鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

2/25/2013

尖沙咀 - Izumi Curry - 麥記炒蛋咖哩飯??oh no..

炒蛋與咖哩,不知為何成了好朋友,雖然到依家仲未食到真正輕切一刀會反開的軟心奄列飯,但到咖哩店還是喜歡點有蛋的選擇,或許是因為綿軟口感沾上咖哩汁很配,又或許是因為蛋可以稍為中和口腔的辣勁。

早年經常到Times地庫吃日式咖哩,已經忘了名字,但門前總有個孖潤腸咀公仔,最喜歡吃那裡的福神漬解辣解膩。接下來有CoCo壹番屋但份量細,新店熱潮有白熊咖哩、GOGO!以及Izumi Curry,如果大阪的自由軒都開來就好了!

2/24/2013

2013 BB春季購物節 - 荷花BB展大收獲

每年二月、八月都會有荷花ge大型BB展係會展舉行~二月小型d不過我覺得都好多野行~當然如果你一心衝住入媽媽會~拎sample要拎到盡ge話~就只有8月適合你~~岩岩呢幾日 22-24/2 ge 展覽~我地收獲都好豐富!! 去片~

考慮過好多路徑過會展~因為推入BB車~其實搭地鐵搭巴士到灣仔都唔算特別方便~最後選擇搭西鐵到尖東後轉船~唔洗收車又行得最少~~首先到海港城看Sedov~是世界上最大ge古帆船~入左Guinness Record架~!不過日前又無時候參加tour~今日ge飛又派晒~無緣上船不過齋睇都已經好靚~好宏偉呀~如果有幸見到佢走ge時候開返d帆應該仲靚 

每次看到這背影我都好安慰~無左魚子爸都唔知點算~

2/23/2013

Marks and Spencer - 瑪莎復活小兔登場

叮叮叮,情人節加上農曆新年過去,話咁快3月尾又復活節,F&B真係由年尾忙到年頭。Easter除左復活蛋,兔仔ge角色都好重要,heheheh~~~~~所以每年我呢個愛兔之人都留意周圍有d咩兔仔造型精品食品咩品都大手入貨,就好似呢個立體兔仔古古力

其實Marks and Spencer每年復活節都會出節慶糖果朱古力,今年又有Honeycomb Truffle Crunch同埋Bubbly Chocolate Bunny,藍色的是蜂蜜脆脆,即係天使蛋糕個d脆脆;而黃色就係打左氣的朱古力,

2/22/2013

魚子醬都有搭車睇書的辟好?

我們很喜歡在搭車時睇報紙睇雜誌,雖然依家好多時變左玩電話,不過竟然連魚子醬都有呢個辟好! 話說我地出門口ge時候有大信就收左先,原來係Friso寄本糊仔食譜黎..

係西鐵安坐好之後就拆黎睇,我睇佢又要睇,就由佢搶走本書啦,逢親有BB樣ge野佢都特別鍾意,唔通佢地真係溝通到?? 之後佢睇呀睇,睇呀睇..

2/21/2013

全港育嬰室大比併 [四] - 荃灣灣景廣場 AEON JUSCO 嬰兒部

自從Jusco由荃灣廣場搬了來對面的灣景廣場,面積超大行得超爽,現在魚子媽都不留在屯門Jusco逛了,這裡BB部的用品和設備都齊全得多,就像位於BB部最入位置的育嬰室,換片位都有5個之多,空間大

而且這裡的換片位是直向的,魚子爸經常埋怨為何育嬰室是橫向換片,超唔就手,這裡的直向就好得多,畢竟在家也一定這樣換片的啦,而且換片墊四邊都是cushion邊,好好的設計;左二右三,還附設洗手盤 

2/20/2013

荃灣 - Ruby Tuesday - 充滿陽光的露比星期二

一看燈飾座位,大抵都知道是Ruby Tuesday多年來沿用的設計,最近開到來荃灣,確實是一大喜訊,因為沙田店經常滿座,相信這裡人流較少。已經想試很久,奈何人是很現實的,以前是這裡的黑卡會員,連酒精飲品都半價,就會經常與朋友們來,即使二人世界都當這裡是飯堂 [因為超喜歡自助沙律];自從會員卡年前過期後,我一次都無再食過露比星期二,適逢本月用恆生卡主餐牌6折、Tea Set買一送一,就拉了魚子爸來吃個午餐


這裡的座位佈局相當寬敞,比任何一家分店都要舒服,而且角位舖有兩列靠窗卡位,感覺開揚,我們被安排在角落靠牆的四人位,BB車可謂轉多2個圈都夠位,魚子醬可以安心睡覺,完全無人會經過 

2/19/2013

Day 136 - 小朋友的學習速度真的超快

明明剛出世細到粒豆咁,點解可以咁快就肥嘟嘟,咁快就長賴賴,咁快就重過個保齡球架! 
都算啦,但BB的學習同模仿速度真係快同強得驚人,太多太多例子

四個半月的魚子醬,可能因為坐得HipSeat多又或者係我成日比佢挨住坐係度玩,琴晚突然唔比人扶,要自已坐係度,用呢個角度周圍望,你會覺得佢真係認緊野,認識緊每樣野

經常發覺他有沉思的時候,呆一呆,諗一諗,跟住就會流一大滴口水出黎 =.=

荃灣 - 大阪王將 - 咩服務態度?!

