鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

1/12/2016

【親子活動】大人小朋友齊來當個小礦工!走入馬鞍山舊礦場【親子好去處】

2015/2016年的聖誕新年假,前前後後辦了三場親子活動,經常強調「我們不是搞手」只是愛跑愛跳愛玩,跟理念相同的家庭走在一起,大家的話題絕對不會是「邊間直資好?」「有無報English Drama呀?」係未下海之前,我地就齊齊上山,來到大家都未必好熟悉的馬鞍山個山 ~HAHA~在舊礦場齊齊搵礦石,又感受下以前在山頭讀書的礦工子女生活等等

我們的目的地在馬鞍山村恩青營的鞍山探索館,NR84村巴在新港城馬路邊等緊大家,不過班次真係疏落到呢~活動1330開始,如果錯過了1300的班次,恭喜你,下一班是1600,早d去囉咩je?sorry上一班是1030,哈哈,而且行走的只是28座小村巴,村巴自已都要搭ga呢~所以預鬆時間啦~~~否則就~的士吧!車費約$40-$50

如果司機唔識去的話,大可以話郊野公園處,然後過晒燒烤場後繼續上上上,直至見到直行是昂平平原的路牌,就轉右繼續上斜,盡頭就是馬鞍山村所在地。山頂位置電話未必收得好好,所以同今日帶隊ge Kelly姐姐傾開,佢地都只能用手機有限度工作ga ja~電腦?惘想痕梗係無拉線上黎啦


其實每辦一個活動,人齊點完名,任務已完成了大半,接下來是帶隊職員的本領,而恩青營的Kelly姐姐同琪姐姐今次真心帶得非常好,無論氣氛定正經ge講解和程序時間控制等,所以非常滿意啊!我地一行28人,來到之時已經排好凳,在煙雨濛濛的一天給予大家一個溫暖空間。 

在1950的時候,最初這裡只有一所信義學校,供礦工子女在這裡上學,當時馬鞍山礦場係全香港最大型的礦場,非常熱鬧,直至1952年信義位第一間座堂就正式在這裡建成,也就是今天我們坐著的地方。到1976年,隨住礦業式微,不及澳洲等國的產量,村民都陸續遷出上樓lu~~~因此信義學校及幼稚園都停辦了。直到2012年正正式式活化恩青營,在2015年初正式營運,換言之現在的小礦工之行,其實舉辦了只是數月的時間,期望第二期的活化工程完成後,會有更多工作坊和親子活動可以跟大家在這裡玩。 




印章呢樣野,真係世界通行的紀念方法,無論是過境的印章、火車站的印章、景點的印章等等,只要有得印,大家都會很著迷;「鞍山探索館」就設計了七款不同的印章,小朋友一來到就可以玩樂一番 


人齊坐定定後,琪姐姐就開始講解,同時都播出關於這座堂的歷史演化短片。短片的音樂是其中一首魚子媽最愛的詩歌《恩典太美麗》但其實邊看邊想「死啦,宗教味咁濃ge,會唔會有參加者介意呢??」好彩好快就拉大家回正題,準備開始玩遊戲啦! 

恩青營唔算好大,因為仲有部份位置未活化而唔開放,但第一個遊戲就要小朋友們二人一組,然後跟家長一齊搵晒礦工小冊子內的問題答案。 d問題一d都唔行ga~真係要搵ga~~~所以這15分鐘內大家都走出走入,已經完全warm up晒!而正正在遊戲過程中,大家都好深入了解晒 信義學校 同 恩光堂的冷知識,讚呀! 

呢度有數十個宿位,不過暫時只供教會租用 

礦工cafe 不提供食物,但正好可以讓行山人士在這裡補給飲料和歇一歇,又有其中一個小任務係要大家在馬鞍山山群作背景之下影幅全家幅~~~在觀景位的說明下,大家可以認識這裡的地形,又可以賺到親子時間,非常周到



在出發往礦場前,姐姐先讓大家見見真實的鐵礦,愈閃的就代表濃度愈高,愈靚仔啊! 稍後大家就可以理用磁石來找 「磁鐵礦」 

走到戶外,Kelly姐姐同琪姐姐拎出一幅藏寶圖,真係製作認真,無論大人小朋友見到都嘩左聲,本來大家都未必記得晒要去邊d地方,經過地圖標示後,大家都深刻晒luuu


非常純熟的角度,姐姐們為大家拍下一幅又一幅的大合照,yeahhhhhh~出發啦~ 

先看看昔日單身礦工的宿舍 [雖然今天已變成私人地方不能內進] 就經過山徑往上行,天雨路滑,大家都步步為營,幸好零意外 ^_^ 不過大家都好怕這隻狗狗撲出來 [佢好似真係一跳就出到黎咁呀~~仲要不停吠] 點解只限單身礦工?因為已婚的,早早就在山頭起屋~~一家大細有自已的空間

