鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/15/2013

魚子醬周末手記 - Matthew 2歲生日 & Chloe 滿月 Party~!

早前魚子醬就辦了自已第一個>>生日會<<,而今次就是我們第一次出席生日會,是Matthew哥哥2歲生日 + Chloe妹妹的滿月Party,主人家早在Party前已提醒不要買禮物,因為會拎唔晒 [對,我也領教過,哈哈]。不過大家當然呢d時候都扮聽唔到~最後Matthew and Chloe滿載而歸。其實魚子媽看到一家人的強大裝備加收獲,有點滴汗,都係遲d先生多個,哈哈哈哈

 [兩架B車都裝滿野了,但相信離開時眾成員都要再手拎唔少禮物]


今次的Party在荃灣愉景新城的Outback Steakhouse,大大細細加埋約50人呢~!在餐廳非繁忙的時間包下了半場,都算有私人空間,但都坐得貼貼的。先看了Matthew這兩年的成長片段 [無錯,我發覺Matthew爸爸是非常擅長整成長片段的]。看著Matthew 1-2歲的片段,我都會預知魚子醬未來會學到d咩,因為魚子醬同Matthew剛好差一年 [生日又剛好差1星期而已]

餐廳為每位BB準備了蠟筆同遊戲冊,魚子醬都成功塗了人生第一幅畫作,呵呵,不過媽媽無帶走到

大人細路都最愛的黑麥包,我們一家人Encore了兩條,魚子醬吃不停

開餐啦~~yeah~頭盤三款都是炸物,好邪惡,分別是炸蘑菇、炸爆谷蝦同Cheese Fries



上次開生日會無時間影相,今次主人家同樣發覺自已無時間影相,哈哈,可惜我要照顧住魚子醬,都唔算影得好多,不過見到佢地成家都咁Close,真好

魚子醬又好精神玩到好眼訓,我地就不停用食物利誘佢,同時又係最後關頭出去落地放牧,咁先捱到走~~不過已經好叻仔了,一聲都無喊過,果然大個仔 =]

主菜四選一,我們選了一個Burger及牛扒


眼訓仔就食殘廢餐,拎都唔拎,但不停食西蘭花

今次的蛋糕是美心西餅出品,以價錢黎講真係贏晒,不過可能用料無平時專整3D cake的小店靚,我見大家又篤又抆又拍都絲毫無損,應該是用硬身的糖膏。不過站在父母的角度,真係有左過往的經驗,平靚正是最重要的,主要都用來影相的,所以美心這個大家都可以考慮一下~! 好像還有另外幾款立體蛋糕可選

多謝晒Matthew and Chloe一家的邀請,好動Matthew仲周圍錫人,呵呵,有機會再聚。因為魚子醬已經眼訓到就黎崩潰,都等唔切甜品環節~~~好想食Chocolate Thunder啊 

0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...