【洗冷氣分享】小朋友家庭安全放心。洗冷氣之選 - Airestec 。分解細菌bio-film

魚子醬一家住的不是自置物業，最初打算住兩年就搬，結果住落又幾好又極方便，結果住下住下已經快四年，冷氣機是上年業主的，我們不知有多少年歷史，只知道這兩年不時會噴出一d一抹就有黑痕，床單洗都洗唔甩的「煤碳屎鬼」非常困擾，但其實兩部冷氣機都仲好夠凍 [以前d電器真係耐用好多] 所以都無提出要換冷氣，反而係訓練自已唔開冷氣

我地嘗試過用絲襪隔住出風口，又試過用3m濾網，又試過買3m洗冷氣清潔劑自已噴，但情況都無改善，因為不時會噴塵出來，令我地覺得開冷氣反而好似好污糟好多菌咁...今年夏天就決定要洗左冷氣先算！ 

Airestec 相比街舖真係好貴，窗口機$900一部~~~但睇左好多comment都覺得團隊應該比較斯文有禮整潔，而且用的清潔劑全部都係neutral pH + food grade + non-GMO enzymatic cleaner，100% Biodegradable [即係生物可降解~唔會唔環保]，對於有小朋友ge家庭，確實比較放心，Food Grade 清潔劑意思即係即使處理食品地方用上，不會有有害ge殘留物食落肚會對健康有影響，好似依家好多baby cleaner都標榜可以噴落小朋友highchair 餐盤之類，其實有相同的道理；而且用上天然ge 清潔劑，並不會用強酸強鹼去侵蝕污物，應該唔少人聽過有人倒「通渠佬」落渠口，最後條渠腐蝕到穿左窿

如果開冷氣空氣不流通之外，仲要d空氣經過厚厚細菌ge機件吹返出黎，開都開得唔安落，寧願開窗吹d「生風」仲好。用Enzymatic Reaction去消化左d菌，呢個確係最好ge做法

因為睡房ge冷氣機係床架上，魚子媽承認是有潔癖，不放心有街坊格ge大叔踩上床架洗~所以搵Airestec團隊，至少應該比較企理，也派了個幾靚仔ge哥哥黎 XXXD  

相信哥哥見到我地2部老爺機，都想講句「醫返都嘥藥費 」，仲解釋左吹出黎ge「煤炭屎鬼」其實係圍住冷氣機ge隔溫棉，已經老化脆化到粉碎而被吹出來，洗冷氣未必可以100%解決問題，不過會盡量幫我清清。 另一個哥哥係廁所好仔細沖機殼ge時候都忍唔住係度自已傻笑，話一沖d棉就散晒，第一次見! 其實除左機件已經超級污糟之外，仲明顯見到白色ge部份係發霉，難怪每次剛開都好係有d「噏」味

見哥哥先用水開稀清潔劑，然後用毛刷噴咀開始洗機，特意請他先洗一半，影一影before after分別，可以見到右手邊真係乾淨左好多! 不過始終呢部係殘殘機，所以唔會真係洗到一黑一白咁明顯。 依家都只係半完成階段~周邊未清潔，用清潔劑沖刷後，稍後會再用吸水機仔細吸返所有污糟野出黎~~~Multi-enymatic reaction 可以將細菌製造的biofilm分解，所以過程中所有細菌、真菌、黴菌和藻類都可以徹底清除

最後呢個由電鑽咁款ge改裝而成的抗菌防霉塗層，有效期有一年之長 

係哥哥洗冷氣ge時候，魚子醬活動空間大減，不過都自得其樂，同媽媽畫畫又自娛，呢幅原本係兩個小朋友打韆鞦，不過最後落大雨喎~hhahahhaa

洗完廳就到睡房，哥哥會用膠檯布鋪一鋪d物品，就唔怕有塵飛出來整污糟，已經特別叮囑床架靠牆的一半是儲物，床板門很薄，就一就力，so far都無乜問題出 =p 

其實這樣小型的洗冷氣工程，Airestec團隊一行兩人前來，當日約1000-1030上來，最後0930已經上左黎~有早無遲~好啊~! 一位負責洗冷氣，另一位就全程蹲在廁所超級仔細咁將成個面蓋拆洗，連每塊出風口ge葉都拆晒黎捽，超讚!!!  

大約一個半鐘，就完成啦 ^o^ 雖然哥哥都話有機會仲有d 綿碎噴出來，但因為不是洗冷氣可以解決ge問題~是老化問題~已經盡量清走左好多~~~至少暖空氣經過機芯再出黎ge冷氣依家乾淨左好多，對於有小朋友的家庭真係放心好多，辛苦晒 

有d錢~真係要比人賺~~~~希望以上ge小小分享幫到大家~~如果有興趣就要快book~因為我地都等左2,3星期先有期，仲要只係平日ge上午啊~! weekend應該更加爆~

參考連結:

Airestec Official Site

Airestec FB Page