尖沙咀 - 媽咪雞蛋仔 - 稍遜的加盟店

小朋友總希望自已可以在購物過程中幫到手，有時簡單買野食，比小朋友去試下也未嘗不可。本來這天在尖沙咀下課後，跟魚子醬約好到紅磡吃媽咪雞蛋仔，但走了幾步，想起「咪住！好似尖沙咀都有間新ge加盟店」果然search到兼係附近，唔洗搭過紅磡再行好遠 =P

尖沙咀的媽咪雞蛋仔就在K11對面馬路，舖面小小的，又長又窄，可以看到的不多，但這樣感覺又衛生d；今日成個購買過程都係魚子醬負責，媽媽只係負責..比錢=.= 「唔該，朱力雞蛋仔」比完錢都要d時間整..但魚子醬就不停係佢僅僅望到ge位不停「得未呀?得未呀? 朱力雞蛋仔得未呀? 」最後呀姨忍唔住請左佢食粒雪米糍！ 嘩~你咁到R到野ge~~~~hahaha

【水母? 水舞】靚到唔想走的海洋世界陶藝展！期待親子陶瓷工作坊！

在尖沙咀等緊魚子醬放學，PR姐姐傳來一句「周末有無野做?有靚野好介紹！」都未等佢講埋第二句，一睇到d相已經覆佢「得！唔洗周末，我轉頭就搭車去！」因為真係好靚好靚好靚，而水母亦係魚子媽由細到大最愛的海洋生物，在中學的時候還跟Bio老師說一定要當個Marine Biologist，而且專研究Invertebrates [無脊椎生物]，最後~Bio成績係好唔錯，不過唔足以入到海洋生物系，所以之後去左讀DNA同微生物 XD 

ANY肥，都係入正題吧XD 這個名為「水‧舞」Summer Jelly的陶瓷展覽，是九龍城廣場邀請到陶藝大師羅漢華先生所創作的，有一個展品更加在法國聯合總部展出過！WOW~ 

展覽場地在1樓，超過2000呎的地方打造成燈光斑斕的水世界 

平日的下午，人不多，可以慢慢影。相信一到周末會堆滿攝影發燒友，因為這裡除了影相一流，今次都有「水‧影」的攝影比賽，全香港市民不分年齡都可參與

【大隻仔賣雪糕！】旺角 - STACKS - 煙肉雪糕曲奇三文治！

很怕很怕到旺角，但這天有更吸引的甜品在引誘我們，就硬著頭皮前往，放工時間人多、煙更多，竟然有呀嬸對著在抱住訓的魚子醬近距離兜口兜臉吹口煙過黎 @@!!!這就是我打死不落旺角的原因！走到百利達廣場中間的寬闊通道，看到大隻仔 [溫家偉]為開店打點，二話不說先集集郵先啦 XD

才開了幾天，所以今天忙著拍攝工作，將開店時間延到6pm，幸好我們來到的時候還有二十分鐘左右，否則無緣一試了。一般營業時間為平日3-11pm，星期六日及假期 2pm-12am；在美國的時候，大隻仔試過在雪糕店打工，又有學過廚，所以就決定用工餘的時間，將雪糕三文治帶來香港！無論曲奇還是雪糕，都是大隻仔親手整架！舖內都有雪糕機可現製不同口味

六款雪糕、四款曲奇，全都是令人眼前一亮兼會選擇困難症發作的口味！雪糕口味應該會不定期轉換，這天我們就遇上Rose, Banana Rum, Maple Bacon, Vanilla, Green Tea and Cookie Monster！而曲奇除了簡單的Chocolate Chip，還有Raspberry Cheesecake, Double Chocolate and Nutella Snickerdoodle！！