鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

11/07/2012

痛?? 真係陣痛?? 要入院啦? 我的第一次..

最初的預產期是10月10日;過了幾星期後超聲波顯示計早一星期,大約10月3-4日;然而用日期計的方法,預產期是9月30日;最後我免得每次照都唔同日期,以9月30日為大方向,但其實對我來說,即使過了期,都還有幾天「真空期,所以說呀B過期居留,可以話係、又可以話唔係??? 

=============================================

10月3日晚上,每15分鐘一次30sec的超微痛,雖然超微痛沒有任何影響,但還是保險地用電話一路mark住時間,依舊煮飯做家務,沖涼就去睡了;

10月4日半夜,大約每7分鐘的微痛弄醒了我,心想這樣持續地痛,應該都係呢2日啦掛? 不過依然無打算要心急甚麼,邊mark時間邊睡;

10月4日清晨,大約每5分鐘微痛一次,每次持續30sec,很準時,應該無有錯,開始有d淆底,要生啦? 眼淚開始不受控制地流了出來,既然痛的程度還可接受,不如留在家? 但5分鐘痛一次係咪應該已經要入院? 最後老公醒了,我含住淚水鼓起勇氣跟他說「你可唔可以唔好返工...」我都唔知點解會咁,係有d要分離的感覺不太捨得;二人雖然沒有明確定下入院計劃,但還是先沖多個涼,慢慢再三check 下個走佬袋齊未[其實已經check到爛咁多次~],最後還因為早早沒有電視睇,我地竟然仲開左 Xbox打機!!!!! 很瘋狂??!我仲記得玩「青蛙過河」這老餅game,同時因為每5分鐘痛一次的關係,每5分鐘就要Pause 30sec比我忍痛,最後玩左3,4 round我就無心機玩落去,出門口啦都係....


感覺好怪,因為我從來無入過院,我淨係覺得一踏出呢個門口,我就至少有3日無得訓自已張床,而且這「大事」真的要發生了嗎~?! 生仔個陣會點?~! 依家已經5分鐘痛一次,會唔會一入院就好快生? 好淆底....我想返屋企,要訓係醫院係點ga~? 連到左屯門醫院之後我都唔想上產房個層住...死坐係G/F d凳個度得個坐字...

[心諗: 已經黎到醫院,就算我有d咩事都一定有護士抬我上去]

最後4分鐘痛一次,鼓起勇氣等Lift啦,七樓,走進產前房說要登記入院,因為無一個Reception咁ge野,都唔知應該搵邊個,d護士又忙,等左幾分鐘終於有人理我地,大比幫我落返地下打排板,而我就訓上床比姑娘檢查;4-5分鐘痛一次,但無見紅無穿水,跟住就比姑娘成隻手「隊」入去摷,第一次這樣怪的感覺!!OMG~但姑娘話宮頸未開,要待產

眼見路過個幾間房有人要訓房入面ge加床,矮矮尼龍床,好驚一陣我都要訓加床~!最後入左6人房,總算有自已的床同櫃,鬆了口氣.......



一上到床就比姑娘綁了兩件帶measure胎動同BB心跳,所以連郁ge機會都無,淨係叫我覺得有踢就按一下制,但其實真係好難feel到!點知同姑娘講最近呢半個鐘好似無咩踢~但姑娘一睇print出黎個張紙就話「但呢半個鐘踢多左wo」~!「搞錯~你係個表睇到ge就唔好叫人按制啦,等我仲驚死唔知幾時按好..」

原來上到產前房入院時已經大約11點,12點已經是探病時間,同時係派飯時間,我聽見呀姐話「13號床駁緊機,hold起個飯先」,我好肚餓啦..幾時度完呀...........................之後就無端端見到老公行入黎,先知探病時間到,我唯一可以做ge係叫佢叫姑娘黎,究竟量完未,已經成個幾鐘唔郁得好辛苦,好彩姑娘放我食飯~太好了!
人生第一次食病人餐,其實醫院d野都唔係咁難食je~!? 一定好味過飛機餐先~而且就係因為清淡正中胃口~所以都ok wo~!碗飯仲好鬼粒粒分明~hahaha~但中午探病時間只有1個鐘~好快就過啦.....又有種依依不捨的心情..............

[待續...]

**如想得到更多實時飲食資訊,不妨LIKE一下我的Facebook Page =]

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...