【親子好去處】氣侯變化博物館 + 天人合一 【中大天空之鏡】

魚子媽是紅磚人，只自中文大學佔地極廣，每每需要校巴轉堂，師兄們經常懷念那段遇著夏天PE堂後的男人味校巴經歷 XD 找了個周末跟魚子醬和朋友仔同來感受那融入大自然的天地靈氣。重點不是遊覽校園，而是於2013年12月開幕的 氣候變化博物館，是極地探險家 李樂詩博士 的心血，擺放著南極、北極和珠穆朗馬峰的樣本，非常珍貴。讓身在亞熱帶的我們，與極地距離拉近。 當然少不了到訪中大的鎮校之寶 XD 天人合一 。天空之鏡

氣候變化博物館跟火車站非常相近，於大學站D出口步行3分鐘即到，逢星期三、日、公眾假期及大學假期休館，其餘開放時間為 0930-1700，每個周末 1000-1200還特設公眾導賞團，名額30個先到先得，除了博物館導賞，還會在對出的 未圓湖 作生態遊

大家一定不會錯過康本國際學術園，因為路口第一幢就是，而且清楚標示了博物館所在地 

魚子媽本人是抱很高期望，也是興趣所在，但三位 3歲小朋友就似乎對d石頭、模型、旗幟完全唔知咩黎、與我何干的態度 XD 都係ge..其實呢度比較適合大少少ge哥哥姐姐，慢慢細心欣賞 真真正正來自極地的標本 

來自北極的冰魚標本 

除了文字的展板，也有互動展示，其實單是這幾星期，大家都可以深深體會到氣候變化的影響，對於居於城市的我們，頂多覺得氣候反常，但位於極地的動物就很大影響，一是食物鏈的連鎖反應，二是凍土減少，極地原生植物的 Biodiversity減少，而外來物種的入侵才是最致命的一擊；其實~個人非常討厭到訪極地的 旅行團， 講緊有錢就大晒個d，除了容易造成不尊重極地的行為外，在遊客身上也可能帶有外來物種的種子或孢子等，破壞極地生態 

【親子活動】親親小馬。走入馬房。小朋友重要的一課 【屯門公眾騎術學校】

2016年有一個好開始，就在元旦翌日，跟一班讀者朋友一起到屯門的公眾騎術學校參觀，雖然只係短短一小時，好唔夠喉，但當日ge 互動真係好多，大家都好過左短暫而歡樂的時光！好多謝每一位遠道而來的朋友，最遠的一位朋友由TKO過來！睇返當日ge相，呢五蚊真係抵到爛，睇黎可以有第二三四次的可行性。

屯門公眾騎術學校位於屯門碼頭，近蝴蝶灣燒烤場的位置，亦即入龍鼓灘的大路口。魚子醬一家住屯門都未黎過=o= 特別係近呢10年已經無人會入龍鼓灘BBQ~~~ 

話雖如此，原來除了導賞團要以團體Book之外，逢星期二至日都係免費對外開放，大家0900-1200 / 1400-1800都可以來自由參觀；我們參加的是導賞團，三歲以上每位只係 五~蚊~雞！比左呢$5 又有咩特別呢？其實除左有哥哥講解之外，仲可以走入馬房，近距離觀賞佢地ge生活習性！

當日在辦事處門外集合之後，哥哥就引領我地入一間活動室看短片，大家在參觀前都要知道 Do and Don't ，短片極生鬼，睇到大家笑聲此起彼落 

及後會有跟雪特蘭小馬近距離接觸的機會！呢隻 大花 係咁多小馬之中最有經驗、最淡定的一隻，哥哥話所以每次有活動都有 大花 做親善大使 =P 又真wo~!原來魚子醬一家去年在 同心同步同樂日 已經同過佢影相 [排左45分鐘呀！] 

小馬性格溫馴，大小朋友都可以摸下，呢part warm up真係無得頂，大家一下子都超興奮 

大花 食鹽多過你食米，對住做親善大使已經做到慣晒，而小朋友們都遵從頭先短片學到ge小知識，唔會企係馬ge PatPat

【親子好去處】更勝佐敦谷的牛池灣公園。三層遊樂場玩到天黑都未玩晒

除左學校附近的幾個遊樂場，魚子醬真的很少到其他遊樂場，現在的設施真心小兒科，他提議行山的機率反而更高。不過這次卻發現一個比較少人知，但大到嚇死人ge牛池灣公園，真心值得推介。

牛池灣公園同佐敦谷一樣，前身都係堆田區，但已經是七十年代的事，封閉後一直荒廢至2008年才開始修復工程，在2010年更獲得聯合國人居署頒發「亞洲都市景觀獎」，同獲獎的包括新加坡ION Orchard以及澳門新濠天地等。 牛池灣公園分了四個平台區，但每層設施都非常完善，綠化度十足

