鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

8/02/2014

魚子醬購物攻略 - 2014荷花B展 - 堅持不排隊

其實魚子醬以2歲之齡已經不算BB,我們來逛B展也只成了習慣,也開始不明白點解有人可以花11個鐘係裡面排贈品,只為post上fb自已有幾勁...到頭來其實有幾多用得著? 又或者變賣的多

今次都係選擇第一日黎,但今年明顯明顯係超級地多人,10點幾買飛條龍已經要排45分鐘,好彩有朋友早到,幫魚子媽買埋,如果唔係真係大叫一聲痴線就調頭走 =.= 

入到去,係好多人,不過八成人都為贈品,所以全部人去晒排隊,真係shopping ge人~~你話呢? 所以魚子媽這種只逛的人,這個時間就很好,雖然有買coupon book,不過無帶筆 =.= 結果要行到中段先搵到朋友仔拎筆,都換到d野ge =] 因為沒有再去看奶樽尿片玩具等資訊,所以今次的分享可能對於想排sample / 買BB用品的爸媽來說,可能沒有太多資料帶到比你 




唯一主攻的是silver cross的BB車! 因為有3架超平B車~$450起! [booth W05-06] 

$450 的 Micro Blueberry,難怪edm只出側面,一看正面真係不得了,好似回到20年前的樣子,布的T字帶,而且係無得拆的,重7kg,個人不能接受~ 

$600的 Fizz Air Lilac,只有這隻紫色,重5kg,起初看圖也想說服自已入手,雖然最討厭紫色,不過可以買其他座墊,而且面層的間條墊是可拆的,單用網層會涼得多;不過有一弊病就是太淋太軟,當魚子醬試坐的時候,好像整個人坐了吊網,被周圍的網包裹著,不夠挺身,但重量取勝的,而且有rain cover與cup holder送,摺埋不能企,但有背帶可上膊;如果你是愛紫色,可以考慮! 

至於$800的Dazzle Air Royal Blue係最正常的車款,不過over 7kg,而換車來說幾乎不可能,但手柄是圈狀的,很好掛野~haha~同樣地不能站立,感覺上silver cross這三架車都有d蓬鬆,而且座位低,最後三架都放棄了,今天的目標也叫逛過了,接下來是無目的地逛


在YATA賣$100的飯盒,日本直送的價錢是$60,而旁邊平面一點的只是$35,可以跟我們家的消防車飯盒湊成一套啊! 不過魚子醬少有地看到消防車say no;事後爸爸說可能魚子醬覺得家中那消防車飯盒由頭到尾都無做過飯盒的功能,所以覺得得個盒好無聊 =.= ummmm~may be 

在B展內也有充氣設施,但要買$15的遊戲票玩10分鐘,傻的嗎~超少人玩 

過去2年我們都在First Year, Lamaze這 booth示掃貨,但今次真的大個仔了~走了一圈幾乎沒有適合的玩具了~~~不過我也高度推介Lamaze的玩具給各位小B家長,顏色好sharp對比之外,d玩法都好有意義 [T05-07 KOMODO]

大B逛大B的東西,來了 N14的smartfish booth,雖然佢最多人識的是cream狀魚油,不過其實最新出了咀嚼魚油丸,真心唔鍾意倒液體魚肝油~cream狀仲麻煩,有藥丸包裝的真係fit晒我地這些快手快腳的媽媽。雖說是3歲以上,但食糖呢家野,為食ge小朋友相信完全不成問題,試食左一粒後就先入手1盒$245/56粒,再加$70換了2盒 14粒裝,每日1-2粒計,都食到2個月 


見亨式唔洗排,就問sales姐姐借筆填表,換左果汁同餅餅,然後用$40/3包價錢買左唧唧有機果蓉,可能你會問點解2歲仲食果蓉,我們這些經常在外跑的人,這些是行動良伴,也不怕那天早出晚歸而沒有吃生果;還買了2盒動物粉 $20@,在超市特價都未見過$20,所以入得過 

來到了一個奇怪的攤位,還以為這wonder mom是網站之類,但原來是品牌! 而且由濕紙巾、尿片、棉花棒到孕婦用品走佬袋都有,排左10min 「玩左」發表意見ge錄影後,就得到3包20張濕紙巾加三塊片片同一樽棉花棒;至於發表ge意見? 佢有好多題目比你揀ge,而魚子媽就選了「贏在起跑線」的偉論,狂插怪獸論,哈哈,小朋友係應該在自然中成長,有快樂ge童年已經贏晒自已ge起跑線

其他好受歡迎ge Vtech, Dr.Kong 都擠滿人了,其實價錢唔算特別平,只係大家情緒高漲 

去到J06-07,20-21 Trade Solution Ltd,呢間係calibowl 代理,去年都有買吸盤碗加細碗$100,今年佢放左更多唔同option出黎,有非吸盤ge大碗$80兩隻,連細碗就$100set;看在魚子醬已經大個的關係,就買了後者,$100有3隻碗,以calibowl計真係抵~! 

另外同一公司代理的就是反斗城常見的平衡單車Y-Velo同三用滑板車scooter Y-Glider,平時係反斗城真係超唔捨得買,但會場價只係$380同$480,貼近批價,好想好想買,不過又好似屋企已經有單車,長遠計scooter襟玩d,推介推介推介~! 


無端端見到有圍欄、地墊、滑梯等display,魚子醬除鞋入左去 =.= 那個長頸鹿滑梯$429,不過就好矮同無得摺合,都係反斗城$349的比較抵玩,而搖搖板就$499,呢個值得入手,不過首先你要有3000呎的家 

這檔D16 Top One International Ltd.相信係唔少人無留意的寶藏,平得有d不可信!! 我相信佢地係trading 公司用船係德國運返黎ge Stokke水貨,但Tripp Trapp highchair只係$1500,連baby set那T型欄都係$1680~! mothercare平時最平都要$22xx;而Xplory更過份,荷花自已賣緊過萬ge時候,這裡$5888!!!!!!係$5888!!! 而較新較輕便的Scoot只係$3888!!! 

真係平得過份,可以用一部P3價錢買到Stokke Scoot,相信真係好令人動心,不過當然都要考慮車重11kg的問題,不過唔介紹真係過唔到自已。呢度都有calibowl ,而且仲平trade solution $5,顏色又多d選擇 >_< 


逛了三幾個鐘,因為爸爸到門口而唔想排45分鐘買飛的關係,要走了~~~~~不過我地密謀緊last day最後2個鐘入黎再視察價錢,有平野就即入手 =P

「國際嬰兒、兒童用品博覽」暨「全港嬰兒慈善馬拉松爬行大賽」
日期  : 2014年8月1至3日(10:00 am – 9:00 pm)
2014年8月4日(10:00 am – 7:30 pm)
地點  : 香港會議展覽中心新翼Hall 1
票價  : 成人 HK$25
小童 HK$20 (1米以下小童免費)

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...