在鬧市之中ge鬧市，要找一個兒童餐不難，但竟然連$69的兒童餐都連埋沙律吧/甜品/飲品 自助餐就真係坊間罕見！[唔係UCC/Ruby Tue只限一次個種，係無限拎！]
聖誕假魚子醬跟SY相約打機，大仁跟魚子媽就負責決定吃的部份，結果一行四人走入銅鑼灣鬧市，輾轉來到希雲街，Meat King就在咖啡弄對面，沿樓梯走上餐廳，先有偽火爐，小朋友至愛的玩意 XD 「等我試下伸隻手入去先！ 嘩好熱呀好熱呀！燒著我隻手啦！！」 =o=
點選餐牌上任何主餐點，皆可免費享用沙律吧的一切，限時兩小時；而兒童餐有兩款選擇，都是當店招牌的漢堡扒，分別是6歲以下 60g漢堡扒 [$69] // 12歲以下 120g漢堡扒 [$99]，再配以意粉/飯、薯角等小吃
餐廳除了漢堡扒，也有其他扒類主餐點，不嗜肉的也可單吃Salad Bar Buffet，但價錢跟一個主菜相約，所以還是比較推介連主菜同點吧！很欣賞店內的空間感十足，通道寬闊，有BB凳、小朋友餐具，連即棄的圍巾也有小朋友專用版，讚啊！
