鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

11/27/2015

【小朋友填色的好朋友!】Crayon Rocks AR實境角色遊戲 + MakeDo 天馬行空美度扣

夏天的時候,都還會不時遇上雨天可以宅一宅,但這個秋天也未免太好天了吧!幾乎天天往外跑,真係鐵人都會累的嘛,吊頸都要透下氣。魚子醬一家決定來一個全面休養期,在這星期重新學習如何跟小孩相處,我們天天都有伴讀和勞作的時間,出奇地EQ提高了,和平度過每一天。
這幾天清一清家中的勞作材料,接下來又要忙學校的聖誕飾物設計,都希望搵到場地同大家一齊做聖誕手工 =] 謝謝Gadgets Engine團隊為魚子醬一家送上Crayon Rocks,其實一歲都有諗住買呢d易握的蠟筆,點知試左幾隻波波形同積木形都係唔上色ge~之後就覺得「好睇唔好用」

今次用上真正的Crayon Rocks,好o岩手型,而且輕輕一掃都出到顏色,呢樣要一讚!作為幼兒使用的100%無毒蠟筆,made in USA,用的也是美國大豆蠟,顏色都是由天然礦物染成,而且形狀剛好係小朋友學握筆的手指三點位置,長遠來說對握筆手勢是一個好習慣;而且石頭狀不易折斷又唔會一路填色一路好多碎屑,對於有潔癖的魚子媽,不錯不錯。

11/25/2015

【2015 聖誕燈飾裝置情報】朗豪坊 LINE FRIENDS Party on the Desk。影相位特多!Brown, Cony, Sally, Leonard同 Boss齊齊陪你癲

都唔怕認,其實魚子媽沒有用LINE的習慣,對角色們沒有深入認識,但因為超愛兔仔同熊大的關係,今年聖誕節在朗豪坊有LINE的主題裝置都超興奮,謝謝公關姐姐邀請魚子醬跟媽媽前來大影特影,事後魚子醬提左三日三夜

Brown n Cony都出黎歡迎大家,相似度極高,成個聖誕裝置ge場地好一致,好開心啊! 

魚子醬的作品 


聖誕裝飾命名為 LINE FRIENDS Party on the Desk 真係一d都無錯,因為全部野都係同文具、Afternoon Tea有關架,當日部份組件係可以拎起黎影相架! [不過朋友仔update 原來正式開放後,掂下都唔得~好可惜]

我們最愛這組咖啡杯,Sally造型的咖啡杯,上面又有Brown, Cony, Leonard,而且後面還有一個下午茶層架,上面放滿Macaron and Gingerbread,影相靚靚

11/24/2015

【鐵人活動】遠征海下灣海岸公園!11月中熱到游得水~地球伯伯病左了

即興的決定,很多時都很瘋狂。那會想到11月中的時間,還有熱到可以落水的日子,萬里無雲的一天,實在按不住出走的思緒,放學做好功課就趕緊到西貢一趟,特別是現在入冬 日短夜長,時間很寶貴。有幸在2015年內可以到一趟海下灣,不然就要等到明年端午過後

到海下灣很方便,不用行山不用捱苦,西貢碼頭小巴站 7號線小巴,點到點,總站 海下村 走幾分鐘民居路,已經是沙灘。留意小巴每30min一班,逢15,45分開出,價錢為$11.4

跟上次浪茄之旅的路段一樣,需要進入北潭涌禁區,直走是東壩,海下就往左轉,車程大概20-30min;在村口下車,盡是士多、浮潛的廣告板,亦有指向灣仔營地的道路。總之一直跟著廣告走,準沒錯 =P

  

路上會經過不少餐廳士多,相信每逢盛夏都非常熱鬧,確實為前來潛水玩樂的朋友方便不少

11/20/2015

【親子好去處】消防局開放日。有策略排隊好重要!

