鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

3/27/2013

Day 170 - 魚子醬學識坐啦! 坐係度笑到傻左

俗語有云「三仆、六坐、九扶籬」,意即三個月左右可以趴趴抬頭,頸力夠;六個月就可以坐起來;九個月就是扶扶企企的日子,日子過得真快,轉眼間魚子醬還有一周就六個月大了,由四個月開始,他要求坐起來玩和看電視的時間愈來愈長,往往不甘心要訓係度玩,在剛過去的周日是Day 170,5m2wk,他終於可以坐得直而且雙手可以離地一段時間,太感動了!

先送大家一條片,是魚子醬坐係度喪笑的短片,這裡只是Part 1,其實還有Part 2,3,全長笑左6分鐘,笑完之後我見到佢攤左係床透大氣,傻傻B,哈哈哈!笑到眼訓...



雖然離坐得穩穩陣陣自由訓坐訓坐還有段時間,不過現在扶他坐起身已經唔再需要四邊磅住,周圍放d Cushion佢跌左都識自已坐返起,小朋友的成長速度真係好快 

除了開始坐,也開始學習尋找東西,你遮住佢,佢會設法掀開紗巾;遮住d玩具,佢會係紗巾下面搵返d玩具,視力聽力觸覺都成熟了,而且生理時鐘都有一定規律。可以說我膽小,我不敢輕易打亂他的日程,因為怕最後辛苦的是自已,例如他早上8點飲完奶會繼續訓到12點先食糊,有朝早ge街我都唔願出,好怕佢以後朝早唔訓覺;佢夜晚11點半先沖涼然後飲奶即訓,我唔夠膽早d沖,驚佢夜晚唔訓;例子還有很多,不過暫時我都係採取不打擾政策較好 

睇住佢愈黎愈互動,愈黎愈精靈,做父母的就心滿意足 
**如想得到更多實時飲食資訊,不妨LIKE一下我的Facebook Page =]

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...