【親子活動】Olympian Kids 氣候英雄工作坊。製作獨一無二的環保袋！

平時魚子醬上山下海多，上兩星期就參加左靜態的Art Jamming活動，學下做文人先 XD 其實我們到了Olympian Kids 的會員暑期活動，一系列的活動都關於氣候和大自然，有得玩又有意義。第一次踏入中港薈，有自然光又寧靜自成一閣的場地，認真不錯 ^_^ 

雖然今日係art jamming活動，不過先先就有講故事時間，都係關於大自然架！小朋友都聽得好投入，又可以構思下一陣自已畫ge氣候小英雄；接住落黎又有綠田園基金的農場主人同小朋友分享下氣候變化同環保ge生活態度啊

同場見到本地插畫師徐羨曾哥哥，原來今次ge氣候英雄都係由佢創作架！d名都好鬼抵死，有紅代能 [袋鼠] 又有 泛冰冰 [北極熊] 等等 XD 但每隻都有特別ge力量去幫助世界，小朋友~你心目中ge氣候英雄又係點樣架呢 ?? 

影完大合照就可以開始創作自已ge英候英雄啦~~haha~魚子醬揀左個磁鐵俠，匿埋左係後面裝出黎 XD  超可愛！！ 

媽媽以前讀小學ge時候，最怕用粉彩畫畫，因為總係會唔覺意捽到污糟糟，今次都係魚子醬第一次用粉彩畫畫，加油加油！ 

問魚子醬「我地ge氣候小英雄畫咩動物好呀？」但佢都堅持英雄要係一個哥哥，所以最後我地就畫左個藍綠色為主的環保哥哥，然後魚子醬再係周圍畫左好多 [佢話係ge] 鯊魚、蝸牛、花花草草、飛機，好多好多野，都係全靠魚子醬的功勞，我地幅畫先咁多顏色咁靚 =] 

好動的小朋友，也有專心的時候

可以在充滿自然光的冷氣地方畫畫，人流又少，這裡果然是辦workshop的好地方 

燈凳！魚子醬的氣候英雄哥哥，如果印落環保袋到一定好靚 ^o^ 

個多星期之後，我地收到了環保袋的成品！好靚啊，媽媽已經決定加拉鏈、改短，改裝成小小的餃子袋，魚子醬返學就有小袋裝餐具毛巾啦~~yeahhhhh~ 仲印左Xavier 的字樣，name label都慳返 XD

大家不妨留意—下這個新新的 Olympian Kids會員計劃，都係商場消費就可到客戶服務台儲分同參加唔同活動/換禮物，呢個暑假認真充實!  畫得靚靚ge 50個氣候英雄仲會印成大大油畫Banner係奧海城展出，然後再印成環保袋！所以一定要加大油啊~~~~~

參考連結:

Olympian Kids FB Page

Olympian Kids Official Site