鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

1/21/2016

【親子好去處】更勝佐敦谷的牛池灣公園。三層遊樂場玩到天黑都未玩晒

除左學校附近的幾個遊樂場,魚子醬真的很少到其他遊樂場,現在的設施真心小兒科,他提議行山的機率反而更高。不過這次卻發現一個比較少人知,但大到嚇死人ge牛池灣公園,真心值得推介。

牛池灣公園同佐敦谷一樣,前身都係堆田區,但已經是七十年代的事,封閉後一直荒廢至2008年才開始修復工程,在2010年更獲得聯合國人居署頒發「亞洲都市景觀獎」,同獲獎的包括新加坡ION Orchard以及澳門新濠天地等。 牛池灣公園分了四個平台區,但每層設施都非常完善,綠化度十足

他的位置就在彩雲村再轉上,其實真係同佐敦谷隔左條新清水灣道ga ja~係彩虹有小巴直達。這裡有3個兒童遊樂場,大草地,草草迷宮、緩跑徑、石春路、植物園,連射箭場都有 [不過要由合資格教練book ]

在彩虹地鐵站A出口搭16A/B/S 三架小巴都可直達,我們就先由最高的平台開始玩起!魚子媽認為呢個遊樂場最多元化,小朋友玩得最興奮!

這裡的草坪不及佐敦谷大,好處是比較平,但大石比較多,小朋友同樣要小心 

每層平台都有新式靚仔廁所,絕不失禮


三層平台當中,這裡的遊樂場最大,同時照顧到不同年齡的小朋友,簡單版的玩意一樣玩得樂透 

呢個河馬無係其他地方見過 [可能我地少玩公園] 但BB都玩到之餘,到左魚子醬呢個年齡,仲可以上下Bio堂,因為個條XL河馬舌頭 就印滿晒器官的位置和英文,真心正!


而哥哥姐姐玩個邊,同樣精彩 

呢個不規則的「彩帶」難度都幾高,但好刺激又係真 

高平台的另一面,還有一個草草迷宮,不及九龍公園般茂密和複雜,正正適合小朋友,大人也可以在旁一眼關七 [九龍公園真係會走到唔見左] 

公園內連接三層平台的只有樓梯,唔洗愁住,因為門外就是貫穿整個公園的斜路嘛 [即係上黎ge馬路lorrrrr] 推BB車的走行人路就可以了 

中平台就比較大人化,有天幕廣場、緩跑徑 [唔少人啊~可能因為是紀律部隊宿舍旁] 、石春路都在此層 


一見到石春路就話要行一個圈,急不及待要除鞋wooo 

結果? hahahahahahhahaha~點解回程時見到你行出面ge XXXD 哈哈哈哈~不能忍笑了 ~魚子醬你身體唔夠健康 

同層的兒童遊樂場有BB座位同普通韆鞦、攀石牆、健身架、四座位搖搖椅 [好似打牌圍住坐個種]

而係中層,真係有個牛池,證明呢度真係牛池灣 XD  

再落到低平台,比起高層平台,這裡明顯無咁通爽,擾人ge蟲仔同蚊都比較多,所以呢度都只係簡簡單單有兩個攀爬設施,但就三層ge洗手間都一樣完善 

係低平台出口對面,就係東面ge平台公園入口,亦都係牛池灣公園ge一部份,那邊就只有射箭場和籃球場等設施,所以沒有再一探究竟。等大家來發掘啊~~~~~~ ^o^ 繼續緊貼 魚子醬鐵人家族 的十八區動向吧 

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...