鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

2/01/2016

【親子好去處】魚子醬帶你大澳棚屋深度遊。學整糯米糍、曬鹹蛋兼織漁網

一提起大澳,身邊的朋友總爭住發言「嘩成十年無去過」「對上一次好似仲讀緊書」「喂幫手買蝦膏呀」以上對白是否似曾相識? 因大澳唯一的水路交通就是連接屯門,所以魚子醬一家每隔一個月都去一次咁滯,三歲的魚子醬,已經去過十次多,哈哈,朋友話「多過我成世人」 但來來回回走了這麼多次,在2016年才真真正正認識這小漁村,獲益良多!

這次感謝明報親子版邀請介紹三個新春親子好去處,鐵人家族吧....總不會介紹商場賀年裝飾,最後有商有量後,就得出了三個目的地,大澳是其一。天公造美,我們在藍天白雲下遊大澳,平日下午人少少,就是喜歡這平靜的感覺

連魚子醬都早早進入狀態!哈哈 

在大澳的街道上來來回回不知走了多少趟,竟不知YMCA在這邊有中心舉辦互動性十足的導賞,在他們帶路之前,我們就攝時間先掃街! 很多朋友入大澳前都會問魚子媽有咩必食,其實主要都集中係吉慶前街,先有路口的其記 無冰凍檸茶、然後炭燒雞蛋仔伯伯、炸蛋球、香妃卷、蘇蘆咖啡等等;而往文物酒店方向 [過橋後轉左] 就有柴火製作的茶果財 糯米 ;而近碼頭巴士站的永安街,大家就可以一嚐隱姑茶果和車站豆腐花的芝麻糊

其記厭倦了招待無數的遊客,所以由唔知幾時開始就長拉閘,長期放個牌寫住休息,其實都明白的,如果間舖自己ge~做得咁辛苦為乜呢? 有原則!但只要有禮貌問聲可唔可以要杯凍檸茶,其實都可行的,小小的熱飲杯,盛惠近$20,不過依然每次會乖乖付鈔


其實一直都想知道棚屋裡面係點,在YMCA職員的帶領下,終於有機會一睹真面目,嘩~~~真係風涼水冷兼無敵大海景,實用率超高兼有閣樓 

不過係呢個超大ge露台就真係要小心,地板木條間都有隙,真係跌左d散銀呀、戒子呀~應該都係咁先啦~~bye~ 

先來跟婆婆學整糯米,已經唔記得一斤粉加三定四碗水,問婆婆要蒸幾耐,佢答「我唔識睇鐘,唔知蒸幾耐喎」 忍唔住笑話婆婆你唔好留一手wo~hahaha~不過我地都相信呢d真係經驗之談,大家同樣的材料,火喉、經驗不同,成品就是不同

今次仲學識了用玻璃樽做幹麵呢個動作真係好好多,家中用木的,每次洗都覺得佢吸到濕晒唔好,用玻璃唔黏又整潔!成斤粉,就交由魚子醬兩母子搓呀搓、包呀包,真係包到手軟,仲要著黑色衫 =o= 不過真係好好好好玩!而且熟能生巧,其實即場已經食左幾大粒,但婆婆都比我地帶晒返屋企 ,雖然食唔完,又無街坊派,但真係一個好好ge體驗


原來大澳入面自己都有再細分咩區咩區,全部都有名ga ~! 不過已經唔記得晒~下次去ge時候要再recall返先得 =P  呢個景好似係 沙仔面?

第二站來到叔叔的家中,學習織魚網,呢度真係無敵大海景!超勁靚~~ 魚子醬最期待的不是織魚網,而係叔叔新織成的吊床 XD 係午睡時間拎d咁邪惡ge野出來,魚子醬真係差d訓著 

織魚網好似易織過冷衫,學幾下就上手,但據帶隊的Ivan哥哥話,10個有10個就算拍埋片,返到屋企都係織唔返 XD 呢個係真ga!!! 我都唔知點解 

明明睇住叔叔三兩下手勢,接手織ge時候又織到ga wo~但偏偏自己想開頭又唔得 

真係難而置信,呢d用竹片製作的工具,都是叔叔一手一腳磨出來的,超強勁!精髓就在中心的「竹柱都磨成針」 

最後一站走入呀姨家中~曬~鹹~蛋!易學難精,此鹹蛋不同彼鹹蛋,平時係街市買到黑蚊蚊的是原隻醃,而在這裡我們只取其蛋黃,所以面前的都是新鮮鴨蛋

在清水中打蛋,洗乾淨蛋黃蛋白,愈少蛋白,曬出黎質素就愈好;取出蛋黃後就灑上粗鹽,少少就夠了,因為個底已墊有幼鹽 

雞手鴨腳但又樂在其中,玩到唔捨得走!最後呀姨仲送左幾隻曬好的鹹蛋,指定要在2日後、7日內食,我們依足指示用黎蒸肉餅同撈飯食,真係好味到癲!一路食一路話「呢d先真係鹹蛋黃!」 

玩了一整天,很久沒試過玩到6pm船回程,在碼頭欣賞完超美的黃昏,再登船回家了!謝謝記者M與攝影師同我地真係玩足成日,而唔係影完就跳去下一個景點,今次係真。深度遊!在本年三月初,魚子醬玩學團會帶大家來一趟深度遊,今次真係全年的重點推介!超高度推介!不要錯過啊

Related Posts Plugin for WordPress, Blogger...