他的位置就在彩雲村再轉上，其實真係同佐敦谷隔左條新清水灣道ga ja~係彩虹有小巴直達。這裡有3個兒童遊樂場，大草地，草草迷宮、緩跑徑、石春路、植物園，連射箭場都有 [不過要由合資格教練book ]

在彩虹地鐵站A出口搭16A/B/S 三架小巴都可直達，我們就先由最高的平台開始玩起！魚子媽認為呢個遊樂場最多元化，小朋友玩得最興奮！

這裡的草坪不及佐敦谷大，好處是比較平，但大石比較多，小朋友同樣要小心 

每層平台都有新式靚仔廁所，絕不失禮

【夜行香港】龍尾灘的夜行生態。人生最寶貴的一課 【鐵人活動】

魚子媽算是一個well-planned 的人，大部份時間都好怕adhoc，即係下晝打黎「今晚一齊食飯呀~」我一定會say no~因為每日早午晚有乜要做都已經計劃好晒；點知，史上有一個活動就打破了呢個記錄，因為佢完全唔影響我要做的事，只是佔用了我一晚睡覺時間 @@ 一個通宵達旦的活動，朋友C 傳來一句 ""夜行龍尾~有無興趣??"" 看看日曆 「26號野餐~聖誕Party~~27號小礦工」26號晚就這樣一去不返~咁激動？但最終我都二話不說答應了，真心瘋狂

就係咁，魚子媽 boxing day當晚跟朋友食飯後，到友人家人借sofa攤到2330，就出發往大埔墟火車站集合，時間為0030，好激動；在火車站已關門的starbucks集合，人人都倦意十足，伏在桌上，靠在梳化椅上，但一起行，大家都立馬腎上腺素急升，醒神晒！是晚的目的地，是早前哄動一時的龍尾灘 

魚子媽很少往這邊走，因為weekend總是人山人海，所以這邊的地理知識很貧乏，原來龍尾灘就在大馬路旁邊，wow~!仲以為極據生態價值的地方一定在偏僻人少之地，由龍尾一直向前走，已經是大美督 

莫講夜晚，就算日頭自已來到這石灘，相信我們也會無甚收穫，這晚有生態迷 Ray，也有從事這方面教育的 Dickson為大家講解，真心上了重要而寶貴的一課。

【親子行山】屯門徑藍地水塘。超級靚景山中尋 【鐵人活動】

2015的平安夜，中午氣溫直逼26度，天公造美，全日藍天白雲，爸爸照常上班，我們就自得其樂。中午過後，難忍如此美好的天氣，魚子醬提議行山，其實差不多午睡時間，但抱著體力可以預支的理念，出發啦~! 

時間有限，不宜遠行上山，就到家附近的九徑山，進入麥理浩徑10段，往何福堂方向前行，緊接屯門徑一二段，最後步往藍地灌溉水塘 [超！級！靚！] 趕及日落前完成這天的旅程

誰想要一個26度的平安夜？其實在地球伯伯的角度來看，這是很可怕的一件事，最近不少朋友問起我們一家的教育理念，都係個句「讀萬卷書不如行萬里路」係真的，這些切身問題，在旅程中可以一一告之小朋友，例如樹葉遲了轉黃落葉、本來冬天不活躍的動物都走晒出黎，邊走邊學。 但在行山的角度，呢種天氣又無得頂，真矛盾 

簡便的行裝，就這樣出發了！

只係由山腳行到上麥徑，魚子醬已經成個頭濕晒，這天真的好熱 

每個山頭都總有山水捧場客，他們在出水位都裝好晒一d繩，好作固定大水樽，這些都是晨運客的小智慧 

除了藍天就是白雲，在這天氣下，影乜都靚 

在麥徑終點與屯門徑起點稍作休息，我們就正式開始今日的旅程！ 

【親子活動】大人小朋友齊來當個小礦工！走入馬鞍山舊礦場【親子好去處】

2015/2016年的聖誕新年假，前前後後辦了三場親子活動，經常強調「我們不是搞手」只是愛跑愛跳愛玩，跟理念相同的家庭走在一起，大家的話題絕對不會是「邊間直資好？」「有無報English Drama呀？」係未下海之前，我地就齊齊上山，來到大家都未必好熟悉的馬鞍山個山 ~HAHA~在舊礦場齊齊搵礦石，又感受下以前在山頭讀書的礦工子女生活等等

我們的目的地在馬鞍山村恩青營的鞍山探索館，NR84村巴在新港城馬路邊等緊大家，不過班次真係疏落到呢~活動1330開始，如果錯過了1300的班次，恭喜你，下一班是1600，早d去囉咩je？sorry上一班是1030，哈哈，而且行走的只是28座小村巴，村巴自已都要搭ga呢~所以預鬆時間啦~~~否則就~的士吧！車費約$40-$50

