魚子醬試用手記 - PONY ALEX 地墊+立體拼圖+搖搖馬

魚子醬已經恨左搖搖馬好耐，每次係玩具舖見到就會大玩特玩，上兩星期係台中紙箱王仲玩左成世仔最大隻ge搖搖馬 XD 不過魚子媽先唔會讓出3呎位長期放隻馬囉~~~可能好快又用左黎放衫、愈堆愈高 [真實經驗係~就算過萬銀ge按摩椅，唔知點解大家最後都會熱情冷卻用黎放衫 ^_^;;;] 多謝Upsize 3d Puzzle送我們一隻Pony Alex，呢隻集地墊砌圖同搖搖馬在一身ge實用玩意，超適合我們[自我催眠]「三千呎的家」XD

其實早係魚子醬識爬ge時候，魚子媽已經動心想買呢一類ge產品，韓國品牌T都有類似ge出品，不過眼見真係太太太多細粒粒，砌完出黎又不規則形狀，有d難搞，而且價錢過千，六塊拼埋都唔見得好大，種種理據下就被魚子爸推翻了

Pony Alex 阿里斯小馬 可以拼合返做長方ge地墊，原理就好似細個ABC地墊咁，所以四四正正咁可以由盒外望到七彩的地墊，不太重，可以手抽回家。香港本土設計的品牌，絕對值得支持，而且已經申請左專利，Well Done!

每格地墊約為60 x 40cm，都有2cm厚，厚過平時普通abc個d地墊，3x2咁拼埋就大約係120 x 120cm，夠曬一般屋企ge客廳使用，亦有足夠空間比小B係上面爬/玩，而魚子醬就好enjoy幫手砌ge過程 [嗚~~~真的長大了] 我們都一致認為顏色配搭好靚啊 =] 

跑跳完全無問題，魚子醬已經處於興奮狀態了 XD 不過終究形態都唔係呢個地墊，準備動手砌砌砌啦~~yeah~啦 

小馬ge 2邊身最大塊ge砌圖係有立體紋理ga~! 連魚子媽都覺得好靚，同時又覺得如果小B係上面爬ge話，都係一個好好ge感統刺激 

拆件大行動進行中~配件都算大大塊，小朋友唔會有choking hazard，不過始終要配合一d「入榫位」都有d方型粒粒要拆出黎，家長可以連地墊框框好好收返入大紙盒 

魚子媽好鍾意睇說明書，但每次要動手砌都笨手笨腳，無魚子爸係身邊，都碰左幾次板，砌錯方向，哈哈，不過其實好易砌，大家放心 XD 係我自已望住都砌錯，不過好快就轉返方向就一切順利啦

魚子醬好幫得手啊~~~~謝謝你~~~~

雖然係地墊立體砌圖，但係唔洗擔心會唔會砌唔實又或者有d咩差池，所有榫口位都接合得好實淨，點搖都唔會散

最後砌埋個頭就大功告成啦! yeah~~~~雖然有E字型ge組件固定，不過始終個頭都係「單塊匹馬」小朋友搖ge時候唔好用黎借力扶住呀~咁樣好快就會整殘馬仔個頭

朝早ge時候剛砌好都仲係乖乖地玩，但下晝已經企左上去左右搖，真係睇少眼都唔得，錯誤示範啊~! 小朋友要乖乖玩~玩完又可以隨時拆返變地墊又或者收納，真係一個好好的設計!!!

依家係會展TDC HK Design Gallery 已經有得賣~~~但5月13-18日，係CWB Sogo 21/F會有玩具感謝祭，係小馬正式登場的大日子，大家可以隨時上去探下Pony Alex，到時Like and Share FB~簡簡單單已經有小禮物送~ HKD599認真抵買，依家就算買Playmat都唔平，家長都好捨得洗二三千蚊買，幾百蚊就有得玩有得訓~~魚子媽覺得CP值高啊!

參考連結:

Pony Alex Facebook Page