【買返學鞋咯！】魚子醬的第一對白波鞋 by Striderite

好唔捨得！仲有唔夠2個月就開學了~~魚子醬終於要開始漫長ge讀書生涯，除左校服，最重要的就是一對好的返學鞋，由於夏季校服可選穿白皮鞋 / 白波鞋，反正運動服也是白波鞋，當然決定「一鞋走天涯」，襯大家未開始搶購返學鞋就已經先行入手 =]

雖然就算街市都有返學鞋賣，不過這個年代，家長都非常著緊小朋友ge腳部成長和健康，相信無幾多人會再隨便買鞋比小朋友，始終返學鞋日日著，而且會爬高爬低，仲會唔知點樣玩到對鞋殘晒，所以耐用同保護性高，應該係最重要；捨棄各大運動品牌 [輕係輕，但保護性略嫌不夠] 來到Striderite 門市，還是黑皮鞋佔多，女孩子的款式又多一些。因為買鞋ge時候仲未返2015年新貨，相信大家黎緊去買ge時候會仲多款揀 

姐姐先幫魚子醬度腳，話說一般小朋友三個月就換一次鞋，雖然我地腳仔都有長大，但上年ge涼鞋，今年都仲著到~~姐姐不停強調多次「對腳真係無乜肉」所以遇著有d鞋型偏大的，可能要著返細一個size

望過去都係女仔款佔多，我們先跳過冬季才需要的黑鞋，但白皮鞋本身只有baby size，白波鞋就只有一款striderite品牌，所以~原來~唔洗揀~hahaha 

姐姐都有提議過左一的黑鞋，但感覺好似中學生，不夠可愛，第一對返學鞋應該要似返個第一次返學ge傻豬仔

Striderite 這對白波鞋，重量比「三間」運動品牌的來得重，魚子媽確實有嫌過太重，大人買鞋都愛買輕的啊。不過姐姐好細心解釋，一來鞋底來得比較厚實，高一點，而且在保護後踭方面非常充足，腳踝向來是受傷的黑點，高身不是無道理；認同認同，看著魚子醬穿上這對新鞋仔，已經預鬆了都可以跑跳自如，著得舒服開心最重要，一對決定要呢對！ 

偶爾可愛的魚子醬獨自蹲在鏡前，檢視自已的第一對返學鞋，成了媽媽最愛的照片之一 

得承認鞋仔唔夠型格，不過返學鞋型黎做乜 XD 實用、安全就足夠了。諗返唔同ge健康鞋品牌，一般鞋踭都會比較厚，別忘記striderite本身都係有美國足醫協會認證的啊，返學鞋比起出街鞋仔可能更多時間著住

鞋底坑紋特多，絕對唔需要擔心落雨太滑

唉呀out foc tim~唔緊要，魚子醬一家有好多striderite $80 coupon~一對鞋仔4百幾，減80都接近8折啊~~~有興趣ge話可以在Facebook Page私訊我們 ^o^ 

參考連結:

Striderite official site

Striderite FB Page