【2015 聖誕燈飾裝置情報】朗豪坊 LINE FRIENDS Party on the Desk。影相位特多！Brown, Cony, Sally, Leonard同 Boss齊齊陪你癲

都唔怕認，其實魚子媽沒有用LINE的習慣，對角色們沒有深入認識，但因為超愛兔仔同熊大的關係，今年聖誕節在朗豪坊有LINE的主題裝置都超興奮，謝謝公關姐姐邀請魚子醬跟媽媽前來大影特影，事後魚子醬提左三日三夜

Brown n Cony都出黎歡迎大家，相似度極高，成個聖誕裝置ge場地好一致，好開心啊！ 

魚子醬的作品 

聖誕裝飾命名為 LINE FRIENDS Party on the Desk 真係一d都無錯，因為全部野都係同文具、Afternoon Tea有關架，當日部份組件係可以拎起黎影相架！ [不過朋友仔update 原來正式開放後，掂下都唔得~好可惜]

我們最愛這組咖啡杯，Sally造型的咖啡杯，上面又有Brown, Cony, Leonard，而且後面還有一個下午茶層架，上面放滿Macaron and Gingerbread，影相靚靚

大家仲可以走入Coffee Mug，唔係扮阿姐，係因為裡面有好多POPS可以拎黎影相啊 [唔知正式開放後有無得拎呢？？？]

Macaron vs Gingerbread，誰得大家歡心？ 魚子媽就偏愛可愛的熊大薑餅，謝謝魚子醬充當我的私人攝影師 [ 有驚無險，無cut頭cut腳已經好滿足]

咖啡杯旁邊有Leonard膠紙座滑梯，巨型的膠紙卷加上聖誕造型的LINE FRIENDS玩得興奮，呢個影相位可以用摩天輪做背景都好靚

唔好忽略了坐在尾尾的Jessica 

Boss 夠爆笑的有沒有，真心覺得企係佢隔黎都會忍唔住笑，好治癒系 

愛美的James，魚子醬真係走去睇下人地影d乜，然後用個氣球擋住佢，他們是在鬥搞笑嗎

有齊所有LINE FRIENDS的9米摩天輪真心靚！中間仲有熊大做嘜頭，然後上樓梯仲有Brown n Cony同大家影相 [人人都上得ga~yeah~] 

魚子醬有幸同到Brown n Cony一齊影相，好開心之餘，影完行埋黎第一句係話「媽咪頭先佢用隻手遮住我塊面呀！」 XD 係咩！？點解我見唔到~~~蝕左tim XXXXD

Pop-Up Store位處七樓，在4樓大型裝置轉上長長長扶手電梯，之後落多幾級樓梯就到啦 =] 簡簡單單的設計，都留了不少集郵位置

35cm Brown n Cony著住心心情侶冷衫，係今次朗豪坊 x LINE 的限定商品 [$430@]，另外仲有三款禮物罐都是限定的 [$50@] 

不過最受注目的應該都是全球首賣的 熊大 Mr.Maria 燈，大家可能對Mr. Maria這品牌不太熟悉，但只要講起之前出過一樣的 Miffy燈，大家就可能「呀~~~~~~~~有印象」真係好可愛，35cm售 $1600，50cm售 $2400，老老實實，合理價錢。

認識魚子媽較耐的人都會知道，她本人對旺角這區實在帶點厭惡，已經有好幾年無踏足過，甚至某年的生日，明明朋友們訂了尖沙咀的酒店慶生，卻專程約在旺角等，帶著厭惡地應約這天大的騙局 XD 一世都記得這件事~~~朋友問「車咁你今年又黎~~~」搭地鐵由地底直入商場~沒有經過地面~我係OK GA~!憎的是地面人多車多，廢氣最多

LINE FRIENDS Party on the Desk 影相位真係好多好多好多，強烈建議日間來拍，在自然光下份外Sharp 醒！