媽媽咪咪嘉年華 2013 - 玩樂天堂!!

每年Baby-Mo 都會舉辦BB展，每年主題都有點不同，去年以準父母的身份前往《家庭健康博覽》 ，今年就帶住魚子醬到《媽媽咪咪嘉年華》。今年展覽場地移到機場博覽館，對商家來說可能不是好事，生怕人流稀少，所以攤位實在不多，但對住我們這一家來說，機場方便得多呢!而且鐵路室內直達，主辦單位有心有力安排免費Shuttle Bus來往沙田和九龍東。

究竟魚子醬點解變左呀伯~!? 就要看下文分解 =P

我們選擇在最後一天展覽的星期天來，還可順道在機場吃午餐，不過在場所見，下午人流都不算很多，看來吸引力確實不及會展。 

既然硬件配套不能完美，軟件就變得重要，是次我們來的主要目的是因為雅培有製作BB手印的workshop，平時要買一pack實在貴，所以見不遠就來一趟。職員問想拿材料回家DIY還是現場，眼見已坐滿不知等多久，就決定拿材料，原來只是簡單一包輕黏土，為何我一早想不到可用這材料!! 經常想著石糕粉 

兩個罐、兩包輕黏土，製作過程及成品稍後跟大家分享 

走到Babies"R"us的counter，算是多野賣的一個了，而且即場還可以申請成為Babies"R"us會員，到專門店開幕時就可以無限次有10%off 

呢頂獅子帽好搞笑啊!!不過我揀到18m size都仲係好細，所以放棄了，反而買了和這獅子一樣的口水巾，$2x很便宜又很可愛!

 Counter不多，所以四周設有大型充氣遊樂場，對於小朋友同爸爸 [多數都係]都好開心，不過BB就仲未玩得，唯有係側邊睇下先啦，大個d就有得玩ga啦!

除了充氣的遊樂設施，細B一點的會有豬仔車比賽同爬行比賽，不過兩樣魚子醬都係無得玩 [我諗佢都應該會skip左爬直接學行個d黎]..咁咪同所有爬行大賽無緣~!? >_< 

路過She mom counter，其中一個有我腳毛的網站，有很多紙板裝飾品可以拍照呢! 

先來一張準備埋位的~!hahahah~魚子爸同我都非常鍾意呢幅全家福，特別係變左呀叔的魚子醬! 爸爸立即用了這做Profile Pic，呵呵。至於埋位影的，在She mom就會看到

行呀行，經過iimo三輪車的counter，大獲了，這是魚子媽wish list no.1的三輪車，除了是型得很之餘，又沒有卡通卡通同卡通，不過價錢幾乎是坊間的幾倍，$1580! 有成6,7架放係度任試任玩，老闆娘亦好識做生意，又會幫小朋友影相，又問媽媽拎埋wtapps send相。魚子媽差一步就被誘惑了，幸好爸爸及時拉走我 [每次行街我始終過不了超強sales的一關] 

魚子醬超喜歡的說， 

仲開埋三人會議tim ar~! 

不過最後都係無買到，而在家中又出現了另一部三輪車，唯有同自已講不要奢侈了!養小朋友真係足夠就可以，不必多

雖然賣野的counter少，但活動多，就像這個最新的3D爸爸也懷孕體驗，去年也只是揹著重物感受，今年是有裝置在裙內，可以由電腦控制，讓爸爸體驗由初初到40周的重量和踢踢變化，見在場的爸爸都好開心 

雖然行一個鐘已經比多佢，因為場細賣野少，不過如果係大B又或者小朋友，就可以玩成日，氣氛是很不錯的，比起5月8月那些排隊黨商業化BB展，Baby-Mo搞的親民得多，要讚!

**如想得到更多實時飲食旅遊資訊，不妨LIKE一下我的Facebook Page =]