鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/30/2015

【兩千有找自拍神器】海洋公園哈佬喂 甜心蘿莉大宅。零驚嚇的自拍專員 by Zenfone Selfie

一直以來果粉都認為唉窿的相機質素已經容置疑,但上周魚子醬一家的海洋公園半天遊,就見識到zenfone selfie的利害之處,到現在還在1516 要不要入手一部,自拍真心靚!

魚子媽異常地怕人山人海,幸好上半晝這些時間還可接受,都是港人為主,在山上的甜心蘿莉大宅,指定日子的1-5pm 會化身成 零驚嚇度的 自拍大宅 [詳細日子可到ASUS網頁查詢],裡邊會有不同的Lolita姐姐跟大家自拍,前面兩位中學男生,似乎心亂如麻,腎上腺素上升

裡面每位Lolita 姐姐同哥哥都手執一部自拍神器 ASUS Zenfone Selfie,以定價二千有找來說,前後都配備1300萬像素鏡頭,已經勝過不少手機,加上內置美肌功能 [大眼、瘦面、膚色、胭脂 程度1-10] ,還有不同的場景設置,前燈可以作閃燈或長開補光,彷佛是一部玩味濃的「有手機功能的相機」; 大鑊,其實講到真係有d想買....除左Tiffany Blue仲有粉紅色 >_< 引

10/29/2015

【嘩好多熊貓呀!】小朋友開心死~~~1881 Heritage - Heart Panda 大熊貓世界巡迴展

一聽到1881有Heart Panda大熊貓展覽,不停嚷著要看的是魚子醬,不過佢就係問「係咪去海洋公園?」「點解尖沙咀有熊貓」好彩見到係熊貓公仔都一樣咁興奮,因為發現到他的最愛! 呢60隻熊貓其實先前已經去過德國同上海,今次短短黎到香港十日,除左傳遞中華文化之外,大家都可以見識到新一代藝術家的功力和創意!因為佢地都係由全國頂尖美術學院的學生創作,仲有不同的設計師和藝術家


花多眼亂,但每隻都有好鮮明的性格同背後的訊息,始終熊貓是國寶,很多創作背後都離不開中國的畫風,將龍獅、佛學等都放進裡頭 




10/28/2015

【Kitty, XO, Melody粉絲要尖叫!】秋燈展的心水推介!準備瘋狂

雖然貿發局一年舉行的多個大型展覽當中,大家最能融入其中的是書展、動漫節和美食博覽等;其他只供業內人士參觀的,雖然大眾只聞樓梯響,但偶爾都可以摱車邊入內一看,未必是為了有甚麼斬穫,而是大開眼界一下;在電子展,可以看到最新的科技發明、在環保又可以看到走在尖端的技術,而在時裝展更加見識到香港設計師的水準

今次摱車邊來秋季燈飾展,看到大勢所趨的LED設計之外,也有不少靚靚的Designer 專利設計,更加發現了極為心動的Sanrio 系列燈飾!遲d就會係機場禮品店有售,好想好想入手!

這次的秋燈展規模認真大,相信耗電量一樣強勁,每一處可以擺檔的地方都劃為展區,聲勢浩大 


支持made in Hong Kong的 AV Digital Illustration,這些膠片燈勝在自由度高,任意拼砌,比起日常在IKEA入手更為化算,魚子媽心儀雪花狀的砌法,價錢相宜,其實在坊間也有售,每包數十片,只是HKD200左右,已經是大大檯燈的Size

10/26/2015

【親子活動】playright play for all 遊戲日 - 在遊戲時人人平等的共融玩樂日

Playright 今年的大型公開活動比較少,但就比較走入小社區進行恆常的Free Play活動,最後在我們家附近商場都增設了一個玩樂點;而上周五在荃灣公園就有一個 Play for All 的共融活動,雖然一出feed好多家長都埋怨點解weekday !!!! 但其實呢個活動本身係設計比特殊學校帶學生黎玩~~~但以Playright大原則就當然來者不拒!所有小朋友都玩得好開心

活動就係荃灣西鐵站D出口,一出就到!根據大會的廣播,今日有好多間特殊學校同中心都有帶學員黎,淨係師生都有700人,加埋佢地ge家長同我地路人甲乙丙,其實都幾多人,但場地分佈得好廣,organize得好好,呢個就係魚子媽咁鍾意參與playright活動的原因! 

