鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

5/12/2013

魚子醬周末遊記 - 數碼港的空中花園

魚子媽多年來都愛到郊區閒逛,愛大自然的媽媽自然也想魚子醬愛花、愛草、愛藍天白雲,就趁著遠行試菜的一個中午過後,相約好朋友到南區遊車河。其實魚子媽對南區沒有丁點頭緒,地名認識,但它們的地理位置就滴汗了,所以請「香港人」帶路,最後來了數碼港。一來是大家都未來過,二來這邊商場都有不少賣BB用品的舖頭,三來是這裡有很多草地! 係草地爬完又可以玩下水,超開心~!


原想到海邊的一幅大草地,但原來商場天台都有一幅大草地如梯田,也是Office / 酒店的入口,有超多鬼妹鬼仔到處玩樂,氣氛好好~!又有大大大電視直播Pearl的卡通,絕對是個家庭樂的好地方。下圖的魚子醬那麼專心看著遠方,一睇就知佢係望住電視囉~!電視精~~~ 


好彩我地一有機會就帶魚子醬去公園草地赤腳行,所以他不怕草地,見身邊的朋友/在場的小朋友,有d都站在石地,然後單腳試踏後又縮回,又扁扁咀;而魚子醬就調轉,坐係度係咁抆晒人地d草,然後10隻指甲都綑晒泥土黑邊 

有電視睇就爬去邊都得,GOGOGO~! 


三個字形容下圖 ....「豪華團」 


這裡有幾個小水池,雖然不是供人落水,不過在場有很多小朋友都脫光豬在四周玩耍,魚子醬都換衫玩埋一份,小試一下啦~! 


Round 2~!直接摸下d水水 

Oh.失敗~但驚咩呢其實~?! 不過你好似咸蛋超人個隻紅卜卜孖潤腸怪獸 XD 

呢個地方雖然無咩行,無咩食,不過因為南區ge外國家庭都懂得找到來這裡,玩起來真的是Green Weekend,氣氛好好,如果有機會再黎,我都想係出面個大草地個度玩多次~~周不時呢度仲有嘉年華~下次再黎啦~!yeah

PS: 不過一個咁新規劃ge地方,都無一個完善育嬰室,得換片板係殘廁,不滿意呢

**如想得到更多實時飲食資訊,不妨LIKE一下我的Facebook Page =]

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...