鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

6/15/2012

你信不信胎夢?? 大比與小比的奇怪胎夢

夢境,很多時是人清醒時份的意識延續,儘管你是否相信有預知的可能,又或者報夢等,在小比的內心,都是信則有、不信則無,反正不是神鬼之說,發到好夢時為甚麼不好好記著 [當然不是每個夢醒來時都會記得],但自從懷孕後,發夢實在多了很多,出現的很多時是已經沒聯絡多年又或者不太關事的朋友mix在一起,而且情節認真爆笑

我的怪夢不說太多,但小比與大比我倆都相繼發過與我們的「魚子醬」有關的夢,大比發得比我還要多,而一直我也覺得爸爸可以在肚皮跟小B近距離是交朋友的最好距離,所以他們很Friend,Friend過我 >_<

今早一起來,大比又拉著我說昨夜發了個很長的夢,是我作動到BB出世的整個實時過程,令他起身很累,哈哈哈,就趁他記起,我又聽完仲未消失記憶前,記下來,好等「魚子醬」出世後對照一下,也留個記憶


大比的夢境如下: 

我在家作動,見紅了,結果執好的3個走佬袋就大叫老公快快拿來出門口了,我再三四五六叮囑佢「記住拎埋我個頭箍呀!!我要頭箍呀!」入院之後,很快就可以入產房。整個過程都相當急,他站在分娩室門前,當然還拿著3個走佬袋,護士見到佢就同佢講「你太太就生啦喎,快d入去啦,但唔可以拎咁多野,唉呀,我幫你保管住先啦,快d入去啦」大比答「好呀好呀~~呀!!咪住,我要拎返個頭箍同相機,唔該晒!」跟住就衝左入去

入到去無耐,無叫過一聲,全程合埋眼好似訓覺咁,Bu Lu一下就生左「魚子醬」,十分快手,醫生還說「你一定成日做運動,咁快就生到」,由陣痛到生左呀B,都係四個鐘到,跟住老公就不停幫我同B影相,佢話事後望住d相「唉呀!但生仔個陣無著衫~d相點post上網?? 」結果他crop淨我同呀B個頭先放上網,哈哈哈! 就係咁,呀B就係我心口爬係度同我來個肌膚之親,哈哈。同埋佢話呀B出世後唔係喊,係已經笑出聲,哈哈哈,同埋呀B有好多金啡頭髮,一個尖尖咁係前面~

自問係會一路聽故仔一路駁故ge人,佢一路講我一路問:

1) 有3個走佬袋都正常,但應該唔會3個一齊拎囉!hah
2) 點解我會係咁要頭箍,哈 !不過真係好符合我ge性格
3) 我問佢見唔見到我生B個陣有無用力個下連屎都痾埋!hahah!結果答案係無~呀B好乾淨!yeah
4) 點解生仔會無著衫,無可能,哈哈
5) 呀B出世之後點解會一直係我心口,無姑娘抱走
6) 點解我會成程合埋眼咁舒服ge? haha
7) 好野!呀B真係啡頭髮同超多~~~~ [我同呀妹出世ge時候d頭髮撻到落膊頭,乾左之後就係撒亞人,全個BB房最多頭髮就係我地,一定唔會認錯]



其實我都發過夢見到呀B ga,不過我夢見ge「魚子醬」已經2,3歲,啡色頭髮,好似呀Boo咁大隻眼,有幾分似相入面個大B,我仲記得個夢發生返係由細到大住開個條村,事實我真係好想係個度買返間搬返去,唔通真係會成真? 我係屋企同呀B玩緊~但呀嬤呀爺堅持要帶呀B落街,我都無say no~結果佢地帶到落去,我望住條街佢地行過,呀B係咁話要返黎我到,跟住呀爺就係窗口遞返佢入黎~hahah~btw~我是住在中層的,點解就咁遞到上黎,哈哈哈,唔理了,總之獲勝的是我,又可以繼續同呀B玩

今天是2012年6月15日,離預產期還有106日,時間真係過得快,就等這百多天過去後,我們再看看這篇文章的夢境有無成真


**如想得到更多實時飲食資訊,不妨LIKE一下我的Facebook Page =]

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...