鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

4/17/2015

【親子好去處】魚子醬玩樂手記 - D2 Place 休憩天台 + 周末假日手作市集

早在D2 Place未開幕ge時候就聽過其大名,因為身邊總有幾個朋友在附近工作,但看來大家都對這裡沒有期望。但其實這裡交通超方便 [正正就在荔枝角D2出口] 而且節奏慢慢的,又不時有手作市集,看來就像九龍的小型PMQ,概念相似,但這裡更方便。但必需跟大家分享的有這個隱世的休憩空間,真係非常非常舒服啊!!!!!!!!!!!!!

另外還有上一篇文章跟大家介紹的日本空運動物冬甩,加上周末假期的市集,單是這幾個元素,已經足夠讓你在這裡逛上半天;另外這裡有超大的傢俬店,可以慢慢逛 [好有擺家樂的感覺]

以前細個最鍾意係文具舖抽"Long Long",真係估唔到今時今日仲可以見到同細個一模一樣ge模版,連抽法、所有造型都一式一樣,雖然以前$1,2就搞掂,依家要$5,都二話不說即刻比錢!! 以前屋企真係有成百個架!由最細到最大都抽中過,所以屋企d門都有一大串

連紙仔都一樣要掀開,不過同慣常ge命運一樣,都係抽中最細 0個個ja~eeeee~過左癮就算了~爸爸在一旁 -_- 的表情 XD

除了不同的新舊交替日本產品,最吸睛的必數Ikumimama Doughnuts,詳情就留意上一篇文章了 =] 

在二樓展覽廳的位置,幾乎每次周末假期都會有不同主題的手作市集,這次適逢復活節和兒童節的關係,在復活節假期內還摻入了不少小朋友workshop和產品,魚子醬一家逗留了近兩小時都唔捨得走 =P

小飾物又或者文藝青年的衣著打扮我們就興趣不大,不過都有d玩具、畫畫、小朋友用品counter,大人細路 男男女女都有心水

見到有小朋友在DIY 布袋,大家都畫上自已喜愛的圓案,如果魚子醬大個d就好了,現在恐怕會塗了超級抽象派出來 [抽象派都靚..但唔洗比錢係度畫啦~haha]

除左布袋,仲可以即場報名art jamming

無意中看到有斷碼TOMS發售,雖然問起貨源,檔主都好婉轉話係「出貨比美國TOMS ge中國廠」,即係TB下話~?! anyway~即刻上淘寶都發覺要 RMB 1xx,依家全部 HKD 100~! 又咁好彩喜愛的款式是魚子醬size~乖乖付鈔啦 XD [明明著住個對..前日先入手 =o=]

黎到手工DIY workshop,有幾種難度不同的羊咩咩,見到整緊ge 2位姐姐就製作難度較高ge羊咩咩,而2歲半的小朋友都有簡易版可以整~



難得ge係導師真係好有心機同耐性對著呆若木雞又怕醜的魚子醬,我地好順利就整左隻羊咩咩 =] 有幾個不同的難度,真係好貼心啊!! 而且從來無諗過棉花棒/毛冷碎可以有咁大ge塑造性

然後魚子醬看到有姐姐扭波波就一直唔肯走,雖然我地係商場Page係見到話費用全免,只要小朋友乖乖就可以問Winnie姐姐拎一個,但姐姐話要$20一個支持下佢ge扭波波基金 =o= 唔怪得無人排隊啦~~~但因為同小朋友Promise在先,又見到姐姐扭ge美少女戰士都好像真,唯有比$20姐姐扭一隻超簡單 BayMax 醫神啦 =.= 

其實咁簡單ge 反而扭得唔似,明明得一個頭,如果前後各1我都理解係扭波波ge結構需要,但依家「品」字型三個頭 好奇怪~夾硬係上面個「額頭」寫小朋友個名就當Decor~er.... 不過魚子醬極度高興~不停講「我係醫神~我係你ge貼身醫護機械人~由級數1到10~你ge痛楚度去到幾多」...係~我地睇左成百次了套Big Hero 6~倒轉都識背

魚子醬超愛Squly 的公仔,謝謝入面ge叔叔同佢玩左咁耐 =] 因為頭先黎ge時候就見到佢地係貨Lift落黎商場正門~所以見到入面係叔叔~hahaha

搭Lift上到10樓, Aeon Office的所在地,因為假日的關係有d陰森,好彩爸爸都係度,一齊行消防梯上到 11/F 天台~嘩~完全是另一個感覺,超正的說!!!

呢度除左中間有catwalk天橋咁ge東東可以跑跑跳跳,兩旁都是休閒的戶外桌椅,而且假日沒有樓下office 的員工在休息蛇王,就只有我們在包場,very good!

今天魚子醬的收穫最豐富了,又有新鞋,又有扭波波,然後又做了羊咩咩手工

魚子媽最大的收穫就係黎到呢個隱世天台,曬下太陽就係最好的時光



呢度真係好舒服,就算相約三幾個小朋友家庭來小聚都得喎~可以有個免費的會所feel戶外場地~haha~魚子爸今天都有太陽眼鏡收穫,魚子醬對這些反光的鏡片興趣更大~~~呢度有價錢合理ge汽水機~我地最後都有幫襯~~

下次再有市集,又想過悠閒下午的話都會再來呀~~~而且九龍區的中心點,要約朋友都好方便,就來給大家介紹一下這個隱世的親子好去處吧 =]

0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...