雖然魚子爸經常取笑媽媽喜歡Hello Kitty，其實只是任何靚靚可愛造型的都很難有抵抗力吧！ 這次魚子醬帶大家率先玩盡2015年的Sanrio Game Master現場所有遊戲同影相位~雖然集合Sanrio角色，但Hello Kitty x Tofu Man 真係無得頂啊！必必影相位
Sanrio Game Master 2015 係8月6至23號期間，在九龍灣國際展覽中心 地下舉行，大堂早就準備好排隊位置迎接大批粉絲！門口位都記住要影啊~果然一絲不苟，裡裡外外都做到靚一靚！
今年入場費為平日$100、周末假日 $130及指定時段Fast Pass $160[weekend 12-2/2-4/4-6pm]，一歲以上均需購買入場券！門票並不包括任何遊戲券，大家在場內外可以購入$80 4張遊戲券連攻略手冊及手冊封套，單張遊戲券$25，這樣一來也方便專程來拍照留念的粉絲們，遊戲大多是20-50秒，部份遊戲難度都幾高，比較適合成人又或者親子合作
魚子醬、小小豬、SY三個小朋友，未入場已經齊齊研究有幾多個遊戲同埋玩邊個先啦！究竟係小朋友眼中又係邊個最好玩呢??
入場後先到一個Briefing Room，有專人為大家介紹場內的設施，其實只來集郵，都足夠影上幾個鐘了~~yeah~! 七個遊戲、三個大影相區域，另外每分每吋的集郵背景，大家相機真係要叉足電啊！
在這裡給大家一個懶人包，帶大家用分半鐘~走一圈會場好吧! XD 想要詳細資訊的就梗係睇完video再慢慢碌落去
今年最大熱的一定要數Gudetama 蛋黃哥，在會場都佔據了相當重要的中心位置啊！
大家深深被Gudetama 蛋黃哥的梳乎樣迷倒了，好彩魚子醬今日第一次接觸蛋黃哥 XD 你唔好變到懶洋洋啊~~扔你去軍訓架
Gudetama 廚房的遊戲setting比較高，難度都高，要大家拋鑊反蛋 XD 魚子醬應該淨係望到個鑊邊，要等SY哥哥來幫忙~hahaha
最後都成功啦~yeah~一齊黎反轉梳乎蛋~~~~
Patty and Jimmy 的保齡遊戲可玩性100！就係正入場位置第一個遊戲，三枝保齡樽是木板來的，全人手操控 XD 20秒之內有四球機會，撞跌晒d樽就贏啦~~都幾難ga其實~但魚子醬玩完又玩，玩完又玩之後，終於有一次贏晒d哥哥，首先撞晒三個樽！叻叻~
Kuromi 同巴庫看守的是好多年前大熱一時的電擊棒，小朋友有高台可站立，但難度都非常高啊，大人都要手定定，加大油！
玩完緊張刺激的，是時候到Hello Kitty玩具屋瘋狂自拍 XD 兩層高的設計，雖然上層影相位不多，但可以環觀場館，影相一流，而個人比較喜歡下層的設計，客廳的感覺好懶洋洋啊，張梳化好似daybed咁長，魚子醬話長熄燈訓覺tim ar XD
走入廚房同飯廳的位置 「嘩~~有冬甩呀！」「我要食Hotcake」幾個小朋友嘩聲四起，超興奮，確實這裡都是一個絕佳的拍照景點，別錯過啊！
在Kitty House的背面還有可愛的Kitty 車 [好似tsum tsum TOMICA] 超可愛，仲有投射落黎ge影像，魚子醬不停追住踩
Bad Badtz-Maru XO啊！即刻諗起車媽媽最愛這個！XO的遊戲是電腦遊戲來的，大家要不停拍拍拍拍拍，控制風筒幫XO set返個靚靚頭，好搞笑啊！又係會令人上癮的遊戲
係遊戲機旁仲有一個靚靚影相位，可以走入遊戲機同XO一齊影相
布甸狗當年的人氣都超強架，今年就有獨立的影相區
Little Twin Stars夢幻棋園好靚啊，大家不要錯過入口旁的波子棋，影相一流啊，不過波子棋就係痴實晒ge~~~
Twin Stars遊戲係我地覺得咁多個之中最難架，因為只有四個豆袋，九宮格得中間個格有窿窿，你要扔到過三關，即係最勁可以過晒2關！不過~~我地扔左咁多次，連扔中其他窿都已經好困難 XD 大家要加油！
Monkichi 馬騮仔又係非常長青ge角色！今次就有自已專屬的彈珠天地~因為裡面很多霓虹光管設計，影相好靚，大家可以碌返上video睇，呢度仲有幾張凳可供休息，家長們要mark低，哈哈
魚子媽細個屋企都有呢個滾珠ge木盤遊戲，好開心係度見返，不過難度就高得多，size大了，控制又不是單純拎住個盤，是要擰左擰右。好彩棋盤難度唔高，親子合作之下，魚子醬都完成到啦~yeahhhhh
Tuxedo Sam模型店有齊Kitty, Melody, Little Twin Stars同Tofuman 合體，好搞笑 XD 全部變晒方面人，集郵專區也
Melody的積木城既考大家搵積木又要砌返出黎，要手腳靈活動動腦筋，小朋友快快手的話都可以玩啊，不過呢度setting又係較高而無提供腳踏
大家入場前緊記先download "Sanrio Game Master" Apps再完成任務，就可以有電子金幣！儲埋儲埋，最後係可以有扭蛋機會，分分鐘扭中場內別注版的小禮物啊！
這裡每一條走廊都是集郵位置，真係強！
望住會場限定的商品櫥窗，真係好靚好靚啊！其實本身今次會場限定的Kitty就非常靚，所以周邊產品都好特別
當中必數呢副限量1000盒的大富翁，盛惠$420但實物真係靚爆鏡，色彩同公仔都超豐富
仲有會場限定ge成人/小童八達通，分別限量5500同2500套，收藏自用都開心死~~ $138@
魚子媽覺得兩用的Tote Bag都係入手ge精選，一物二用，pattern又靚，價錢合理
如果大家完場前有到官方影相區拍照的話，可以在場館外拿到自已的相框作品，重點是這個七彩繽紛的立體相框只係HKD80，比起平時海浪公園個d無啦啦整個水晶座埋黎個d~抵買得多！少有地覺得呢個相框係心水ge消費項目！
大家都快d黎玩盡Sanrio Game Master 2015啦！
Sanrio Game Master 2015
日期: 8月6日至23日
時間: 1100-2000
地點: 九龍灣國際展貿中心 地下 中央廣場
參考連結:
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com