雅培 x bbcare 新手爸爸比賽 - 輸得唔抵!

2012年的爸爸節，是我們準備當父母的一個「準爸爸節」，在比賽前幾日收到promo sms說有一個新手爸爸比賽，初賽有100個爸爸爭入決賽，都不要緊，最重要是小比看到獎品一欄，冠軍獎品包括名貴嬰兒手推車、 沐浴及更換桌、嬰兒網床、 嬰兒床品套裝及衣物大籃，價值約$10000，而且全部有相睇，不是雜牌! 雖然，雖然我地都買得8899，但係有得贏當然想要!

於是就幫我的好老公，魚子醬的好爸爸報名了 ，呵呵呵! 不得不說，我老公真係唔話得，因為當我在網上問其他準媽媽有無報的時候，她們的回應都是「我老公睬我都傻，講座都唔太想去，仲要上台比賽」「我老公一知要比咁多人望住就耍手擰頭」

我們11點去到，坐在ToastBox 邊吃咖央多邊觀察比賽預備情況，發覺參賽者少得很，

難怪主辦單位比賽前幾日周圍急於發送SMS等爭取多些人參加，甚至MC在比賽開始前都開咪呼籲行街中的爸爸~~~如果有興趣就落黎即場報名

問題出現了，我地發覺係有不少「準爸爸」，但有仔女的「真爸爸」更多!本人對此舉是十分不滿，一方面是報名的人有無睇過要「準爸爸」??? 二來主辦單位沒有經過審查之餘，為了增加參賽人數都無出聲!! 搞錯~!有d仲已經第3胎，真係想搶咪講句「唔公平，你玩晒啦!」

魚子醬的爸爸由細到大比賽無數，功夫舞龍舞獅，再大的場面都見過無數次，但今次臨上台之前佢不停話好緊張好緊張，我叫佢諗住我依家叫Megan Cheung「咪緊張咪緊張」XD 

初賽3選1進入準決賽 只用公仔做過練習的大比在臨比賽前得到小比媽咪的指教，用濕紙巾的方向數目和抱B夾腳的動作等，結果做得比同場的「真爸爸」還要好，以49/50分的超高分順利進入準決賽!!!! 

每一位參加初賽的爸爸都會獲得一包NB尿片以及一大罐媽媽奶粉，這下小比可真頭痕，又來媽媽奶粉....多到堆沙都得了

在商場走了一圈，收到電話回來準備準決賽，是著衫仔比賽，這下就真係對準爸爸超級不利，total 17位男士爭5個決賽席位，

結果緊張得來又不夠經驗，在這個項目果然輸了比有仔女的爸爸!!!唔係做得唔好~只係點解咁唔公平!

參與準決賽的每位爸爸都得到一盒Mides的禮盒，我心諗「你地d仔女都過晒NB，過晒6個月啦，要咁多NB野做咩，要媽媽奶粉做咩，哼!」

不過對我們的魚子醬來說，又有新衫仔啦! 平時都唔太捨得買咁多Mides的衫仔

 結果回家後整理今天的紀念品，都是尿片濕紙巾同口水堅衫仔，還有不在鏡頭下，已被我收埋了在深處的雅培喜康素一大罐

我的好老公，魚子醬的好爸爸，謝謝你戰戰兢兢地完成這一天的比賽，為在肚內的魚子醬留下一個成長回憶，比賽的一天是離預產期倒數105天

**********************************************************************

我地無等決賽就走了，大比說入決賽的好似全部都係「真爸爸」而非「準爸爸」，翌日好友send報紙的小格我看，冠軍的爸爸是有6個月的女女! 即係果然不是準爸爸比賽啦!

不過都要同主辦單位講多次「好唔公平!」

**如想得到更多實時飲食旅遊資訊，不妨LIKE一下我的Facebook Page =]