魚子醬玩樂手記 - 韓國紙品家具 Paperworld 登陸香港。巨朋友大滑梯超刺激 ^o^

才剛從台灣回來，見識過紙箱王好玩又難食的一面後，魚子醬就應邀來到香港版的Paperworld 延續紙製玩具家品的玩樂精神 =] 不過這裡終究是個Office加上零售的地方，沒有太多玩樂設備，但最為矚目的要數這個「巨朋友」滑梯，連大人都玩得架 ^o^

在九龍灣的工商廈裡頭，跟店主聊了聊，原來同層對面有狄易達軍團的跳舞學校 XD 即刻心心眼~hahah~雖然並非粉絲，不過可能每周都看《安樂蝸》的關係，感覺好親民

這裡的紙品家具都是來自韓國的，可能過往在其他商店或者團購都略見一二，不過真正放滿Display試用的，相信就只有這裡。這套「麥莉桌椅」 魚子媽之前也有動過心，除了可愛的表情可能隨意轉換之外，還有防水紙貼於表面，就算倒瀉少少水都還應付得到，小朋友睇書玩玩具一流，而且全是卡式裝嵌，唔洗膠水，最後考慮到檯面的坑紋不利寫作就沒有入手

「巨朋友」真的超吸引，摸一摸就可見他非常非常結實，大人小朋友玩都絕不成問題

心愛的蘑菇凳，在台灣紙箱王就看過一樣了，但紙品始終較大幅又有一定重量就放棄了，現在在香港都有實物試試又易於回家，可以考慮考慮 XD 最可愛應該是紅白波點的那個，據悉承重達300kg，真係一家人企上去都無問題 

紙品家具的變化真係好大，由書架桌椅到貓屋、聖誕樹都有，起初會擔心紙皮邊會好利，但並無任何意外發生過，全部made in Korea都經過多項國際安全測試。

黎緊Paperworld 都會舉辦唔同ge 手作workshop，教大家；這張Fruit Pie的大圓檯好結實，個人認為好適合社區中心又或者Playgroup教學，掀開面板就見到好多儲物ge小格，儲物量不少啊~

魚子醬上Phonics班不肯分離，但每次上手工班都會專心的做，爸媽這次都走遠了自已睇野，都無搵過我地 =P 佢真係好鍾意搽膠水呢個Step

係魚子醬做手工的同時，來到紙品以外的另一區域，這邊主攻有趣的生活家品，例如這個全世界最細ge電批，魚子爸心動了，但一想起螺絲批呢樣野，可能幾年都無機會用一次，但要用起上黎，有電批就可能會好感動，作為獨家的產品只係$328，合理的價錢

鐵人家族心心眼的產品，有這個 Cook Out [一套盒$360包一個發熱包]，原理好似味吉陽一咁，將發熱包 [Calcium Oxide]加水就會立刻發熱!~水滾後可以keep到95度接近半個鐘，足夠煮熟好多野，最適合帶小朋友去行山、Picnic、旅行煲粥等，而每個Heating Pack補充裝除開都係$14左右，即食麵、粥、薯仔、意粉呢d應該都絕對無問題；所以~!! 魚子媽是入手了的!!!!!希望未來這星期會藍天白雲，有機會在郊外實戰一下! yeah~! 超級非常期待

紙摺的錢罌非常可愛啊，送禮一流。這裡都有在家/戶外影Product 相的便攜燈箱，在Log-On見過相同的，不過價格有點少貴 [~$630] 沒有入手了~

拿~我認我心邪，不過呢樣絕對係有實際用途ge產品呀 XD 這個Finger Nap只係$9.9 已經有30個「手指膠套」套住姆指同食指，咁食薯片爆谷、炸雞Burger、Pizza ge時候就可以乾乾淨淨，原意係非常好ga ^o^ 好過之前日本流行ge 薯片爆谷夾 [魚子醬家裡有啊~~~]

在大巨人滑梯內，小朋友都竟然找到自已的私人小天地，上層是Office，平日不作開放的，不過這天就破例讓我們見識一下全紙製的Office，超強勁的厚實紙製辦公室

小朋友黎到呢度會好開心，雖然地方細細，但係對佢地黎講有屋仔有滑梯有檯凳已經夠晒數 

紙滑梯沒有弧度，滑落黎超快超刺激~!!!

連魚子媽都忍唔住要玩返兩次~hahahhaa

超級靚ge紙屋，如果屋企夠大，放呢個真係開心死

當日參觀活動尾聲有個小抽獎，魚子醬一家超幸福中了大獎啊 XD 係價值$268的 RainyPot 創意雲朵花盆，係一個在白雲上加水就會自動下雨的澆花器，超適合魚子醬一家啊!!~~早就想像高大的香蜂草剪下小枝繁殖一下~~yeah~~

設計簡單卻是韓國其中一樣國寶級的設計產品，將泥隔和水塞裝好就可以裝泥移植啦~~~雲朵入面有一幅「好似」魔術貼質地ge東東，會將水慢慢慢慢滴落，真係好似落雨 ~~haha~不過始終每次裝水都是即時下雨，如果可以控制到裝水keep到幾日就更完美，去旅行都唔怕

我們一向把盤栽放於窗台上，這次就特意放近大門，好讓家中一點綠的範圍廣d =] 每日再將小盤栽拆下來曬曬太陽 =] 得左~~

口講都係無表達得咁清楚，大家去片啦~~haha~呢個就係魚子醬一家的新盤栽 RainyPot

CookOut的實戰不日進行，如果真係好用，就再上去買補充裝繼續鐵人煮食生活，以後Wild Cook都可以無火煮食，抬少幾個爐頭同煲，又唔怕比人話郊野公園唔可以生火啦~yeah~~~下回分解 =]

呢度仲有大型遊樂傢具租用服務，滑梯屋仔個d，睇黎生日會的玩樂設施都可以考慮一下，因為本身的價格都算定得低，應該租ge價錢都唔會太貴掛 =] 有興趣ge朋友可以問問再update我們~~魚子醬10月先到生日 XD 再一次多謝Paperworld 的邀請，讓我們在香港都可以跟紙品家具玩樂

相關連結:

Paperworld FB Page: https://www.facebook.com/paperworld.hk