買外賣,天寒地凍又要等15分鐘,走入OK取暖,八下雜誌,結果反被貨架的Awfully 產品佔了我大部份時間,有兩款產品發售,分別是曲奇與朱古力BAR,價錢還算合理,曲奇$23.9、朱古力$14.9

銅鑼灣 - 利園購物區 - 餐廳聖誕大餐與快閃舞蹈預演

魚子醬已經2個月大了,真係定性了不少,於是上周請爸爸放工回來「追更」就出發到銅鑼灣,應邀出席利園購物區的X'mas Preview活動,行程相當豐富呢! 總共到了3間餐廳、欣賞了Surprise表演還有不少聖誕裝飾,不多說,去片!


第一站是Hysan Place 14/F的Amaroni's ,大家應該對它不陌生,就是DanRyan的姊妹店,先來快吃一趟聖誕大餐 !

12/01/2012

屯門 - 抹茶館 - 水準低還是我的要求太高?

別人說,當全職媽媽只會與社會脫節,只會過著每天一式一樣的枯燥生活;我不反對也不贊同,但連在家旁的商場,一個我每天都會到的商場,開了一間抹茶店我竟然也不知道[因為那樓層推BB車不好走],不禁跟大比說「真失敗,我脫節了,連人家開了我也毫無頭緒」;換件衫就跟BB一起出發了,剛好是下午茶的時間


於京都四起家的抹茶館,我在四河原町高島屋對面的食廈也吃過了[在祇園一帶都很多這種抹茶店],確定現在忽然出現在屯門與鑽石山的是同一間後,還未敢鬆一口氣,還是吃過再評

11/28/2012

尖沙咀 - FINDS - 挪威海產局帶來的 all-about-SALMON!

已經有一段時間沒有出席公開活動,懷孕最後期的時候無必要都留家好作最後休息,到魚子醬出世後又要好好的照顧他,時間飛逝,BB都快2個月大了,定性很多,我也是時候出山,繼續做喜歡的事,在這裡跟大家分享。

接到挪威海產局公關的邀請,看見是三文魚午宴就眼發光了,因為BB飲的是媽媽奶,而三文魚對母乳餵哺有絕對正面的影響,所以就請大比清一清年尾大假,好讓我來赴會

11/22/2012

九龍城 - 潮洲合成糖水 - 水蛇春咁長


快人快吃~熱店的宗旨就係食完要即走~所以食完牛肉餅都未到八點~
食糖水~唔係真係行過隔黎又坐低食過~行去貴嶼諗住買d綠豆餅比屋企人做手信~但又已經閂了門~所以就行返返黎


我諗第一次黎ge朋友仔係一定會望住張menu呆左ga~唔洗咁愁~只要你揀晒你想食ge材料~講晒比呀姐聽~佢就識幫你計錢ga la

11/21/2012

九龍城 - 清真牛肉館 - 為了牛肉餅


又來到九龍城~小比難得地肯放棄吃泰菜而來了這裡~讓大比回味一下新鮮滾熱辣的牛肉餅~

7點來到~門前已經很多很多人了~還生怕要久久久等的時候~~竟然我最後一人拎飛的~卻先叫我~呆了點呆~差點就過了還不知道~原來2人位是多麼快有~~好彩~~~

11/20/2012

考考大家。香港小食Quiz

給大家玩一個很有趣的香港小食Quiz,收藏了好一段時間~~
大家來看看自已有多少分 ?
20條題目,有深有淺,不靠google你有多少分?



11/12/2012

A7產前房的日與夜!



10月4日。結束午飯探訪時間之後,因為開了電視的關係,係「無朋友」的情況下都總算訓係度有d野做,兼用眼睛去了解這間房的一切與人物關係。入黎生仔都要了解同房的關係?? 事關我發覺同房的幾位檯頭床頭都放滿了日用品和食物,雜誌也多得像Salon,而我就所有野原封不動放在袋中,萬一要走佬過產房咪有排執~?! 係咪先.....

與同房的5位媽媽混熟後,發覺只有我一個係入黎生仔 =.= 佢地全部都未生得,而且有幾個仲係要由2x week住到生得!! 唔怪得之當呢度屋企,探病時間亦無人黎探,個個都輪住洗頭沖涼,原來住足四五個月。因為妊娠糖尿的關係,胎水特別多,醫生要mon住進展,除了每日篤幾次手指[連半夜都要被吵醒篤],又要食1800-2000kcal餐,都唔知咁係好定唔好.....住幾個月醫院...除了每個月比多$3000住院[$100 x 30Day],又無得同屋企人一齊,仲成日要食醫院飯..仲要規定唔可以離開七樓.....

11/07/2012

痛?? 真係陣痛?? 要入院啦? 我的第一次..

