鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

7/15/2015

【親子旅行】魚子醬帶你激玩曼谷六大親子好去處 - 曼谷最新開幕的真雪樂園 SnowTown @ Ekkamai Gateway 【曼谷遊記】

很多人覺得曼谷不適合小朋友,確實魚子醬一家來之前都有這種疑慮,但來到之後就恨時間太少,原來曼谷這幾年的發展,五天都不夠我們玩晒d親子好去處!決定一口氣為大家介紹六個曼谷親子好去處!
==================================
先是 Ekkamai Gateway的 Snowtown,激新蒲點,因為正正在2015年7月1日先開幕架!話明SnowTown就梗係玩真雪,而且高層們都是日本人,做事一絲不苟,身在連接BTS的Ekkamai Gateway商場,絕對方便到極呀!

在Ekkamai Gateway的5樓,就可以見到白雪雪的寬大店面,非常光猛,可能是新開加上Weekday的關係,人不算多,反而碰到好些幼稚園/小學的課外學習 

部份職員英文OK的,而且有一本日文英文的Clear File好清楚咁解釋晒場內的設施,而入場費只係100baht!圍起港幣$25 ja~~~可以玩30min,及後每過15分鐘再收20baht,可以即pay即玩,點都好衝入去Disneyland 排成個晏晝,排到溶先有得玩雪

進場後先是一個零售店,也是借鞋和租用具的地方,無有錯,100baht已經包埋雪靴!而且由2歲size開始都有,鞋是免費的,如果需要手套、雪褸、雪橇都可以租,價錢都合理

場內唔會好凍,我地三個著背心,只係魚子醬加返件外套就OK~!同一般溜冰場差不多的溫度;場內有製雪機不停噴出一堆雪山,有人會質疑其實真雪樂園係冰黎ge? 但其實魚子媽又覺得真係落雪ge時候,都係冰黎ga wo~如果唔係洗乜擔遮又跣到七彩「你唔係諗住軟綿綿好可愛咁下話???睇少d卡通片啦 」 <---- 以上係第一次在日本玩雪ge時候,魚子爸Challenge我的一番話,真係落大雪ge時候係一d都唔好玩架~~嗚~~~~~~~ 不過今次有雪靴保護,既不冷,也不跣

著住背心玩足30min都無問題 ^o^ yeah 

魚子醬初次接觸雪,好喜歡搓雪球扔爸爸,但後來又有少少後悔無租手套比佢,玩到近30min時,patpat坐到濕左,手仔又冰冰的 

本來無租小雪橇,不過因為場內有專for雪橇ge斜坡,有工作人員看守,所以爸爸最後都租左個小朋友雪橇返黎 [大約50-100baht??] 玩左幾次滑梯後,魚子醬就發掘了用來剷雪撥爸爸仲好玩!hahahahahha 


就係咁,連爸爸靴入面都有雪,凍到叫救命~hahahahaha 

人不多,大家都有自已追逐走動的空間,不過若然碰上團體的話,就可能要忍讓一下,那天我們入去同離開前都有小學生團,正好我們那30min就沒有~可喜可賀 

雪球滾滾追逐戰 XD


入場前哥哥會將時間寫係入場券再請你戴上臂章,場內沒有時鐘,就靠自已的手錶電話了,而場內可以使用自拍棍,也沒有限制單反不能內進,只要自已好好保護相機就可以了 

圍著真雪區其實還有一圈全日式的商店街,而且店鋪不馬虎的,有北海道花畑牧場,有Cosplay Cafe又有靚靚花型棉花糖和cafe,全都是日本品牌請過來開店


只要買了入場券,玩樂30min,但在外圍逛行食飯是全日通行的,不過我們到來的時候是開張第二日,不少店舖未全面ready,所以我們只作閒逛就離開。在Snowtown門外就是通往商場平台花園的地方,立馬出去吸收一下太陽的能量 XD 回回體溫先~~haha~一下子又在這邊玩到出汗,有趣的彩虹小山丘! 推介大家來玩啊!

地址: 5th Floor , Gateway Ekamai Mall, next to BTS Ekamai station
電話: 6695-5476870
營業時間:11am-10pm





0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...