鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/16/2015

【支持視障人士就業】超到位的穴位按壓 @ 香港盲人輔導會萬瑞庭按摩保健治療中心

家庭資源正確分配的意思,魚子媽認為是包括work-life balance,除了小朋友的玩樂體驗和學習,父母的放鬆/拍拖及社交生活都係同等重要;作為全職媽媽,私人時間當然就是那寶貴的上學時間,三小時,其實來來回回做唔到d乜,但按摩都是一個很好的減壓節目

除了外遊,基本上在香港完全沒有按摩的打算,因為一怕「肉隨砧板上」不停比人唸經咁sell package [之前買了10次經絡眼部按摩團購,人生中第一次去美容院就不停被sell,最後去左2次就放棄左!!],二怕所謂的盲人按摩都是扮盲的,三怕唔知正經唔正經。最後,魚子媽決定了左多年的心願,試下在青松的這家 香港盲人輔導會 屬下的萬瑞庭按摩保健治療中心

由小學開始已經每天在車上路經此地,卻一直摸不透,後來隱約聽過是可以預約按摩,而網上資料極少的情況下,都係決定試一試!一星期七日都營業,仲以為好難book,點知一book翌日已經有,可能是因為平日早上的緣故;一星期七日都有,就算要上班的父母,都可以來鬆一鬆 


來這裡,無論是建生站還是青松站,還是搭巴士在天主教中學落,都一樣都步行5分鐘左右,門前就有大Banner,認住那古色古香的設計就準沒錯 


入內後沒有任何指示,憑直覺 轉左,找到了大堂入口,非常恬靜又簡約的設計,相信上面的樓層就是安老院,而地下就有Reception 和幾間按摩/美容房 

坐在長凳上向上望,覺得完全是設計師的心意,這天井位置實在好令人放鬆

這裡的收費,一般穴位按摩是HKD100/30min 、HKD200/60min及HKD300/90min,腳底按摩就HKD130 /60min 連足浴;比起泰國旅行成日按ge價錢,當然是貴一點,但以香港市價來計算就差不多;另外這裡都有脫毛、護膚等療程,詳見價目表

反正是第一次,沒有選擇特定師傅,當日被安排的是洪師傅,非常有力度也到位

他們沒有機械式的按壓程序,魚子媽告訴師傅最痛係頸同膊,按第一下,佢已經話「你個枕頭太高」嘩!真係中Point到應一應! 然後我話「無計,枕頭呢家野真係買10個都未必適合,依家呢個「登笠P老」新買六百幾蚊,唔捨得打佢入冷宮」師傅話唔係價錢ge問題,係適唔適合ge問題,日日都訓到頸痛,血氣上唔到就頭痛,為乜 
平時自已唔敢大力捽頸,因為會按到又紅又腫,今次師傅起勢按,下下酸軟,膊頭尤是重災區,特別係大家常用ge右肩,d筋捽過啪啪聲,相信好多人都試過,咁樣其實已經係好壞ge情況。然後有一個「肩貞」穴真係痛到想喊兼叫停!!呢個穴位主治肩關節的發炎同勞損,手臂舉唔高等痛症,其實魚子媽右手有d角度真係舉唔起,每次比人按摩要拉筋,都有種「斷!斷!斷!等等等等等等等!」ge感覺,好似再拉會甩骹咁....原來係因為勞損得太勁;之後返到屋企日日按呢個位~~~堅有用!
Source: http://www.xueweijiema.com/uploadfile/2014/1105/20141105060347286.jpg

魚子媽呢d好唔善於同陌生人吹水的人,呢一個鐘都過得好輕鬆,唔會全程dead air,因為師傅一路聽緊電台,除左可以報時之外,都會得閒笑下d奇聞,又遇著一d特別酸的位,又講解下,嗌下痛又笑下,好快就過去!師傅提醒,因為少按摩,呢兩日應該會全身痛,但之後就會鬆返 ; 果然,由當晚開始,就痛到全身比人打咁,但之後頸肩都無咁痛,亦都離棄左個枕頭 ,絕對可以有下次!


院內的戶外範圍人煙稀少,但其實綠化得很又有休憩健體設施,陰陰涼涼幾唔錯;雖然同大家介紹ge呢間係屯門,但其實深水埗另外都有一間香港盲人輔導會屬下的按摩保健中心;魚子媽覺得佢地ge宗旨好好,除左可以提供就業機會和專業技能比視障人士之外,亦都可以比大眾多d了解視障人士的工作能力,同時又可以為培訓視障按摩師籌務經費

幫到人 幫到自已,又肯定視障按摩師擁有專業資格,值得支持。作為家長,鬆一鬆,真係好緊要架!

余兆麒按摩保健治療中心
地址 :九龍深水埗南昌街二四八號西翼地下
電話 : 2779 1888 / 2776 1488
服務時間:上午十時至晚上九時 (星期一至星期六)
上午十時至晚上七時 (星期日及公眾假期) 

萬瑞庭按摩保健治療中心
地址 : 新界屯門青福里八號屯門盲人安老院地下低層 (輕鐵青松站)
電話 : 2469 9323
服務時間:上午十時至晚上七時 (星期一至星期日及公眾假期)

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...