最初的預產期是10月10日;過了幾星期後超聲波顯示計早一星期,大約10月3-4日;然而用日期計的方法,預產期是9月30日;最後我免得每次照都唔同日期,以9月30日為大方向,但其實對我來說,即使過了期,都還有幾天「真空期,所以說呀B過期居留,可以話係、又可以話唔係??? 

=============================================

10月3日晚上,每15分鐘一次30sec的超微痛,雖然超微痛沒有任何影響,但還是保險地用電話一路mark住時間,依舊煮飯做家務,沖涼就去睡了;

10月4日半夜,大約每7分鐘的微痛弄醒了我,心想這樣持續地痛,應該都係呢2日啦掛? 不過依然無打算要心急甚麼,邊mark時間邊睡;

10月4日清晨,大約每5分鐘微痛一次,每次持續30sec,很準時,應該無有錯,開始有d淆底,要生啦? 眼淚開始不受控制地流了出來,既然痛的程度還可接受,不如留在家? 但5分鐘痛一次係咪應該已經要入院? 最後老公醒了,我含住淚水鼓起勇氣跟他說「你可唔可以唔好返工...」我都唔知點解會咁,係有d要分離的感覺不太捨得;二人雖然沒有明確定下入院計劃,但還是先沖多個涼,慢慢再三check 下個走佬袋齊未[其實已經check到爛咁多次~],最後還因為早早沒有電視睇,我地竟然仲開左 Xbox打機!!!!! 很瘋狂??!我仲記得玩「青蛙過河」這老餅game,同時因為每5分鐘痛一次的關係,每5分鐘就要Pause 30sec比我忍痛,最後玩左3,4 round我就無心機玩落去,出門口啦都係....

Häagen-Dazs - 精緻的專門店立體拼圖!

要數港人最愛的雪糕品牌,相信Haagen Dazs必入三甲,家庭裝雪糕已經成了我們「甜魔」探望朋友的手信、小杯裝的限定口味也是必試項目,連堂吃的雪糕甜點也是飯後的聚腳地。近年脆皮雪糕三文治也是熱賣之作,想換領立體拼圖? 請留意下文


感謝有關方面送來一副立體拼圖,但湊住魚子醬實在已經沒有太多私人時間(包括現在我也是左手抱著他,右手打博文中)所以是次就先用上官方的圖片跟大家介紹,或許這樣反而會更詳細介紹到給大家。

5.11.2012 - 魚子醬滿月啦!

2012年10月5日,3:34pm,魚子醬終於實體化,出現在我的面前,也就是從前改變我一生的小糰子。今天的他,不經不覺已經過了一個月,大個仔啦!

一直都以為初生B訓得多,這個月我一定有時間打下入院生仔的一點一滴,但當然就事與願違啦! hahaha~~但滿月的這一天就一定要好好記住,而「坐月」這三十一天發生的趣事與所見所聞就要以倒敘的方法補上了! 放心,一定不欠大家
 

11/03/2012

Lotte 樂天四葉草蜂蜜小蛋糕


又是吃飽飯無事做ge例行公事~巡視下d業務先~haha

又去左city'super~~~~
這個樂天ge小蛋糕~因為靚靚ge盒~因為佢係Honey~
因為佢獨立包裝~所以即買



打開個盒最Impressive ge野係...
佢每個蛋糕仔都印有一d鼓勵ge英文+日文字句
每句都好有意思~我已經決定買黎送比朋友仔~
每人一個~又有意思~

11/02/2012

元朗 - 七十一肥仔腸粉魚蛋 - 立食主義


從小就很喜歡食腸粉~~只愛撈撈撈的這種~不要包餡的那種!
腸粉小食店買少見少~或許是毛利不多吧~
琛水愛合益泰~屯門的有杯渡橋底和母校旁的為食佳~
在元朗~B仔的腸粉更勝糖水~但簡簡單單~還是愛來這裡立食~


在救育路ge十字路口~這肥仔腸粉不知不覺成了我倆的''腸粉''堂

11/01/2012

元朗 - 妙舒 - 沉默十數載的串燒店


又新街是元朗其中一條食街~在元朗長大的我~看著這條街十載變化
轉角位的小店是第一檔串燒~及後不停有串燒店開在旁邊~
而旁邊的小檔又不停靠傳媒聲勢壯大~這店卻默默留守
在小比心中~這檔串燒總比其他的好~包括服務態度

10/31/2012

韓國非一般ge 豆沙草餅~


韓食戰利品...
見佢有d草餅feel~$8都有3個~~就買黎試下~

切開之後原來都幾工整~~同埋比一般草餅硬d實d~
唔係任搓唔嬲個隻~

10/30/2012

銅鑼灣 - 蛇王二 - 鬧市中的奇葩


真係好唔開心~以前日日都係銅鑼灣食飯~依家一個月都唔知黎唔黎到一次....
食親飯都好頭痕...因為太多野想食~落住超大雨~避開大商場大食店
來到蛇王二~~客人不多不少分佈四周..多為附近工作的一人sales~
想了良久叫一個還是2個餐~還是1個餐加1個湯~(小比ge胃口..)

