鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/29/2015

【嘩好多熊貓呀!】小朋友開心死~~~1881 Heritage - Heart Panda 大熊貓世界巡迴展

一聽到1881有Heart Panda大熊貓展覽,不停嚷著要看的是魚子醬,不過佢就係問「係咪去海洋公園?」「點解尖沙咀有熊貓」好彩見到係熊貓公仔都一樣咁興奮,因為發現到他的最愛! 呢60隻熊貓其實先前已經去過德國同上海,今次短短黎到香港十日,除左傳遞中華文化之外,大家都可以見識到新一代藝術家的功力和創意!因為佢地都係由全國頂尖美術學院的學生創作,仲有不同的設計師和藝術家


花多眼亂,但每隻都有好鮮明的性格同背後的訊息,始終熊貓是國寶,很多創作背後都離不開中國的畫風,將龍獅、佛學等都放進裡頭 






明明前幾站都放係地下,點解黎到香港都升高呢?而且1881保安一眼關七,掂一下都離遠叫nonono [雖然我都知寫住不准觸摸..]

大家睇熊貓ge時候唔會淨係睇正面,背部先係亮點所在!呢隻係其中一隻「我最喜愛的Heart Panda」超可愛啊!

魚子醬睇睇下走左去,因為....竟然....比佢發現到 Iron Panda!!!!! 老遠已經聽到「媽咪!Iron Man呀!媽咪!過黎影相呀!媽咪!媽咪!媽咪!」 確實副盔甲又幾鬼像真,仲好Fit Size,不過一望住個貓樣,就覺得成件事太可愛 XD


有企係度ge形態,又有坐係度ge形態,魚子媽喜歡企係度多d,因為創作起來,好似會鮮明d,平面範圍都大d。 每張小圖按下去都可以放大ga!~ 想睇真d邊隻都可以click 



60隻大熊貓,有d都好深刻,好似呢個小女孩緊緊抱住,好有幾米feel 

又有一d好 pop art的創作,非常大膽 


呢個絕對同Halloween應晒節 ! 但係其實背後ge訊息係 人類破壞大自然,熊貓的生態日漸受影響,希望大家對地球伯伯好d 

用上金屬代替本身的裝置,而且一部還是只有支架,這個絕對可以成為建築物的藝術裝置,超鍾意啊~! 魚子醬猛咁係度照鏡 


 遇上線條極幼細的作品,也不禁停步細心觀賞,真係超花超花超花心思,雖然話一隻熊貓可能2,3位同學共同製作,但絕對考起合作來 


除了中國特色,動物生態與環保在這裡成了第二個大議題,簡而清就能表達意義

 另一隻好出類拔萃的,配色用得非常好,好似柔和得黎又好溫暖,忍唔住係咁同佢影相


呢隻係魚子醬心水之選,看來由三歲小朋友的眼裡看,熊貓還是黑白好 

我們還遇上了抽象大師的作品 XD  

大家還記得先前在海運大廈門前的主題展覽嗎?每次都人山人海,想影相好似要清晨6點去咁,今次我地放工時間先去到,一心諗住「弊啦~」點知任影唔嬲,而且大部份都係遊客同賓賓姐姐,香港人真係對1881完全眼尾都唔望下?? 每隻都順利影到,幾乎都無乜要等ge時候



如果可以在維園大草地又或者香港大會堂門前空地,背景會更靚,但現在有種中西融合的感覺也不錯 

這三隻最大又最注目的Designer's Panda,必到影相位 =]


在小朋友的地方,由小朋友話事,魚子醬話要行轉轉樓梯上到頂 @@ 「好啦...行啦...」

不過愈高,景觀真係愈好,由唔同角度睇返d熊貓又好得意,大家都可以沿住樓梯由高影落去,可見遊人真係唔多,而且保安真係過份嚴密



睇左一分鐘,由行返落去 @@ 之後魚子醬跟媽媽協議,用iphone影自已鍾意的熊貓,對於控制手機,小朋友熟過你 =.= 係驚比人搶電話je...好彩人不多,仲睇得住 。以下落黎都係三歲小朋友的作品,有d都唔差架!仲影到半島酒店架直升機!不過高度所限,好多時都影到個pat pat同個牌ja ma XXXD





魚子醬會繼續發掘更多親子好去處同搞多d親子活動,好想識多d志同道合ge家庭「拒絕港孩,還小朋友一個童年」。追貼 魚子醬 - 親子玩樂指南 吧 ^o^

Heart Panda 大熊貓公共藝術世界巡迴展
日期: 2015年 10月26日 - 11月4日
時間: 1000-2200
地點: 1881 Heritage

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...