當日風和日麗,好猛陽光,好難想像係10月尾,竟然仲可以遇上玩水的好日子! 而大會亦非常超級細心,係公廁對面,再設立一個臨時更衣室,呢d真係經驗之談,要讚! 

去年係西九文化區玩過ge絲帶陣真係好難忘,今次黎個小兒科版本,魚子醬見識過絲帶森林,就對呢個mama day


近年智樂都多左將「遊樂車」駛到唔同區,簡簡單單的揀生果再跳車呢個動作,其實已經夠吸引小朋友不停玩完又玩,大d ge小朋友仲可以勇敢跳向前,係半空摘生果,不過叔叔就非常照顧細粒仔,魚子醬最後只能「被跳」hahah 

10/22/2015

【親子好去處】清朝大炮boom boom boom!穿梭市郊的親子古跡古物半天遊

其實市區之間都可以遊走很多有歷史價值的古跡古物,例如1881和美利樓就是最佳的例子,但過份商業化又失去了應有的色彩,三棟屋也是童年很愛到的地方,而這次就帶魚子醬到一些男孩子會喜愛的東西 - 完整的大炮!果然,走近炮台之時,他已經不停問「係咪同Transformer一樣架!yeahhhhhhh」

其實單是東涌就有兩個炮台的遺址,非常接近東涌市中心,在google map的時候,一個叫「東涌小砲台」、一個叫「東涌炮台」;我們選擇先到「砲台」,如果搭機場巴士E車的話,可以在東堤灣畔巴士站落,然後向車頭方向行 [不用過馬路];如果是在東涌站來的話,就沿著360纜車 >>> 游泳池一直行

10/19/2015

【螢光雪糕!】唔理夜光定螢光,總之就係鬼咁應節的萬聖節雪糕 by Loooop

以前經常入大坑搵食,不過要諗埋小朋友個份之後,發覺天后同大坑原來適合一家大細ge餐廳好少,一係就靜靜地貴貴地、一係就打冷粉麵大排檔;上星期約埋Little K食Pizza,餐廳對著對面馬路的Loooop,兩個小朋友唔知點解「突然眼利」不停話對面有雪糕食 =o=

一入夜,成間舖仲熄埋燈,開住UV,其實,以前係Lab,只會所有人離開先開UV燈消毒,第一句想問「返足成晚工,會唔會mutation架,好易生caner」睬睬睬睬睬~~不過繼紙藝雪糕又諗到咁強ge Gimmick,真佩服,螢光雪糕,應晒節 

10/16/2015

【支持視障人士就業】超到位的穴位按壓 @ 香港盲人輔導會萬瑞庭按摩保健治療中心

家庭資源正確分配的意思,魚子媽認為是包括work-life balance,除了小朋友的玩樂體驗和學習,父母的放鬆/拍拖及社交生活都係同等重要;作為全職媽媽,私人時間當然就是那寶貴的上學時間,三小時,其實來來回回做唔到d乜,但按摩都是一個很好的減壓節目

除了外遊,基本上在香港完全沒有按摩的打算,因為一怕「肉隨砧板上」不停比人唸經咁sell package [之前買了10次經絡眼部按摩團購,人生中第一次去美容院就不停被sell,最後去左2次就放棄左!!],二怕所謂的盲人按摩都是扮盲的,三怕唔知正經唔正經。最後,魚子媽決定了左多年的心願,試下在青松的這家 香港盲人輔導會 屬下的萬瑞庭按摩保健治療中心

由小學開始已經每天在車上路經此地,卻一直摸不透,後來隱約聽過是可以預約按摩,而網上資料極少的情況下,都係決定試一試!一星期七日都營業,仲以為好難book,點知一book翌日已經有,可能是因為平日早上的緣故;一星期七日都有,就算要上班的父母,都可以來鬆一鬆 

10/14/2015

【親子好去處】善用生日免費優惠。昂坪360水晶車廂十個讚的旅程。腳軟未!