如果司機唔識去的話，大可以話郊野公園處，然後過晒燒烤場後繼續上上上，直至見到直行是昂平平原的路牌，就轉右繼續上斜，盡頭就是馬鞍山村所在地。山頂位置電話未必收得好好，所以同今日帶隊ge Kelly姐姐傾開，佢地都只能用手機有限度工作ga ja~電腦？惘想痕梗係無拉線上黎啦

其實每辦一個活動，人齊點完名，任務已完成了大半，接下來是帶隊職員的本領，而恩青營的Kelly姐姐同琪姐姐今次真心帶得非常好，無論氣氛定正經ge講解和程序時間控制等，所以非常滿意啊！我地一行28人，來到之時已經排好凳，在煙雨濛濛的一天給予大家一個溫暖空間。 

在1950的時候，最初這裡只有一所信義學校，供礦工子女在這裡上學，當時馬鞍山礦場係全香港最大型的礦場，非常熱鬧，直至1952年信義位第一間座堂就正式在這裡建成，也就是今天我們坐著的地方。到1976年，隨住礦業式微，不及澳洲等國的產量，村民都陸續遷出上樓lu~~~因此信義學校及幼稚園都停辦了。直到2012年正正式式活化恩青營，在2015年初正式營運，換言之現在的小礦工之行，其實舉辦了只是數月的時間，期望第二期的活化工程完成後，會有更多工作坊和親子活動可以跟大家在這裡玩。 

【親子好去處】小朋友都可以齊齊走入金管局！從遊戲中學習金融小知識 [同場贈送IFC 55樓醉人景色] #展區現已翻新。歡迎參閱新文章#

#資料中心展區現已翻新。請參閱新文章#

http://www.megansoso.com/2018/10/ifc-kids-friendly.html

去年11月的時候，同大家分享過，小朋友星期一到星期七，都可以大搖大擺入立法會睇圖書聽故仔！而大家又知唔知道，其實金管局在每天的working hour都可以免費比廣大市民、遊客參觀，位於IFC 55樓的金管局資訊中心，坐擁無敵靚景，一邊是太平山頂的好風光，另一邊就可以遠眺西區的臨海景色，睇日落真係一流 XD

說回正題，金管局資訊中心並無年齡限制，人人都可以參觀，推BB車都無問題，開放時間為Mon - Fri 1000-1800 ; SAT 1000-1300，而星期日及假期是休息的。所有參觀者都要由IFC二期地下進入，大家可以進入商場後，在面向Apple Store 大門左手邊的升降機，落到G/F，一出門已看到金管局的入口。要是從碼頭方向前來的話，簡單經馬路前來亦可

在地下大堂的櫃台登記 [需要身份證] 就可帶著Visitor Pass乘搭升降機直上55樓，一下子小朋友耳仔可能要有d痛，飲啖水食粒糖就解決晒 =]

其實資訊中心自2003年已經開放予公眾參觀，反而是遊客比較熟悉這裡，遊人不少，也有中學來參觀，但這裡除了有靚景外，其實展品、資料都很實用兼有趣，魚子醬也樂在其中

旺角 - MiSS 米線專門店 - adhoc小聚的驚喜

這些年來，旺角區，少不免都不來，始終人多車多廢氣多，二手煙更多，但聖誕前必定要到旺角的樓上店取貨，索性跟朋友來局adhoc 小聚，待他們入座後我才發覺，我的巴士站就在店門前，真有我心XD 雖然吃的是米線、火鍋，裝修卻帶種法越餐廳的影子

有大吃的朋友同行，可以放心盡點，和風麻醬玻璃肉 [$20] 價錢吸引是一回事，還是頭一趟吃到如此薄身的豬軟骨，口感與味道都相當討好，因為切得薄薄加上凍食的關係，本身帶點韌性的骨位現在就卜卜脆，魚子醬非常樂意幫忙吞晒落肚 =P

 紅油抄手 [$25] - 辣勁溫和，雲吞據悉是天天現包的，新鮮的好，而且餡料菜多肉少，正中胃口，下次再來也會點，但個人建議雲吞可以細粒返少少，一口一隻更為享受

 豐盛牛肉米線套餐 [$48] - 到米線店最吃這預配好的懶人精選，這個Best Seller走不了，雞牛二選一，再配上白蘿蔔及魚皮餃，湯底要了招牌番茄湯。番茄配肥牛，已經是無得輸的組合，湯底較為濃稠的，啖啖茄味濃郁

聖誕前後的節日限定牛肉海鮮火鍋，定價$128 包兩杯飲品，CP值同吉吉家拍得住，青口、蝦、蛤蜊、響鈴等等，還有米線墊底，同樣配番茄湯。其實今次係第一次用番茄湯打邊邊，小試了蝦蝦蝦和響鈴，響鈴沾上茄湯，未免太匹配了吧！ 推介！雖然我們點的是節日限定，但恆常也見有幾款火鍋，連雲吞雞煲同辣雞煲都有，只係$148，抵到爛左

地址:油麻地彌敦道568號僑建大廈地下

電話: 2363 8339