雖然不下一次有朋友訴說深圳的童玩設施有幾多姿多采，但對於"走失就搵唔返" 呢樣野真係一直都好介懷，二來是衛生問題，三來我們沒有親友在國內，所以魚子醬連回鄉證也沒有。這次兩母子快閃羅湖邊境之最！跟羅湖商業城 [唔好意思我淨係識佢] 只係對面馬路咁近，好鬼刺激！ 仲有$12 任食豆花豆漿！！正正正
同時~因為開放邊境的第二階段只是三年前的事，而梧桐河對岸至蓮麻坑的一帶更加在今年年初才解封，意味著甚麼？唔係隨時撞到 i i ~~而係這麼多年來，未被破壞的山水景色和規劃，這就是原始美！河ja ma~沙田都有啦~屯門都有啦~~梧桐河那種寧靜美，真係建議你去望下 [當然藍天白雲最好啦]
由上水出發，在小巴總站轉乘51K 往羅湖懲教署 [留意全個小巴總站有3架 51K，3架唔同總站，3架都係恆常班次，3架51K 分別在3個唔同Lane等車] 一架往馬草壟、一架往河上鄉、一架往懲教署，雖然都係同一區，萬一真係上錯車~可能就要多花半個鐘腳骨力咁啦 ^_^;;; 其實這旅程本身是 單車遊的熱門線，只不過帶住小朋友，我絕不贊成，文錦渡路口全是大貨車，就算不計安危，空氣也是另一問題。
總站到總站，在羅湖懲教署下車以後，對面就是 羅湖騎術會 的所在地，作為本地唯一一間被認可的獨立騎術學校，現時以非牟利的形式營運；說回正題，落車後靠著懲教署外圍的路一直入，大約10分鐘就會到 $12任食豆花豆漿 的 羅太豆花 ^o^ 其實河上鄉地區有兩家任食，但另一家招待團客較多，而且衛生不及羅太 ，所以魚子媽還是會推介大家到 羅太豆花，也是單車友所愛
天文台預料整個星期都灰矇雨下，可幸整個星期都未見轉壞，心裡暗爽 XD 其實天文台呃下我地都好，等我地無期望之下，變成勁興奮~~這個下午帶著涼風，就在陽光與樹蔭下走著
羅太豆花 在 Google Maps上有標記，而且鄉郊道路簡單，指示清晰，大家看到這路牌之時，拐多兩彎就到了 =]
