鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

11/12/2012

A7產前房的日與夜!



10月4日。結束午飯探訪時間之後,因為開了電視的關係,係「無朋友」的情況下都總算訓係度有d野做,兼用眼睛去了解這間房的一切與人物關係。入黎生仔都要了解同房的關係?? 事關我發覺同房的幾位檯頭床頭都放滿了日用品和食物,雜誌也多得像Salon,而我就所有野原封不動放在袋中,萬一要走佬過產房咪有排執~?! 係咪先.....

與同房的5位媽媽混熟後,發覺只有我一個係入黎生仔 =.= 佢地全部都未生得,而且有幾個仲係要由2x week住到生得!! 唔怪得之當呢度屋企,探病時間亦無人黎探,個個都輪住洗頭沖涼,原來住足四五個月。因為妊娠糖尿的關係,胎水特別多,醫生要mon住進展,除了每日篤幾次手指[連半夜都要被吵醒篤],又要食1800-2000kcal餐,都唔知咁係好定唔好.....住幾個月醫院...除了每個月比多$3000住院[$100 x 30Day],又無得同屋企人一齊,仲成日要食醫院飯..仲要規定唔可以離開七樓.....


結果,1-5pm呢段「空白」時段,我就用訓覺同睇電視黎渡過..張床又load斜左,訓覺訓得勁辛苦,我見個個都照訓,係度諗「唔係無得較平呀嘛?夜晚點訓覺?? 」請原諒無知的我,我真係生平第一次住院..touch wood都健健康康過左廿幾年...對我來說,最討厭係每隔一陣就有姑娘黎問身體狀況、探熱、聽胎心聲等,真係密到有d透不過氣,連半夜三更都要做重複ge野,我呢d「普通人」已經覺得密,要篤手指量血壓個d咪更煩....一直同姑娘講淨係下腹每五分鐘痛一次,姑娘又話唔計,成個肚先係,我呢d叫熱身運動wo....

臨訓的時侯,突然間...............遠處有女人嚎哭!!!係淒涼大叫同喊,跟住就見到全部姑娘跑過去那方向...........真係聽到都心寒。初初以為係生得痛到大叫,但個個都留心聽住ge情況下,聽到佢不停話「比返個仔我呀~~~~~~~~~嗚~~~~~~比返我呀!!!」更心寒@@...............問姑娘做咩,佢地都只能奉告「唔講啦唔講啦,傷心事啦」,後來周圍八下八下,大家討論交換情報後得知,係雙非衝急症入黎,然後照超聲波個陣發覺無左心跳,胎死腹中。拿!自私d講句,抵你啦!自討苦吃;但另一方面,她的淒厲泣啜聲足足持續了幾個鐘,搞到我成日loop住係個腦到,好驚架! 對於一個迎接新生命的ward,個個緊張又喜悅的心情都被這晚的事搞到又寒又悲

=============================================

10月5日。雖然一直都係維持五分鐘痛一次,不過這晚的痛楚明顯增強,我一直都睡不了,整個電話memo都被我mark滿時間,而且仲經常落床行去廁房,姑娘見到我係病房走廊半夜三更行黎行去又好似有d怪表情,唯有走返上床扮蝦米...直到凌晨四點,姑娘又巡房,我完全清醒地迎接她,同佢講,覺得有d濕濕地唔知係咪穿水,但依然只係下腹m痛咁,不過痛到訓唔到。最後無端端就被佢叫我過床去產房檢查;原來要我除晒所有衫,執晒所有野走。「唔係呀嘛,我唔係要過去生仔呀嘛???咁突然!!? check下係咪穿水je..唔洗咁大陣象呀嘛」

由暗暗的產前房推了過光到爆的產房,好唔習慣,好彩半夜呀姐唔忙好好傾,慢慢來,不過望住盞手術燈,聽住隔黎的媽媽痛到eeii真係好不安,等左好耐終於有個houseman過黎check,陰公豬,我又比人伸左隻手入去摷,如果下胎我揀開刀的話,絕對可能因為唔想比人摷囉..結果就當然食詐糊,由4am訓到5am,又比人推返過A7,好彩我個床位仲係屬於我,幾驚比人霸左....................五點幾就派早餐、開燈、又巡房,又無得訓........ 

e................明明午餐同晚餐都過得去,點解醫院早餐可以難食到嘔..........粥同蒸包.......我都無食過..............點知原來無食呢個早餐......係我ge損失.............因為之後.........

<<戲肉到>>
<<To be Cont...>>

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...