國際嬰兒、兒童用品博覽 2012 - BB展看社會 - 香港人除左排隊仲鍾意做咩~!?

已經31周多，你問我，可能未必是合適時機會這等人逼人的展覽，反正仲行得走得，老公也抽到時間和我VIP Day下晝來，就當來見識一下，遇見未買的消耗品也可以一買。BB展 的第一天是VIP day，基本上不公開發售門票，只限主辦單位「荷花」會員購買，但最後Yahoo有團購、奶粉媽媽會亦大派門票，真係唔得佢死，最後的安慰防線應該就是少了自遊行的「主車群」吧。事實是我也看到有內地人拿著一本「媽媽寶寶港貨大攻略」，死未?~

展覽 3點開始，約2點9的時間來到現場，心想應該順利入場吧，點知，又Hall 1E行到最入的Hall 1A ，一入去，唔係呀嘛~!係排一整個會場ge長度仲要有7行蛇餅~先行得返出去大走廊的地方入場，痴線! 結果3點開始放人入場，到我地ge時候已經3點半左右

所謂的VIP day，被騙 

入到去，買個本極厚的優惠卷又排到打蛇餅，所有Booth有入會贈品的，都圍住booth打了幾個圈，總之就是你行到邊都會見到唔知排咩ge 龍尾，但總有人識得繼續排，個個就對住本Coupon Book埋頭苦幹，好d ge就用電腦Print定晒Label [姓名、地址、電話、身份證、電郵、預產期、醫院] ，我都有預備label，但係生平最憎排隊，邊有用過...................真係痴線~我入黎買野ga~唔係排隊ga~d贈品又唔係好貴~可能係2片試用裝~可能係一條口水肩~為咩呢~!?

除左排隊同排隊，幾乎你行過的每一秒都有「游擊隊」的問卷員同保險、臍帶血Sales等，我同老公好似行婚展咁，所有人隊野埋黎都「唔洗啦唔該」、「填左啦，唔該晒」，總之就係唔可以有眼神接觸同唔好接任何Leaftlet，唉!!我明明想望下2邊有d 咩Booth 賣咩ga~~~~

有時一個不留神企埋側邊等下另一半去Washroom又或者飲下水整理下行裝，就會成為「問卷幫」的目標，咁個d我都會應酬下當幫佢一個Quota，但係連「中原」ge人都有就好怪囉~!個仔都未出世就問我諗住個仔係本地定海外升大學~計劃左未~!? 無野呀嘛....................仲有d好怪雞ge問題係真係「問答題」，例如「你認為最意想不到的突發龐大開支，會係(A)發生嚴重疾病意外定(B)經常有小毛病要看醫生」，夠啦~!!!! 可能我太理性，我真心覺得呢d問題好有問題 

大牌子例如Avent, Nuk, Aprica, Abbott, Friso等當然有幾大得幾大，但基本上做得咁大個Booth的牌子都無平過，有時樓上舖、藥房、百貨公司大特價仲平過呢度所謂ge「會場價」，反而放棄買coupon book，放棄排任何隊的一開始就貪食蛇咁行晒d細檔，遇到有些本身在百貨心水而真係有平ge就會入手，例如Lamaze的玩具、同埋叫Quax的一個牌子，是中高檔的新代理牌子，用料設計都好靚，藤製ge High Chair好靚~價錢也只是$1800會場價，真係平左好多，但想買ge野都無現貨，包括小小一張的換片墊，結果寫了卡片請我們往後到觀塘的showroom買。 

諗住用Huggies的濕紙巾，想起這裡可以送貨，但一看價目表就知道一d都唔平，藥房買仲平，放棄 

3點半行到6點半，無排過隊ge我地已經行足2次整個會場，連最後還上可摺的軟膠浴盤都放棄，想買這浴盤是因為慳位，同時全港只有一間總代理在TKO而不作外銷，但偏偏佢就持住自已全港獨市獨賣，門市賣$420有9折，會場價竟然標$480劃左去，減價到$420，好似好平咁!!真係賺到盡，有準媽媽在網上告知，明明3月不太熱賣ge時候，那個小型BB展只係$298，你話有無良心~!? 

一句到尾，九唔搭八，咩都有，都唔知發生咩事，BB展，算吧啦! 如果你鍾意排餐死拎少少贈品又或者鍾意人逼人之後買d唔算平ge野~你一定好鍾意黎熱鬧下~我就無下次!

今次ge戰利品唔算太多~不過都幾大袋~最後請老公做跑腿回家先~夜晚各自各歡樂~我就到中環會朋友 [其實腳已行到震晒]~做我個仔係咪好慘`!?佢MaMi太愛粉紅同兔仔，呀仔無選擇權都無決定權~呵!

**如想得到更多實時飲食旅遊資訊，不妨LIKE一下我的Facebook Page =]