消防局開放日都要講策略?魚子醬一家可以肯定話比大家聽,如果無策略的話,好快就會被人龍打沉士氣,係咁嗌走.... 因為呢個情況已經發生過係我地身上,今年唔可以再咁氣餒。魚子媽好憎排隊,今次開放日將一整年的耐性Quota都曬冷啦!務求魚子醬玩得開心

屯門消防局開放日在上周日,往後這幾個星期都陸續有其他分局開放,大家會去的話可以參考一下我們的排隊策略 

開放時間1030開始,其實本身預計0945-1000就到,不過星期日剛起床的速度,呀下~大家都估到理想同現實有點距離,我們到達時已經1020,人龍繞了消防局1/4圈,再望轉頭ge時候,人龍已經不見尾。彷佛全個屯門同唔係屯門ge小朋友都一下子聚集在這裡 

如果之前未來過的話,很可能會迷失了,唔知應該玩咩先。其實最值得、機會最難得、最有滿足感,一定係小朋友著消防員制服影相,所以,一入內就記得要派爸爸/媽媽排影相隊,否則一下子就會變成縱橫交錯都是人龍,唔知邊條打邊條

因為黎親ge都係一家大細,都唔會話介意玩到就排到先插返幾個入隊 [因為大家都好明白排隊苦況],魚子爸負責排影相隊ge時候,我地就趁時間尚早,到位置較偏,未有太多人發現的救護/消防電單車拍照留念,雖然覺得消防紅色一架比較有型,但時間有限,只能二選一,就同救護員叔叔影相啦 ^o^ 好型啊~!

11/18/2015

【Star Wars 熱浪】Bossini 聯乘系列。真係要講句 價廉物美!

經典就係經典,Star Wars真心魅力沒法擋,魚子爸老早就告之Bossini會出聯乘系列,而除左Bossini~都仲有大集團會出,不過個d就後話啦!收到Bossini 送來的大禮物,魚子醬開心到不得了!即刻落草地拆禮物啦喂~~~~~~

 這個冬天不再冷!呢頂Plush Hat [$200] 真心推介,暖到不得了,而且造型一流,耳仔位可以反上扣實,落雪都頂到下!

只要買Star Wars聯乘系列淨價滿$800,就會送大家一個限量版的毛氈Cushion 2in1 組合,係滑滑的質地,超舒服~! 如果我話魚子醬係草地訓著左,你信唔信? [講堅] 藍天白雲涼風加草地,加埋個軟熟枕頭,真係無得輸~~~ 

Cushion 打開,裡邊就是七彩繽紛的毛氈,真心靚又舒服,面層是滑滑質地,底面就是絨面,保暖一流。係首賣日到旺角西洋菜街荷里活廣場分店頭50位買聯乘系列的朋友仲可以有一set 獨家別注版禮物,Boxing 大袋好適合我地出表演用,另外仲有一黑一白的tote bag同一條頸巾

11/16/2015

【粉色系希臘神殿】屯門市廣場 Little Twin Stars 40周年星之傳說!【2015 聖誕燈飾裝置情報】

沒有特別喜愛的卡通人物,但Little Twin Stars絕對是童年時有一種喜好叫做「阿媽覺得你鍾意」而儲落一大堆Twin Stars東西,而且粉系公仔女生沒有抵抗力,2015年屯門市廣場將中庭打造成Little Twins Star 神殿一樣,到處都有掌管不同界別之諸神,粉絲必定瘋狂

首日的開放時間為1400 [早上為傳媒環節],正常為每日1000-2200,魚子醬跟媽媽吃過午餐後,時間剛好兩點正!可以順利進入,應該稍後會大排長龍了

午餐前先在上層拍攝,商場的設計,令不能內進的人都有種同參與的感覺,而且視點比地面更全面,每年都係 「識影一定上二樓影」 =P 在整個場地設定內,既有掌管裝飾的太陽神,又有葡萄酒之神,還有詩歌之神、雲彩之神和月神,裡裡外外的色調都離不開粉紅、粉藍、粉紫,連本年度的聖誕椅都是藍色的!樹頂以月亮代替星星,更為特別

11/14/2015

【渣打藝趣嘉年華2015】 夜光巡遊預演夜。音樂故事的魔幻情節活現眼前!

