鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/19/2015

【螢光雪糕!】唔理夜光定螢光,總之就係鬼咁應節的萬聖節雪糕 by Loooop

以前經常入大坑搵食,不過要諗埋小朋友個份之後,發覺天后同大坑原來適合一家大細ge餐廳好少,一係就靜靜地貴貴地、一係就打冷粉麵大排檔;上星期約埋Little K食Pizza,餐廳對著對面馬路的Loooop,兩個小朋友唔知點解「突然眼利」不停話對面有雪糕食 =o=

一入夜,成間舖仲熄埋燈,開住UV,其實,以前係Lab,只會所有人離開先開UV燈消毒,第一句想問「返足成晚工,會唔會mutation架,好易生caner」睬睬睬睬睬~~不過繼紙藝雪糕又諗到咁強ge Gimmick,真佩服,螢光雪糕,應晒節 


日夜大不同,螢光雪糕只在入夜後供應,共兩款 R.I.P 以及 Happy Halloween,底層都係阿華田脆脆、Pretzel之類的東東,而Happy Halloween上面就以棉花糖配鬼臉蛋白酥,而R.I.P就有墓碑曲奇,最搞笑係可以係R.I.P之外再寫幾隻字,雖然最後我地決定唔寫,但姐姐呢個時候彈左句「寫脂肪都得ga wo 」XXXD 笑到傻左

簡簡單單的裝飾,已經很有氣氛,加埋姐姐個件Miss Skeleton外套,夜光效果一流!唉呀,魚子醬都有一件一模一樣ga,早知著埋黎啦!其實咁樣就$58/55 杯,真係有點兒貴,但現今的雪糕市價好似都變得這水平,真誇張 

望Miss Skeleton都唔洗驚,最詭異係個Menu 英文寫蜜瓜味雪糕、中文寫南瓜味雪糕,但實際上係白朱古力及牛奶雪糕! 

發光的是白朱古力那邊,估計佢唔會夠膽加螢光劑落去,應該係加了vitamin B2 [估計],Riboflavin 本身都有螢光的效果,所以會在uv燈下呈現光亮的黃色,只要一踏出門口,又變返白色~~Magic~~~~~~ 

其實兩杯大同小異,魚子醬就要了嘩鬼蛋白脆的一杯 Happy Halloween,因為周圍都有大量棉花糖!! 

又有白朱古力雪糕,又有牛奶雪糕,感覺好膩?又無呢d情況,可能最近大熱的阿華田粉 + 雪糕已經贏晒,而且底部又有Pretzel 鹹味蝴蝶餅,又真係中和返一下 

當日行程特多,難得將封塵的BB車見下光,魚子醬竟然當左流動屋企咁,訓到Q晒腳 =_= 亦無打算起身;返上午班,真係去遠 d食餐飯都唔得!?我地已經6點幾食飯ga la wo,係屋企就玩到10點幾都唔捨得訓,出街又9點就熄總制 

地址: 大坑浣紗街 2A 地下
電話: 8192 8815

0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...