魚子醬玩樂手記 - 小朋友暑假重點節目 - Baby-Mo 探索大自然遊學園 x 動物農莊 2014

小朋友暑假的重點節目又來了，說的其實是Baby-Mo的《探索大自然遊學園 x 動物農莊2014》，雖然看到簡介也知道大多數活動為3-12歲的小朋友而設，所以他們的門票也要$130-150，家長另設，3歲而下的都要買飛，約$20-30，連小小朋友都要收錢，看來也有一定活動是特意為他們提供的；所以就相約幾位朋友仔一齊去耕田啦 =P 玩到無晒電，但超開心!

習慣性地選擇第一天開場的早上前往，在人流最少的時候玩最多的遊戲，也不必擔心被大朋友撞到等，現場的人流在我們角度超滿意啊 

先有兩隻不停郁的機械恐龍放在最近入口的地方震震聲勢，但魚子醬還是比較喜歡旁邊的大型充氣設施，第一個Game就玩到唔想走~! 因為好多遊戲都要除鞋，建議小朋友同家長都著得簡單就ok~如果唔係要好花時間重複除鞋著鞋 

有考古的沙池可以比小朋友Dig around，有趣的設計 

周邊有好多小小的工作坊，但其實都是不同品牌的攤位，少不免有點Promo成份，但融入了大量互動的元素，亦未必所有攤位參與後有成品拿走，以免小朋友傷心，這個要留意留意，問清楚先玩，魚子醬玩了幾個落手落腳的也得個吉，感覺有點像無薪勞工，幫了公司做半製成品又走了 

有插秧的體驗相當難得，但原來只是簡單到不簡單的步驟，由哥哥分配了一小束稻苗，自已放在濕泥內，搞掂，走得 =o= 我們拿籌等了15分鐘，玩了15秒鐘 

再走入菇菌的工作坊，原來是用舊報紙製作菇菇模型，還以為可以有紙板這樣一起製作成品，但結果報紙中途又要浸水又整到手黑晒都算，最後拿住舊濕水報紙菇菇，但無得痴上紙板都無安排任何東西盛載，要我們拿著濕報紙周圍玩嗎? 留下了我們的作品就走了~ 

但下午時份我地都再拎到籌整瓶中菇，但係又中伏............. 

每位小朋友都有一個玻璃樽，大家在合力將泥、木碎、豆渣、咖啡渣等mix好放入樽，誰不知原來我們已完成這個手作，原因是樽要拿回工場autoclave消毒先種菌，這點我明白，但有必要開這個工作坊，每節有十幾個小朋友幫你地預備這工序嗎? 十幾二十個小朋友，得其中3位答中問題的會有「種得出」 的成品作禮物

來到植菜苗的攤位，終於有樣屬於自已的東西，魚子醬可以自已decorate花盤，情況有點像早前ILLUMA的工作坊，不過今次換上沙律菜苗；裝飾好後就等哥哥幫忙放上菜苗再堆入泥土；有底碟和小紙袋拿走，不錯不錯。不過小心翼翼拿回來後，菜苗已經又黃又謝晒 =[ 

  

還是轉攻 FREE PLAY的環節吧~! 這裡大部份遊戲都由Playright提供，一向主張「自由玩」的組織，魚子媽相當喜歡他們，今次的禾桿草大戰應該貼題~! 

沒有理由抗拒面前的大堆大堆禾桿草，超級香! 而且又乾爽又舒服，在漫畫經上看到農夫躺在草堆上休息，今次有機會了，好舒服!!!! 

只要家長投入，小朋友都會樂在其中，魚子醬早就和草堆融為一體 

還有竹枝麻布袋的滑梯，夠天然，我們在這裡逗留了最多時間 

不同的動物也走入了Asia Expo，還真的有2隻大馬~! 魚子醬對「頭行先」的動物還是有點戒心，自從上星期被鹿仔lam完~hahahah，但最近2星期所有接觸的動物都是「頭行先」 

又見到羊咩咩啦~魚子醬認得之餘又好似見到多到有d悶，不過都在怕怕地的情況下餵食

今趟旅程最最最ENJOY的地方~! 是這個超大Balloon Room，只要2部風機，大量厚身氣球，就可以營造這個波波世界，是一個真正能淹沒自已的波波世界，超幸福!

雖然成日食波餅又會突然搵唔到自已小朋友，但無論大人細路在這房間內都非常開心，高度推介給大家，這個在盡頭的波波房一定要玩[不過下晝人開始多，就可能沒那麼盡興] 

玩到Lunch Time，係時侯抖抖，每張幼兒門票可以到Gerber換到一份小小兒童餐，有餅有果汁 

再過旁邊的用餐區大人填埋肚，充滿力量又再玩過~!GOGOGO，魚子醬可以獨自爬上咁高ge樓梯，係一個好大ge進步，終於享受玩充氣滑梯 

這裡甚至有攀石牆，超勁抽~! 不過我們小的小得濟，大的也不敢玩 

建議小朋友記住帶多套衫，因為真係有唔少遊戲玩沙，不過我地平時都成日去沙灘，就沒有玩了；同時要一讚大會在整個會場四周都設有洗手盤，完全唔會出現排長龍，也鼓勵大家玩完/  摸完動物就即刻洗手 

係會場盡頭，波波房的附近，都有幾個3歲以下專屬的baby遊戲，那麼就算比較小B都會玩得放心一點 

簡簡單單，其實在家也可以玩的遊戲，這裡可以隨心玩~! 

會場內也有海星、水母、海葵等觀賞，不過人流都幾疏落，可能因為依家d小朋友成日都有機會去ocean park，同埋有得睇無得摸係悶d；相反旁邊有兔仔、龍貓、天竺鼠就比較受歡迎~~ 

提提大家，手持門票在青衣/九龍站都有來回優惠 [$42/$57]，同時在東薈城的巴士總站有X1特別車直到博覽館，搭S1同樣到達，不過比較費時；場內用餐區最飽肚的只有雲吞麵$30/Burger熱狗$45，沒有飯類，飲品$20，所以多自備水吧；以幼兒$20 大人$60就算是合理的，但如果3-11歲要比$130再加每位大人$60，周末又可能太多人參與不了太多，就好像有點貴，自已衡量吧 =]