魚子醬的第一次BB聚會。

網上現時很多Free東西給別人的群組，可以送可以徵，總之一拍即合，我也送了很多東西走，除了是魚子醬用不著的，電器家品等在家佔位又用不著的我都會送走，目的是延續物件的壽命，當然當中會有很多貪心的人，但因為我送的大多是BB野，媽媽們總是愛有責任感和禮貌，因而在交收過程中都認識到好幾位傾得埋的媽媽。

今天想說的不是Free物，而是在其中一位交收認識的媽媽口中得知有龍B聚會，所以就膽粗粗一起前往，畢竟這是魚子醬第一次出席這類型聚會，希望一切順利啦! 在會所的Functional Room，一張地墊，十幾個B加十幾個媽，其實都幾乎無位行，同埋因為有d大B已經識行識跳[最大的快2歲]，又有d爬得好快，所以偶爾魚子醬都會被撞親跨過，我知佢有d唔開心，所以都一直陪住佢。好彩在座都有幾位細B一齊坐坐坐

一開始唔肯坐落地玩，坐係大脾觀察左好一陣，先敢坐，但係每次拎鄀附近ge玩具，又會比大BB爬過黎搶走，媽媽唯有出點力幫BB保住個玩具，不過好眼訓ge B始終無咩心機玩，連自已屋企隻小蝸牛都唔理，一副納悶的樣子 

面對住最喜愛的Thomas and Friends，都完全唔投入，平時一落地墊就鍾意趴同爬，但今日坐定定死都唔郁，仲有時會發出代表"我不喜歡"的「呀~~~~呀呀呀~~~~」叫聲 

可能太多哥哥姐姐又眼訓，比人搶左幾次跨左幾次，一臉無奈 

平時見到咩都放入口，今日反常地咩都無放過入口，真係有d野呢..... 

唔鍾意係地下玩，唯有坐上梳化啦，請你食餅餅啦。乖乖地食左半塊就扔左落地，心情不好的魚子醬真的太易分了 

最後的一個鐘，魚子醬的能耐已用盡，不能再逗留係嘈嘈地的房內，唯有係會所周圍行，抱到手斷了，因為好多野睇又唔肯訓，落車仔又嗌，最後一路推住返屋企的路上仲大喊 [第一次坐住車行住都喊]，其實我都好無奈，唯有係公園停一停抱下再落車，回家路上又好唔順利，總括而言係真係有d累。 

不過我相信魚子醬好快會學識快爬，到時就唔怕比人蝦~哈哈~下次再出黎一齊玩過啦~!魚子醬你都快d貪玩d唔好學媽咪咁內斂啦 

**如想得到更多實時飲食旅遊資訊，不妨LIKE一下我的Facebook Page =]