八月尾趁住甜魔媽媽放產假，同魚子醬一齊去探下Matthew同就黎捐出黎ge Chloe妹妹，兩個剛剛差一歲的小魔怪係間屋通處走，有哥哥陪住玩，魚子醬少少怯場都無，周圍走，兩個都在尖叫，哈哈
甜魔媽媽ge肚已經超級大個了，果然在到訪後2天就入院生左Chloe妹妹[比預產期早了5天]，仲係肥肥白白大隻妹，以後有排忙了~~
好耐無見Matthew，依家真係超級無時停，同爸爸又係成個餅印咁，而且表情多多
係屋企玩左個幾兩個鐘，落去會所ge Playroom玩，不過，似乎味唔洗錢ge Playroom = 工人休息場地，玩ge小朋友都係小學生多，所以「攻擊力」很大，將檯檯凳凳都反轉周圍當車推又跑又跳，好危險..
好難得搶了幾個BB玩具返黎玩，不過都無得周圍行，因為d哥哥姐姐太亂衝亂撞
原本上面有一個Cushion Padded的安全地帶比細B玩，不過明顯已變「聚腳地」，無奈
原本玩緊My Busy Box個d大木盒玩具，無端端又被姐姐拎走去做飛機，得返上面塊板比我地，魚子醬已經好無癮又好眼訓..所以玩左陣就係出面戶外地方散步了~~~~
特登係產假探Mathew，費事坐月期間打擾媽媽，因為自已唔鍾意生完比人探，所以盡可能我都唔會做自已唔鍾意人地對我做ge野，遲d等媽媽執返d眼耳口鼻，Chloe抵抗力好d我地先去玩啦^_^ 雖然講左成個夏天話過黎游水都無游過~不過依家魚子醬識行見多d朋友仔都玩得開心d~~~好快又會見面啦我地~!
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com