10/29/2012

銅鑼灣 - 和三昧 Wa San Mai - 豪華午宴


期待了整個星期ge lunch~亦要將自已ge身體調節調節
可惜最後都唔可以用最佳ge狀態去迎接呢餐lunch
返到熟悉的東角中心..以前日日都搭呢架lift返工...
今日搭...就去恨死人ge 22樓......和。三。昧


一出門口就見到3小狗~呵
訂的是12:30~整個場人都不多~或者係office人未放lunch~

10/28/2012

中環 - 公利真料竹蔗水 - 不需有理由


大約4點的這刻鐘~雖然已吃了Late Lunch~蔗汁同豬扒脆脆仍舊是吸引
最後抑制住~到公利抖一抖暑算了....在空氣混沌的中環~很難受


來到店內~在大風扇下坐著~真的很舒服
看到鋪後方的一碗碗蔗汁糕~已經找到目標了~haha

10/27/2012

中環 - 超群餅店 - 嬲到震!!!!!


在中環這污染程度100的地區~真的不想多留一會
行過天星碼頭途中~見到超群排大隊~
就想起了雞蛋仔和流沙包~因為我倆很少下午在中環
所以人排我地又排~買左先算


整雞蛋仔的是一個很年青ge師傅....希望.....功夫到家啦...

10/26/2012

尖沙咀 - 泰豐廔 - 老地方。新感覺


見大家對北京菜都好似好有興趣同埋未食過正宗的~~

所以小比就帶了他們來我的地頭~~~泰豐廔



走左2個~最後1行5人來到黑暗的赫德道~
我feel到佢地其實都唔知自已跟我行左去邊度的~haha~
不過我話你地唔好expect咁多~舊式中菜館有股陳年味架~

小比家族十多年來都好鍾意係度做節慶祝~所以差唔多全部野都食過晒
先來餐前小吃泡菜同花生~~

10/25/2012

最熟悉的百力滋。最不熟悉的包裝



固力果ge沙律味同牛油味百力滋每個人都一定食過~~~
真係好有感情~~

10/24/2012

沙田 - Godiva Chocolatier - 奢侈的飯後bonus


飯後都只是八點多~周圍逛一逛~臨上電梯前就輕輕帶過一句~

大比~不如你飲杯古力呀~就這樣給推了進去~hahaha



從前只是$39~今天再喝就已經加了價~~
不作他選~都是老樣子的點了杯Milk Chocolate

10/23/2012

有機的100% Manuka 蜂蜜糖


基本上小比每朝起我都會食2啖 Manuka Honey的
身子弱~沒有辦法

有天在逛三六零的時候~就看見一整排架有著不同蜜糖的糖
有花蜜~有Active Manuka Honey~有奇異果蜜~
當然小比就選了平時吃開的那種

10/22/2012

荃灣 - 民豐粉麵行 - 主食小食同樣出色


以前細細個~屋企食飯有粉麵水餃~閒時有湯丸茶粿做甜品~都係源於此~
所以到小比識自已出街之後~每每經過呢度都會望下有咩''突然想食''..haha

茶粿。糯米慈。缽仔糕。韭菜煎餅...最後選了花生 & 芝麻 糯米慈各一
都係$2.5一粒~~好大粒ga呢..小比略嫌面頭太多糕粉....捽走d之後小比就唔客氣啦!!
先吃小比最愛的~~黑芝麻 

10/21/2012

尖沙咀 - 萬豚屋 - 矜貴的一個位


這兩天大比都嚷著要吃烏冬~想起這店來~一間經過上百次卻因人群而提不起勁光顧的長龍店
前一晚打了近20次電話都無人接聽~真的有點不悅~想到居酒屋一帶就算了
但最後還是先來這裡碰運氣