上回講到嘉道理農場擁有全港只有兩隻的騾仔,當年興建昂坪360的時候付出了不少血汗,應記一功;原來纜車已經通車九年,一直生怕勁多遊客,又怕要跟陌生人共處一室,結果今年才的起心肝,全因有魚子醬的玩樂原動力!在極晴朗的一天,過了愉快的一個下午

放學扔低書包,立馬出發,由屯門到東涌其實都只係30-40min車程,所以我們經常來這邊玩,如果你也是乘搭機場巴士的話,可以在東堤灣畔落車,向前行,橫過大馬路,沿著泳池直走就到;平日的下午,人流不多,總算鬆一口氣 

很容易讓人遺忘的是,其實昂坪360纜車,生日正日係免費架!若然生日撞正保養期,就可以該月份任何一日前來~yeah yeah yeah!! 九月幾乎有三星期在維修,所以我們拿拿臨趕係中秋長假前享受這港人福利,正日當日,我地已經去左海洋公園啦~hahahahahha 

10/13/2015

大埔 - 滑嘟嘟 - 大澳茶果財以外的最愛!皮薄兼爆餡的客家糍粑

全香港的糯米糍,魚子媽獨愛大澳的茶果財,用的是柴火,也是公公婆婆一手一腳做出來,每一步都是經驗之談,伯伯曾經趁平日無遊人的時候,將秘訣教授給我們,但經驗就是經驗,還是摸不著頭腦為何滿是粉的外皮可以包得埋;今天,我們在大埔遇上了一樣的手勢,賣的是客家糍粑,其實都是糯米糍,但就是花生黑芝麻餡

因著魚子爸的工作會經常到不同區,所以我們的美食點子,很多時都是由他口中得知,這次來滑嘟嘟也是魚子爸的主意;除了人龍不絕的糍粑,更多街坊是立食芝麻糊和豆漿,看來下次要再來一趟!

10/09/2015

【親子好去處】嘉道理農場「動物全接觸」- 餵騾仔。摸蟒蛇。難得的體驗!

嘉道理農場,其實就算weekend來,都唔會太擠逼,因為地方之大,大到根本無可能一日用腳步行得晒,最逼應該就係每年影櫻花ge時候;車位需要預約,但更多人泊在路邊,每周可見 [會唔會抄牌就自行衡量],巴士雖然只有64k一條線經,由大埔、錦上路或元朗出發都方便的; 「動物全接觸」這個每月不定時舉行的周末互動環節,魚子醬一家就十個推介!

舉行「動物全接觸」當天,會有四個不同的工作坊,時間上不用重疊,可以全Join~!不過我地全部參加晒,後來都發現有d可以改善ge地方,慢慢講;走上入口的斜路,就是售票處的地方,亦係報Workshop的位置,對大家採取互相信任的方式,自行填上人數,每節的人數限制由20-40人,通常來這裡都會跟親友同行,所以「一組人」可能已佔去4-6個位,想參加就盡早前來填表;當日魚子醬一家大約1030到達,都算是頭1,2位報名的,所以輕鬆可以報晒4節

售票處旁邊有珍貴的穿山甲木製模型 ,但有d穿山甲ge 真鱗片就可以比小朋友摸下

動物全接觸的集合地點,就在入口處的休息位置,而四節的地點都有所不同,因為主題有異。問題黎啦~~騾仔的所在地在高山區,但每次完左在該處解散,結果又每每要步行回到起點集合;如果可以直接在該處集合會更好,但今天所有帶隊的其實都是做義工的年青人,經驗同路線都唔太熟,所以都係讓人家好辦事吧 

第一個環節就係 「騾仔知多d」,係山腳望住條斜路ge時候~問哥哥「要行幾耐」佢ge答案係「呢d野唔好講啦~」hahahah~都知道應該瀨野度甚高~魚子醬一家做開運動就無乜問題,同行的朋友一路上氣唔接下氣話~我們只好在旁邊「加油!努力!加油!努力!」

係騾房外的雞籠,哈哈哈!!堅想笑~~d雞有個遊樂場都算~佢地真係會玩滑梯架!!! 
Related Posts Plugin for WordPress, Blogger...