渣打藝趣嘉年華2015終於要來,踏入第15周年,今年第三度與英國團隊 Lantern Comapny合作,攜手打造出夜光巡遊,大型的夜光木偶共八個,另外還有不少帶燈飾的服飾一同巡遊 [d姐姐仲幾靚 tim XD] 魚子醬一家跟去年一樣,來到前夕的預演,大雨過後,維園草地..um....um...um...um...um...魚子醬穿水鞋絕對是明智的選擇

藝趣嘉年華 Arts in the Park假維園中央草坪舉行,其實去年亮相中尾段都有點雨水,但今年大灑大灑,最後預演以嘉年華形式舉行,木偶到處都是,大家可以跟木偶近距離接觸及拍照,有好有壞

是晚除了傳媒,大部份都是渣打員工家屬,大家都好享受這個周五晚上的親子時間。草地的困擾是大,但任誰也不想,也控制不了,大自然就是這樣


最近入口的遊戲攤位最為人山人海,而且玩味十足又真的很美!參加者躺在軟墊輪盤上,由工作人員慢慢轉動,看著頭頂的三棱鏡和鏡頭,大家就可以看到別開生面的照片和短片而生,高度推介大家玩下!! 

11/12/2015

【親子好去處】依山而建的歷奇公園。藍天白雲攀石牆等緊你!

最近都被天氣預報打亂了我們的日程,說雨天的日子,很多時都藍天白雲。一心想著天雨留家的周日,婉拒了朋友的行山大計,一家三口最後來了歷奇公園,跟藍天白雲綠草樹蔭約會,過了寧靜的一個下午,景色出奇地優美,遊樂設施可玩性也很高

歷奇公園設於輕鐵龍門站旁邊,輕鐵只有615、615P及610經過,要是從屯門西鐵站前往,可到屯門輕鐵站底下乘搭506號巴士到富健花園落,是較為直接的方法;而巴士就有59x, 59m, 259d, 962x等到達;穿過天橋,來到山邊,就是歷奇公園的所在地。



就在天橋口的位置,有一處不起眼的小徑,有種壞學生闖入私人地方的感覺 XD

11/10/2015

【走入沙頭角蘆葦田】親子行山遊 - 三歲細路都識行的靚景吊燈籠徑 - 鹿頸 >鳳坑 > 谷埔

為了抓拍蘆葦田,看了看未來九天的天氣預報後,周一的早上就決定往沙頭角跑一轉,而出奇的是,一呼都有兩應,仲要一個係從來無行過山,另一個昨天才行了5hr。不過由鹿頸到谷埔的一段路程只有4km,魚子媽認為1星難度都比多了~~~真係3歲細路都無難度!如果自已跑入去的話,應該30分鐘乜都到

要到鹿頸,最直接的方法除左自駕,在粉嶺站外的小巴總站,都會找到56K小巴,每逢00,30分開出,車費$8.1,車程約30min;如搭的士前往,大約$80,車程15min左右。 


點到點,總站落唔怕唔識,小巴總站正正是遊車河人士必到的BB開心茶座地標,老闆娘好客非常,幾乎每個出現在鹿頸路口的人,都是她的聊天對象,人緣好到不得了。有時還會拎凳比等小巴的人坐,又會教落小巴ge人點行去睇蘆葦田 

11/06/2015

【親子森林課】魚子醬勇闖銀礦瀑布!

嬉山莫嬉水,睇黎魚子醬兩母子已經玩到無野好玩,去左玩。瀑。布!但其實秋季乾爽少雨水,趁天氣仲熱,玩下都無妨!除了大埔滘郊野公園是「森林幼稚園」上課地點,魚子醬也找到個比較方便 [errrr.....交通上都算係掛] ge地點,希望將來有機會同大家一齊來

話說每天返放學的路途上,都是我觀天之時,每每看見藍天就會睇下挑起邊條癮,立馬出發,這天放學換好行裝,做好功課,讀多兩本故事書,就出發到~~~~~~梅窩!友人sss一聽見目的地都暗唸了一句「傻的嗎!無啦啦入梅窩」最後都只有我們倆 [其實...好近ja ma] 

我們的目的地是銀礦瀑布,如果你係搭3M巴士的話,由東涌市中心坐到梅窩街市站,係比較近的;如果是由中環搭船進來,沿著出碼頭右手邊維修中的路一直走,就會到銀礦灣海灘,途中會經過門面靚靚ge冬菇亭熟食市場
Related Posts Plugin for WordPress, Blogger...