一時正的時間~預計之內的被眾OL預訂晒~但沒有人在等位~又下著雨~就等一會看看有沒有'執雞''位~~幸好有牆邊位爽約~等了約15 mins就可入座了

午市只有lunch set供應~不過選擇也頗多


有飯也有烏冬餐~但基本上100%人來這裡都是吃著烏冬了吧

10/20/2012

元朗 - 潮館 - 印象良好


縱使是weekend~但元朗食肆多得很~人流分散了~
不用等位就被領到最入的內廳..自成一角

重麻油的酸菜~雖然三免之下~也有點誠意~
差不多每檯都點的鹵水拼盤~我倆也不輸蝕~
公雞湯碗堆得密密實實~

10/19/2012

旺角 - 素食一家 - 點解香港食齋貴過食肉


吃了數晚濃味的..這天就假裝的吃清一點吧
吃罷奇趣的熱辣豆沙燒餅做前菜..就來了這兒
坐著面壁的二人卡位..卻很享受

又是全圖片的餐牌..在這等新派素菜館..又不以為然

10/18/2012

九龍灣 - California Pizza Kitchen - 唔識變通~


九龍灣的一大個紅盒~開了良久都沒有逛過
小比竟然選擇在周日特地到訪~真罕有
為避開人潮~六點多就坐下吃晚餐了
選擇似多非多~最後選了坐得較舒服ge CPK


原本的環境都幾暗的~但人稍多後就開多了一點燈
是代表晚市開始嗎? haha~不得而知

10/17/2012

大澳 - 炭爐雞蛋仔伯伯的另一番手藝


小比愛雞蛋仔~人所共知~此亦是來大澳的其中一個目標

但在weekday的日子~期望都不大..始終遊人不多嘛

在臨行前~看到小人堆~就本著女人天性攝攝看
是甚麼傳統夾餅來的呢~?!
唉..吃不到雞蛋仔..就來個夾餅安慰一下吧..



一邊想著炭爐的雞蛋仔..眼前的卻是個大大大電鍋.
但是......咦~!??!這位老人家.....豈不是炭爐的伯伯麼!??!?

10/16/2012

尖沙咀 - Wildfire - 一口流利英語又如何~只因你是黃皮膚


Grand Cinema看罷電影~多逛一圈之後最後還是決定來wildfire
但入座時見waiter永遠都先請客入座於門口旁對商場通道全開放的位置
大多數客人都會要求調位~當然小比也二話不說要求一個在內廳的位置
是否和他有仇呢~整間餐廳十室九空~他竟然就安排我倆坐在10人大gathering的旁邊
面對面有難色的小比~這明中年老練的(經理??)顯然沒有一點照顧客人的眉目


暫告一段落~
對這裡的pizza非常有憧憬~可惜前一晚才吃了pizza~唯有另作他選
小比就要了個oven roasted bell pepper salad with rocket salt~前次在soho店也有點此味~太耐沒有吃過沙律~竟然一時超級大意地忘記叫dressing on side…

10/15/2012

西貢 - 甜源居 - 何必要往龍頭大店


下雨天的西貢不減年青人的魄力~依然穿著bikini在海邊若無其事的走著(!!?)
愈近碼頭布愈少~有點誇張呢~~可能不常在周末日來這一帶~
原來一列海鮮食肆都會有不同的巨型海鮮show~海鱟地下爬爬爬~吸引不少途人圍觀

當大街口的糖水總店人山人海~相反瑟縮在碼頭另一邊的甜源居就顯得份外冷清

10/14/2012

荃灣 - 意粉屋 - 稍有失手但整體上好


手執意粉屋$100 cash coupon~沒有衝著去用~
反正有效期也有好一段時間~多年來都覺得意粉屋的東西有點不值
所以都只光顧過一次~這天胃納不多~就藉此重回意粉屋的懷抱中


其實方才在千色店那分店已經有看過餐牌~但最後都決定周圍再選
竟然走到荃灣廣場沿途無數食店都無心水~最後竟然又走回意粉屋
雖然要等上好一陣~但也可接受~此店的座位大廳在入口右邊
但偏偏在reception後面有一張大卡座~很多人都寧願不坐而再等
小比當然照入~坐下來都完全不覺得近門口~因為是埋牆的卡座

10/13/2012

尖沙咀 - Tonkichi 丼吉日本吉列專門店餐廳 -序幕


小比是個享往自由的人~喜歡一個人流落異鄉也喜歡一個人用腳步走遍城市~
朋友不是多~但每個都對我很好~二零零九的生日就是一個最好的證明~
向來生日都甚少作特意安排~很多時候都會在工作中度過~這一年卻想熱鬧地過~
實實在在的與朋友在一起

一行七人在烈日下過了一個火辣辣的中午~
把一身臭汗洗清洗透後就來到Tonkichi門外等候一下~


也預了訂不到位~也預了要等上一小時~但大家都沒有怨言~
看來大家朝聖心切吧?柴娃娃的拍拍玩玩很快就過了一句鐘~
reception安排我們入座於一卡座包廂~雖然有點逼~但也享受這小小的私人空間

在等待期間都已經大致選擇好要吃甚麼了~來這裡都不外乎吃豬吃蠔~
為免有甚麼添吃等問題衍生~還是點了七人份量的定食~
Related Posts Plugin for WordPress, Blogger...