荃灣吉之島四層之大,上一回跟大家介紹過西佑定食屋,毗鄰是大阪王將,以往在Food Court只有簡單幾味,但自從「入舖」後,餐牌大轉變,但上一次在銅鑼灣舊大丸 Jusco超市已經中過一次伏,這次又會是一次中伏嗎??


菜式選擇超多,從前主打的天津飯已經成了餐牌中一個普通的飯類選擇 

鍋物炸物飯麵都有,來一招「通殺」就是生存之道? 

2/11/2013

全港育嬰室大比併 [三] - 尖沙咀海港城 - 港威商場2樓

香港很多商場都很BB車Friendly,很闊很無障礙,但,育嬰設備往往不配合,就算是圓方也只有2間獨立房,沙田新城市又是另一例子,但海港城係真正做到梗有一間係左近

先前跟大家介紹過海運大廈地下的大型育嬰間,其實遠至港威商場那邊都有不少育嬰室,而且設備一致,就如這間在2樓,LV附近的育嬰室
入內就會見牆後有3座位的梳化,也有暖奶器,泊BB車的空間也充裕的

靠近出入口的是換片的空間,鑽石型但以鏡裝飾,

2/10/2013

大年初一。魚子醬同大家拜拜年。逗利是 ^_^

龍B魚子醬第一年過農曆新年,係度同大家拜個年啦! 
希望新一年人人健康、甜甜蜜蜜、心想事成,開開心心

今日一大早就換好衫仔同媽咪拜年,收左人生第一封利是~yeah~! 個利是封閃令令超靚,hehe~係Harbour City的出品,媽咪的珍藏,利是利是,係咪食得ga?~! 

2/05/2013

全港育嬰室大比併[二] - 金鐘太古廣場

金鐘只需一個Pacific Place已可滿足一切,連帶周邊連著的幾座商廈,一應俱全。但要找育嬰室的話,我也會首推太古廣場,與男女廁一樣,設計滿分,一致的波浪木系Design,盡顯其檔次

幾乎每一層都有一間獨立育嬰室,就在中庭的男女廁外面,圓蛋形的設計,加上多面鏡子,明明不大的空間都覺得很完善,也夠位泊BB車。當然,這裡有換片位置外,也有洗手盤與抹手紙供應,而且有幾個玻璃層架供你放置小物品

雖然用的不是大梳化,

2/04/2013

全港育嬰室大比併[一] - 尖沙咀海港城 - 海運大廈地下

自從魚子醬開始定性,這個蒲精媽媽又點會放過每一個外出的機會呢,要補返過去幾個月無得shopping的時間,呵呵! 但始終目的地會有所限制,多數會找有育嬰室的商場行,最好有埋獨立房間餵母乳,我還未練成在公眾地方用餵奶巾那麼勇敢[二來魚子醬食奶唔係好乖]

整理相片時發覺自已都到訪過不少育嬰室[其實應該比相片更多,因我會無端端行街見到育嬰室,唔用都睇下,至少自已知道大概邊度有d咩設施,所以相片陸續補影返] 

第一炮選擇以暫時我最滿意的育嬰室 - 海港城海運中心地下作介紹,因為好少商場會肯空出一整個舖位來做baby care center,人流集中但流量快,而且設施管理都做得好好,給一個讚;連清潔呀姨無咩野個陣都會企係門口講byebye~又會問入黎ge人換片餵奶粉定母乳

2/03/2013

沙田 - COVA Pasticceria Confetteria - 再說一次我愛你!

下圖是個其貌不揚的蛋糕,但偏偏是其中一個我最愛的蛋糕,第一次吃是在n年前的一個生日,當時的感覺已經驚為天人,點解可以有個蛋糕同金莎咁似,作為一名金莎怪,完全對它一見鍾情。但在這Blog連我自已都找不到從前的推介,可能是沒有由Yahoo Blog搬來,又或者我只在Facebook Page推介過,又或者,我想將它當作自已的Megan's Best Keep Secret


COVA的蛋糕向真有水準,但發覺香港人始終愛芒果,問好多人都話覺得Mango Dome最好味,

2/02/2013

中間分界的魚子醬 @@

落筆之時魚子醬已經120天大,過多幾日就4個月啦!亦都即係過多幾日就要返健康院一次過打3枝針!@@魚子媽應該驚過要打0個個,次次比姑娘叫我捉實佢我都好驚.....

話題每一晚沖涼之後,爸爸都會負責髮型設計,但每隔幾日就總有d怪雞髮型,例如明明人地條界係左邊,爸爸會刻意梳右邊界,都算! 竟然有一日梳左中間界!! OMG~有幾多年無見過男孩子分中間界~唔得唔得唔得~媽咪接受唔到囉!
但結果魚子醬就係咁樣訓左大覺,朝早起身都係中間界,

2/01/2013

尖沙咀 - Maison Eric Kayser - 法國野矜貴d?

那邊廂來間大排長龍的Laduree Macaron,眾人都為尋法國味道而瘋狂,實情是味道不變、質感也有影響;這邊廂又來一間Eric Kayser,同樣是來自法國的麵包大師,雖然說有本事在15個國家開店,但衰d諗,其實都離唔開個錢字。究竟這麵包有何法力?

前前後後來了兩次來吃到名物牛角包,只因它竟然3,4個鐘先出爐一次,無理由為了一個牛角包等幾個鐘吧,
Related Posts Plugin for WordPress, Blogger...