【口水長流】銅鑼灣SOGO - BAKE Cheese Tart - 無得輸的北海道流心芝士撻！\

最近在網上吹得熱烘烘，引得大家垂涎的，必數杜如風在節目中曾經介的芝士撻 BAKE！！作為日本境外首間分店，雖然被本地薑 半熟工房搶了頭啖湯，但個人之見根本全無影響，這邊的吸引力大100倍！一直也公佈8月29號 星期六為開幕日，以為無緣了無緣了，點知！皇天不負有心人，今朝早早來到銅鑼灣，見未到約會時間就先逛超市，結果發現BAKE今天試業啊！！！而且早上人龍大約只有15人，立馬排埋一份 XD

員工完全生手，排了20分鐘左右，因為排到頭幾位時可以近距離不停拍照的關係，時間非常好過，也確保每位客人都拍得超美的照片 =P 

芝士撻每個$20，由今天試業到9月4日，新張優惠買五送一！朋友話「咁咪仲平過半熟！」對，而且仲係北海道來的正店，看著一爐又一爐的新鮮芝士撻出爐，每次48個，密密手放上紙托，那個看來快湧出來的芝士餡也太吸引了吧！！！ 

Click得入黎，先給大家一個「懶人包」吧！

每位員工的分工都很清晰，也有日本的職員駐場，紙盒整齊列好，消耗速度也超快呢！ 

整個排隊過程都忍唔住勁影相，哈哈，整張Selfie先啦！面對超吸引的芝士撻，情難自禁 XD 

芝士撻全部由日本空運到港再焗好，根據日本人過往的執著，有絕對理由相信在港的焗爐和用具都跟那邊一模一樣，味道沒差多少；三種芝士混成的流心芝士餡，包括北海道函館輕味芝士、法國鹽味的Cream Cheese和別海產的濃味芝士，由濃至淡都有，這樣一來，芝士不會太鹹又不會太膩。朋友問「究竟有幾好味？值得買幾多？」 吃起來就是真正的芝士奶香味 「好似打開盒Cream Cheese就咁食！」最後先有少少after taste 係鹹味！

其實就算過左新張優惠，買6個都只係 $110，送禮自用都好呀，因為餅盒的設計都非常細心，三上三下，每格都有紙隔，移位極有限，讚讚讚！ 

金金黃黃的賣相，誰人不愛！面層的薄膜帶少許的焦香黏稠，中間就是可以一匙一匙吃的流心芝士餡啊！！ 當然要趁熱食!! 店方很細心的附上「食用提示」在當天可以常溫享用，如果放入雪櫃的話，可以放上3-4日，同時也會變成綿密芝士蛋糕的口感；如果是放冰格也可以！就會變成「芝士雪糕」！！ 凍食熱食都有獨特的口感層次，要翻熱的話，簡單放入焗爐微微加熱即可！

魚子醬先發制人啦！大口大口吃，在一旁的媽媽吞晒口水，點解咁多個都唔食？ 因為阿媽係個仔肚入面條蟲，百份之百肯定佢熱度只有三分鐘，3/4個後就會放棄，如果食多個咪飽死 =P 最後魚子媽都有機會第一時間嚐嚐出品，曲奇撻皮都真係幾鬆化兼帶牛油香！但芝士餡真心無得輸！好想只啜走芝士餡~hahahaha 

晚上我們再嚐嚐雪凍了的「芝士蛋糕」，一樣味道怡人，凍左都唔會漏，真係凍熱皆宜！ 

有緣就是有緣，萬萬想不到可以短短時間就買得到第一水出品，小店在Sogo B2/F 超級市場的電梯口，到下午的時候，蛇餅以外再排過晒汽水櫃了，粗略估計要排1.5-2hr，結果朋友們都只能流流口水。 大家想吃的話，這個weekend早上就要衝了~~~~真心推介啊！！

地址: 香港銅鑼灣軒尼詩道555號崇光百貨地庫2樓B2-16舖

電話:2831-3937

營業時間:10:30-22:00(SUN-THU) 

             10:30-22:30(FRI/SAT/Days before holidays)

官方網頁: http://bakecheesetart.com/hk/