經過昔日的醫療室,不能入內,但建築大抵沒有變過,石牆上依然依稀見到CLINIC的字樣 

哈哈,魚子媽比較鍾意呢張 XD  

琪姐姐一路上作了非常專業的導賞,雖然礦場今非昔比,大多都破爛又荒廢,但從她口中也可得知昔日的建築群和盛況 

礦警室、風機房一帶,都變成了今天War Game的場地,地上留著不少BB彈,個人不反對這活動,但遺下大量 塑膠BB彈其實非常唔環保,沿路上都聽見唔少小朋友問點解地上咁多白色種子,唉~ 

來到240M.L 礦洞入口,由於礦洞內已經日久失修,結構鬆散不宜內進,所以我們只能在洞口拍照留念,240 M.L的意思其實即 240 Meter Level的意思,也就是礦洞位於海拔240m之上。我們腳下的全是昔日礦場的通道。 而大家看見洞口的兩個圈圈,尤如一個機械人的頭;其實這兩個窿窿,是昔日安裝抽氣扇的位置,由於礦場依山而建的關係,只要找對方向,自然風就可以自由出入洞內,令礦洞內保持空氣流通,不致悶熱,都是大自然給予的財產


姐姐拿著一盒老師常用的白板磁石,小朋友們只需要將磁石周圍貼下,就知道邊d係磁鐵礦和磁鐵沙,簡單而有趣的方法讓小朋友探索大自然。 

大家找到的礦石無論大小形狀都唔同,愈閃ge就代表愈高含量。好喜歡這種在大自然探索的體驗,礦場係真ge,d礦石都係真ga~唔係職員特登係度放低d礦石叫小朋友搵~~你估呢到童夢城咩 xd

尋幽探秘完,歡樂ge時光過得特別快,大家又走回行人路,簡單的一小時山徑遊,即使沒有行山經驗的家庭也可以應付到。其實仲有另一個更大型的主要礦洞入口110M.L 不過今次就無時間下望下,有機會大家行開山記住睇下~

馬鞍山村現時的村民,大部份都已經唔係原住民,真正的礦工原住民,早早就上晒樓,但我們在回程路上就碰到礦工二代,即昔日在信義學校讀書的伯伯,現時他在村口營運福利社之類的東西,幫村內的公公婆婆買米入貨,因為公公婆婆始終拎唔到咁重ge野嘛~~呢個idea真係好好好好好,小人物做大事,就是這樣 

回到恩青營,活動還未完,這裡的職員真夠周到,在人人手機的年代,就為大家準備了手機用的顯微鏡,夾在鏡頭位就可以清楚見到鐵礦的晶體結構,又是很好的一個親子環節。 


其實除了最初第一部份的小遊戲外,小礦工體驗之旅 第二部份是可以選擇礦場遊 或 片糖包製作班,我們選擇前者,如果想由味覺體驗昔日礦工的辛酸,也可以選後者 [不過黎礦場好難唔揀遊覽吧 XD] 不過~~~估唔到~原來就算我地無揀整野食~~到最後都有砂糖腐乳饅頭比大家暖下胃!! 實在太窩心啦~~

計我話直程係收買人心XD 係大家可能凍凍地又餓餓地ge時候~~送上新鮮熱辣的饅頭,可能好多大人都未食過砂糖腐乳這味東西,所以大家ge反應都好好奇、好正面。食飽後還可以扮演小礦工影下相

好欣賞活化恩青營的幾位年青人,好話唔好聽都叫長途跋涉返工放工,而且電話訊號仲只係麻麻,附近又百無,今次活動真係好好玩,推介大家組團來玩。 

有一樣野可能大家好關心ge~~~~呢度ge洗手間好乾淨~~因為過夜ge話都會係入面沖涼~所以都ok ga~~~放心放心;鞍山探索館於每月的首三個星期三、六及日1000-1700 開放ga~大家可以入去參觀下、休息下[有水機] 同職員傾下計,留意下黎緊有咩活動等等

魚子醬玩學團會不定時舉辦親子活動,強調人人都是參加者,我們一家都是自費參加者,一齊玩,一齊笑,唔好玩ge一齊鬧,好玩ge就介紹多d朋友仔! 魚子醬一家會繼續發掘香港18區的親子好去處,緊貼我們的Facebook Page吧 ^3^

參考連結:


0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...