鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

8/31/2013

魚子醬試用手記 - Nature Purest 有機天然彩棉1.0tog睡袋。甜睡靠晒佢啦!

 魚子醬未出世時,我們第一件買給他的夾衣就是Nature Purest,就是喜歡沒漂白的天然純棉質料,一件BB衫的價錢可以由數十到數百,但只可說句,是真的一分錢一分貨,摸上手分別是頗明顯的。今次收到Nature Purest的睡袋試用,魚子媽希望今次真係可以有覺好訓了啊~ [指的是自已~唔洗再不停幫佢蓋被了!]



背心型的睡袋,兩邊膊頭是啪鈕的設計,好實淨唔易一扯就甩,這樣的設計也蠻方便的,平時我會只扣一邊,像背心穿上一邊,再扣鈕拉拉鏈

不需花巧圖案設計,簡簡單單已經好靚 

成個睡袋都幾長ga~差唔多90cm~諗諗下我屈埋身都著到wo~哈哈 [唉呀~!多左手仔tim] 

 只係初生時買過包埋手ge睡袋 [但佢都成日反抗]之後都無再用過睡袋,這個夏天我地ge政策都只係著長袖睡衣攝衫唔凍親個肚就ok,因為佢真係幾乎每五至十分鐘又會轉左轉右,點蓋被都係會係佢身壓住;有左睡袋至少我放心d,點都有被蓋,結果,第一個晚上就已經一覺訓天光,太好了!~多久沒試過~?! 

成張床都訓勻,早上起來睡袋已經唔知打左幾多個結,呢張相都只係個尾尾扭埋晒一齊,但結果係成個身都扭實左,結果箍到佢喊,要解返開先繼續訓,哈哈

試驗了近一周的時間,幾乎每晚都可以訓天光~~好開心呢! 但中間有一晚因為洗完未乾透怕凍親,所以無用,結果個晚我好痛苦,10點半訓,12點半已經大喊一次,之後全晚都變返之前咁不停醒下訓下,翌日我又變返大熊貓。 我唔知係因為凍~因為熱定其他問題,總之中間個晚真係訓唔好
信不信由你,但實驗證明了真係有睡袋好訓好好好多,特別是Nature Purest用organic cotton又無漂過,極柔軟,摸上手好細密好舒服。平時好多紗巾都會標明自已無螢光劑,同樣此品牌的所有產品都無螢光劑同農藥、重金屬等,是真正有認證的Organic Cotton

這睡袋適用於6-18m,所以魚子醬仲可以用多半年有多~不過由於佢已經識行識走,所以好多時一企起身就會踩到個睡袋,然後撞到下巴,如果睡袋有分腳褲管設計可能會更好。不過依家都ok,佢要起身我會幫佢除低個睡袋等佢自由活動 


哈哈~唔好意思~因為覺得著睡袋再著褲會好熱,魚子媽幫佢著睡袋之後都無著過褲訓覺~hhahaha~反正起身都會換返背心仔ga啦 =P 

這個睡袋在質料上給101分~!在設計上也有95分呢~如果有分腳設計就涼少少都可以落地一路玩都著住~今次呢個睡袋是1.0 tog,大約20-24度適合,所以係冷氣房就o岩晒~遲d涼少少,家長可以買2.5tog比較厚的睡袋,不過個人經驗還是會繼續用1.0tog,因為用厚睡袋就要著薄d ge衫,一起身除睡袋就會凍,反而著厚少少,用返1.0tog Ensure佢唔會露晒肉,咁樣仲好^_^ 感謝公關一直以來都超有條理地交待所有細節及安排送遞,確是個貼心又貼身的禮物,這個睡袋真的好好好好用


題外話,今次看到新聞稿上有一欄教大家點處理BB的睡眠質素,我看著9-12m的一點,完全中晒Point,「你的寶寶每當夜晚醒來就會站起來。此時,必需狠下心腸,無視他的要求,這樣他便很快學會再次進入夢鄉」; 以往我每次都會立刻抱他在屋內夢遊地行來行去,雖然知咁樣會養成壞習慣,但我更不想要上班的爸爸無覺好訓;

看了這段之後,頭兩晚我是真的狠心起來,都有點效,會自已訓返,不過唔熟睡,可能5分鐘後又喊過,重複了幾次我最後都抱左佢,之後先熟睡到,當然,翌日我都比人話點解琴晚咁嘈.........=.= 不過有睡袋之後我好似真係無再需要抱佢,拍下pat pat就ok

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...