魚子媽是好怕好怕到旺角油麻地的，但偏偏這區的戶外用品店最集中，結果最近都不時要來跟朋友補給一下，在廣華附近完成任務後，丁點不想一頭栽進鬧市裡，沿窩打老道往後走，一口氣走上油麻地配水庫公園 大草地！野餐完再直奔京士柏 火山主題 兒童遊樂場！完全是開心大發現的一天
真真正正在石屎森林正中間的淨土，最簡單直接的方法，是由 油麻地D出口，往消防局方向行，在旁邊就有一條長不見頂的樓梯，一直走就行了；我們數過~大約有360級左右 [中間傾計分心，可能有落差] 就咁聽落好似好得人驚？其實行上去幾分鐘就ok ge.....如果體力ok
魚子醬都係停左5次左右，每次回幾秒氣又繼續，班主任黃老師說得對，最近他的堅持和毅力好似真係進步左好多
話辛苦又唔係，不過都有d喘，無停頓位嘛，不過行到上黎個刻，都真係 「嘩~~~~~~~~~~」 左聲，正呀！
驟眼睇似運動場，但其實呢度只有270米的緩跑徑和健身設施，草地是任用，但就沒有洗手間；草地上有人練氣功，有人打太極，有狗狗放電，有人坐在圍邊的椅上在陽光下看書，好自在的一個場地，而我們就躺在草地上野餐，白鴿完全唔驚人，但圍住我地係咁行 XD
這裡是油麻地海水配水庫，同時也是大家聽得最多的 「京士柏錄得的平均紫外線指數為...」 這裡就是京士柏氣象站的所在地！ 係咪好多人都以為京士柏錄得的讀數是在天文台總部錄到呢？
