鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/26/2015

【親子活動】playright play for all 遊戲日 - 在遊戲時人人平等的共融玩樂日

Playright 今年的大型公開活動比較少,但就比較走入小社區進行恆常的Free Play活動,最後在我們家附近商場都增設了一個玩樂點;而上周五在荃灣公園就有一個 Play for All 的共融活動,雖然一出feed好多家長都埋怨點解weekday !!!! 但其實呢個活動本身係設計比特殊學校帶學生黎玩~~~但以Playright大原則就當然來者不拒!所有小朋友都玩得好開心

活動就係荃灣西鐵站D出口,一出就到!根據大會的廣播,今日有好多間特殊學校同中心都有帶學員黎,淨係師生都有700人,加埋佢地ge家長同我地路人甲乙丙,其實都幾多人,但場地分佈得好廣,organize得好好,呢個就係魚子媽咁鍾意參與playright活動的原因! 

當日風和日麗,好猛陽光,好難想像係10月尾,竟然仲可以遇上玩水的好日子! 而大會亦非常超級細心,係公廁對面,再設立一個臨時更衣室,呢d真係經驗之談,要讚! 

去年係西九文化區玩過ge絲帶陣真係好難忘,今次黎個小兒科版本,魚子醬見識過絲帶森林,就對呢個mama day


近年智樂都多左將「遊樂車」駛到唔同區,簡簡單單的揀生果再跳車呢個動作,其實已經夠吸引小朋友不停玩完又玩,大d ge小朋友仲可以勇敢跳向前,係半空摘生果,不過叔叔就非常照顧細粒仔,魚子醬最後只能「被跳」hahah 



upcycling,用舊水樽都可以做成好好玩ge引流玩意,一幅魔術貼牆,數十個水樽自由拼貼,讓小朋友學習水由高向低流;成年人經常簡單複雜化,其實小朋友是白紙,用這些方法啟發他們也是不錯的方法 

這個滾珠,魚子醬玩了不下4,5,6次,一次比一次明白原理,一次比一次投入 

因為我們一放學就即刻搭車出荃灣,典禮進行ge時候玩水區無開,所以當我地瞄到開返ge時候,即刻衝過去,趁人少少,玩返夠本先! 黎得呢度ge家長,都有兩手準備,著曬crocs,除鞋就跳落水,後備衫褲少不了,仲見有人著埋泳衣玩 tim !!!! 

大大的水池,玩起「水動樂」上黎又是甚麼一回事?此水動樂不同彼水動樂,在一個個儲物膠箱接駁水喉, 噴出一個個小噴泉,小朋友可以利用不組的水管組件將水柱一直延伸開去,同樣是最簡單的發現認知練習


對於正常的小朋友,水床可能不及水池好玩,但對於special need的小朋友來說,這樣的觸感是很好的訓練,他們可能簡單的躺在上面已經開心不已

我們玩了playright多次的活動,今次第一次玩水玩到咁激動,人少少的時候我們都還未意識到這個bubble水池的真正玩法

魚子醬獨個兒都只是在裝裝水又撈撈泡,但之後人一多,忘形的更多,大家都乾脆跳入水池,wowwww


玩夠了濕身區,在一旁擱下野餐墊換好衫褲,又跳進了禾桿草的世界,魚子媽每次都好愛這裡的香味,一個大人坐在草堆內,總會成為小朋友們襲擊的目標,當堆成一個小山之後,我這隻大怪獸又要復活 XD 要求另一邊的魚子醬卻在耍帥 =o=

特別是這趟強調感統訓練,爬過不規則的組件,對小朋友而言已經滿有難度,姐姐們都好照顧小朋友,值得一讚



堆紙箱就是好玩,大人卻不會明白,這些巨型積木,小朋友搭建一幅又一幅大牆,就算被撞跌晒,又再砌過,沒有發脾氣,爭先恐後的情況,反而看到他們慢慢學懂合作

很少覺得魚子醬型仔呀下,但這身造型加埋動作真係「你玩晒」,在輪胎陣,跟太空漫步很像,腳浮浮的

當天的遊戲特多,魚子醬嚴選好玩No.1 是這個紅A膠盆 XD因為會隨住d滾筒而溜下去,這樣的滑梯雖然在香港還可遇到,不過坐著膠盤又是另一個雪橇般的玩意,刺激度十足


另一個簡易搭建的,不是車車,而係易木板一塊,滾筒一列,工作人員兩個就玩到的前後前後前後搖搖床,搖多幾下真係睡意濃


係近入口的位置,見到兩幅哈哈笑的紙板,原來是不同表情的emoji紙卡,小朋友只要同哥哥講聲要邊個,就可以拎走,將歡樂帶回家!

今次特殊學生比較多,所以職員都較多,接制得好好,雖然人多,受歡迎的遊戲都是排10min左右,去得很快,有時看到哥哥姐姐控制唔到情緒,小朋友都會問做乜,但家長都細心解釋,唔會黑面嗌走。其實社會就是最需要這種互相尊重,人人平等,今天在這裡大家都做到了。Playright在共融玩樂的角色起了相當大的作用~黎緊應該仲會有大型的遊戲日在weekend,大家stay tuned Playright FB 又或者Follow 魚子醬 FB Page,我地幫你留意住再通知大家啦~haha

相關文章:

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...