魚子醬玩樂手記 - Baby-Mo 媽媽咪咪嘉年華 2014 - 盡興玩樂@博覽館 [加插大量玩樂短片]

近日有2個BB展同期舉行，但2個均不是以購物作主調的，如果你是想shopping的話，建議你等到8月的荷花B展，今次同樣地在博覽館舉行的BabyMo 媽媽咪咪嘉年華，比去年更吸引唔到商家擺booth，索性以體驗及玩樂作主導，加上天雨超超超超少人的關係，我地最後一蚊都無洗過 [帶晒錢入黎都無野買]，就玩左三個幾鐘；2-5歲的小朋友在這裡應該會超盡興，家長有free tickets的話不妨一來

最近經常製造偽離港證據，希望盡快有得真離港啦~~~~相片是在機場快線大堂拍的 

我們的目的地是博覽館站，短短數分鐘的Airport Express之類真不夠喉，不過只需$5抵到爛~平時機場出1個站青衣都要$60 XXXD 

下午時份，入口的景象是這樣....也預測到裡面應該打幾個筋斗都得了 

一直動搖不到媽媽的Disney，來這裡留影好過啦 

飲埋杯Greentea Latte咪入場囉~~~點解個個以為我飲咖啡jeeee~星巴克都有唔係咖啡ge野架 

一入場見到巧虎教跳舞，第一次邂逅的魚子醬已經完全融入了氣氛，去片~~~ 

大型的充氣裝置有3個，包括這粟米彈床、大滑梯及動物跑道 

 

幾個遊戲之中，魚子醬最易handle同最enjoy的都是這個唔知做乜ge跑道，不過有大量動物公仔放係最後，吸引小朋友拎完比媽咪，又拎返比哥哥，魚子醬跑左最多轉

跑到哥哥都覺得佢悶，同佢過黎問玩唔玩滑梯~~~雖然呢邊比較多大ge小朋友，不過哥哥都會幫手帶佢上樓梯 [都幾斜，仲未可以自已爬到] ，然後滑落黎ge速度又唔算太快~所以魚子醬都無有怕，encore左幾次

係著地個下...完~美~左~少~少 XXXD

 

由下午玩到人家8點快閂門了，玩剩魚子醬一個，犀利麼~~~~有咁多哥哥姐姐陪佢玩

其實場內真係無咩零售booth，有for 準媽媽ge胎心跳錄音和爸爸體驗大肚等攤位 [我們前年也有試過類似的]

Nestle 這個肚仔迷宮就係入去收集5個唔同色ge波波就有獎~大型得來又簡單易玩~ 

會場無人的程度是這樣~~~~~冷清也不足以形容 

來到巧虎的自理大挑戰，魚子醬發揮慢熱的本能，唔睬玩手偶的哥哥姐姐，目無表情左幾分鐘後就離開了~~ 挑戰失敗timmm

其實除左巧虎ge小挑戰，推車同爬行比賽都有報名ga~只係我地無準時黎到~但事實係幾時想玩都有得玩~因為無人比賽~hahah~湊夠數終於開到場比賽~魚子醬加油加油! 

好明顯志在不比賽，因為玩玩下大家都已經向前後左右唔同方向進發~hahaha 

人家的爬行比賽，至今未見過有開賽過~變了個個玩波的地方 

在近入口的地方，都有一堆比小小朋友玩ge充氣設施，魚子媽反而比較喜歡這邊獨樂樂，魚子醬由初入場超怕，到後來主動地要求玩，唔肯走

 

另一邊仲有一個狼牙棒監獄咁ge滑梯~不過魚子醬似乎意識唔到有滑梯，不停係入面玩~haha   

玩到無野好玩了~~~上台跳舞~看到魚子醬都幾有舞動天份呢，而且今天確實比較少人，玩得盡興，最重要是全程只花了車錢$36，就玩了全場，比起之前商業味重的充氣嘉年華，$30玩3分鐘，呢度免費任玩n次，推介推介